食物敏感

5M27D事緣前幾晚龍BB頸背出左好多紅色一達達既野,我以為天氣熱佢出晒汗攪到有熱痱,用毛巾幫佢抺下身搽cream就無理!到第二日幫佢沖涼見到佢個心口&背都有少少紅色一點點,又係搽cream無理到(因為真係好少點點,間中都有),但到左第三日先知出事,夜晚7點幾飲完奶同佢玩左陣都無野,但隔左一陣見到佢雙手出玩紅色一點點(摸落去紅點係突出黎,好似出疹咁),嚇到我即刻同老公帶龍BB入醫院急診睇醫生!

沿路我地念點解會出疹,之前聽FD講過發燒會有玫瑰疹,但係龍BB個幾日又無發燒,只係可能天氣熱出晒汗有熱痱!另一方面又念佢依幾日食左D咩,佢依三日食左青豆蓉溝雀巢米糊,其餘都係飲奶!

去到醫院分流姑娘竟然話龍BB無發燒要等4個鐘,天呀,當時已經10:30pm,我第一個即時反應"下......你要個BB等4個鐘,姑娘可吾可以安排快D"之後佢真係幫我安排半個鐘就可以入去見醫生,點之講完一大輪女醫生話吾知咩事,走去搵個高級D既男醫生,佢又係話吾知咩事,重叫我留院觀察!當時我真係覺得好"低能"(請大家吾好怪我咁粗俗,因為真係太擔心&火火地),竟然無醫生知咩事重要係吾係都入院,真係勁無奈(依間醫院出晒名D醫生係見習,係吾係都會叫人入院,吾想係度開醫院名)!我拒絕左,醫生就比左支抗敏感藥水飲&藥水搽身!個晚龍BB食完藥勁眼訓,一覺訓到大天光!

問過幾個FD都話有可能食青豆敏感,另外又聽過雀巢糊好熱氣,所以到第二日我即刻停晒青豆糊仔再用芫茜水同佢抺身沖涼,照食藥水&搽藥!到左第三日紅點已經完全退晒!依家屋企重有成罐雀巢米糊,攪到驚驚地吾敢再食(雖然未必關事),但都以防萬一!


可憐既龍BB,又再一次令媽咪擔心了!

 

而家好返晒,靚晒!

Afternoon Tea

5M23D有fd介紹TST有間幾正食afternoon tea既地方,琴日就同老公帶龍BB去試下!
地點係尖沙咀帝樂文娜公館1樓, Finds Restaurant & Bar.........城中唯一北歐餐廳

出發去街街lu~~



美食層架,賣相精緻好看!



影返張合照先!

Scones
parma ham
tomato confit paste in milk bun

Salmon seared with black pepper and fennel seeds
Raspberry macaroon

House-smoked salmon on malt bread

Warm mushrooms in pastry camembert cheese
Black truffle mousse in profiterole

Mini chocolate fondue



Organic Ginger Lemongrass tea

Cappuccino

$268兩位價錢,地方舒適,食物美味,超值!
下次要拉埋d姊妹黎談心先得!

布動物書+益智玩具

5M22D上星期同老公係千色店買左兩樣我超鍾意既玩具比龍BB,平時已經成日見到 Ks Kids 依個牌子D玩具,但一直都未見過依兩款,加上佢做緊8折又搵到我心水玩具,嘩...開心到我即刻攬住吾放!

一) 布動物書HKD63.8,一直想買用布做既書仔比龍BB好耐喇,但係搵黎搵去都吾啱心水,因為我想搵D書仔內容有教育成份,最好就要用布做輕身D吾怕太硬太厚,龍BB又容易自己拎黎睇!



打開有不同可愛動物,有英文字介紹自己,第一頁中間重有個BB制,一禁落去就BB咁叫,龍BB超鍾意!
我會一路打開一路用英文讀比佢聽,原來龍BB最鍾意係鴨仔!



自己拎住睇完全無難度!



睇得好入神......哈哈!



開始有D興奮喇!




二) 布積木HKD238,其實佢吾止積木咁簡單,佢有好多玩法可以比吾同年齡既BB玩,依樣玩具又可以玩又可以幫助BB思考運用腦筋,加上圖案色彩吸引,真係一舉兩得!

 

 

教吾同年齡BB有咩玩法!

 

切車車!

1 + 2 = 3
7 + 4 = 11

切動物!

面有塊布,打開之前(雞蛋)

打開之後(雞仔出世喇)

打開之前(蘋果)

打開之後(食完蘋果得返個蘋果心)

數字 1~12

三角形積木,不同顏色!

可切成一幅圖畫!

切積木!

伸俐玩口水

5M18D最近好忙呀,攪到寫Blog都無時間,要拿拿臨補返幾篇Blog先,如果吾係又積積埋埋喇!

龍BB最近吾知係邊度學人玩伸俐Bu口水,佢重要覺得好好玩,話完佢再打Pat Pat都照玩(其實佢邊會識聽)!好既吾學,學埋D曳野(越黎越似我呀媽D口問)!

雖然佢最近愛上玩伸俐,不過佢一笑就伸俐又真係幾Q既,攪到我又會情不自禁同佢玩!但係講到Bu口水就真係吾得了,開頭Bu少少,而家就越Bu越開心,Bu親都大大聲,重要一大Pat,攪到周身都係口水,要不停咁同佢抺呀抺!

不過回想返其實龍BB係咪學左我呢,因為有時我會同佢玩啜佢啜到好大聲,吾知係咪佢又想啜我攪到變左Bu我呢!

我伸俐!



再伸俐!媽咪你影得太近攪到我斗雞眼呀!

再再伸俐!

伸完,Bye Bye!

第一次食菜心奶米糊 @ 5M13D

5M18D龍BB今次食第四種菜糊就係菜心奶米糊,菜心比較正氣食左四日90ml水+5匙奶米糊,但係吾知點解龍BB好似好難消化,放屁勁臭,D便便重有菜心點點!

龍BB食親菜糊都勁鍾意勁快食晒,今次都吾例外,同樣鍾意食菜心奶米糊!其實可能因為佢本身鍾意糊仔D味,所以放咩落去都食晒,等我下次試下落D龍BB吾鍾意食既士多啤梨蓉同蘋果蓉比佢食先!哈哈,吾知點解我又吾鍾意水果蓉溝奶米糊喎,放過你啦龍BB!
用水浸洗後煮熟!


切碎放在瀘網上用棒磨成蓉!


完成!賣相有D核突,似咩自己念喇

混入奶米糊內,靚返晒!


龍BB鍾意食!

第一次食冬瓜奶米糊 @ 5M10D

5M18D龍BB暫時已經食過南瓜奶米糊四日,西蘭花奶米糊四日,今次就比佢食冬瓜奶米糊,但因為冬瓜比較涼,所以只係比佢食左兩日90ml水+5匙奶米糊,同樣龍BB都鍾意食,好快就食晒!

洗乾淨去皮煮熟!

熟左既冬瓜會好'林',所以放在瀘網上用匙壓幾下就好快變成蓉!

得左~其實吾止咁少,依度係中途影!

 

龍BB鍾意食!

Huggies入會禮物(4)

5M17D
今日收到Huggies學習褲尿片M碼一片,大碼尿片兩片,另外重有D Coupon!

之前朋友送既Huggies M碼學習褲已經用左一袋,而家重有一袋用緊,其實我好想快D清晒佢,因為而家龍BB用M碼有D緊,我想同佢轉L碼尿片,吾知係咪龍BB Pat大呢,好似佢而家5個半月要用L碼又會吾會快左D呢!

不過我有D疑問,如果而家龍BB未識爬已經吾啱著M碼學習褲,咁真係當佢識爬識行個陣咪要買XL碼??