Kinetics"母乳餵哺及幼兒疾病預防"免費講座

21/9/2012(35W1D)
今次參加Kinetics"母乳餵哺及幼兒疾病預防"免費講座,相信係最難抽到&聽咁多個講座之中最好!之前已經聽過好多媽媽都話好難抽到,有D試過幾次都無份呀,所以今次龍B媽就用埋龍B爸個資料一齊抽!果然,一向無抽奬命既龍B媽真係抽吾到,龍B爸反而抽到!

今次講座分兩Part,第一Part係大力Sell Join 打針Plan,介紹下D預防針既用處!第二Part就教下大家餵哺技巧等,依個講師真係好生鬼,所以絕無悶場,其中佢講左一D關於坐月事項,生完後吾好飲水,要飲"代茶",如果吾飲"代茶"可以飲"可華田"(佢話係佢呀媽教,但真係未聽過)!

至於禮物方面,佢好似集合左幾間奶粉公司講座既禮物,都幾豐富架！
雅培講座送既"Huggies 0碼尿片"(已經有8包)
美讚臣講座送既"毛巾(已經有3條),袋(已經有4個),飛行棋"(已經有3盒)
雀巢講座送既"Mustela"(已經有5 Set)

5最高分
內容吸引:
禮物吸引:

聯合講座

15/9/2012(34W2D)
終於聽完聯合所有講座,佢分9堂,逢星期六循環方式進行,但吾一定每個星期六都有,所以要睇住佢個時間表邊日有咩堂,如果咁啱個日吾得閒,就要再延遲下一堂!

其實聽晒D講座除左可以增加生產知識外,重有一個目的,就係當入院生龍BB時比張覆診卡佢証明係懷孕期內聽晒9堂講座就會比返張有龍BB相既証書!

**產後護理**

**嬰/幼兒培育**

**嬰兒護理**

**母乳哺飼(1)**

**母乳哺飼(2)**

**產前護理,骨盤底肌運動**

**加+加點愛**

**生產過程**

**透視寶寶心"

 

雀巢"孕婦及嬰兒營養,初生寶寶常見問題及育嬰示範"免費講座

10/9/2012(33W4D)
今次係第二次聽雀巢講座,主題係"孕婦及嬰兒營養,初生寶寶常見問題及育嬰示範"免費講座!

由於今次主題同上次吾同左,而且個主題又符合最近經常易肚瀉既龍B媽,所以就去聽下喇!

其實最近龍B媽有少少放縱自己,食過薯片&雪糕,加上吾知係咪龍BB頂住個胃關係,攪到腸胃吾好,易攪肚!

為左龍BB健康著想,龍B媽決定再次介口,要食返多D有營養既食物先得!

至於今次講座全程係由一個講師負責主講,內容講解媽媽&BB要注意食咩食物會較有營養,最後再教大家點幫BB沖奶粉&沖涼!不過最奇怪係個講師好似有D新手,當示範幫BB沖涼時有D混亂,步驟亦Miss左好多(相比之前D講座),過程中附近有好多準父母不停批評,攪到個場面有D怪!

而禮物方面就正常返喇,因為上次講座既禮物係少左尿片,棉,女性潔膚!

5最高分
內容吸引:
禮物吸引:

美素佳兒"產前育兒實習班"

27/8/2012(31W4D)
早排收到美素佳兒電話邀請參加"產前育兒實習班"!
佢話會有個假BB比你實習下,我都覺得幾有興趣(雖然之前已參加過Baby Planner,都係有假BB實習),不過我都想睇下有咩分別!
由於個場太細,所以媽媽吾多,連地點都同Baby Planner一樣!
內容教大家點幫BB沖涼,著衫,除衫,抱BB手勢......,雖然短短兩個鐘,但始終有個假BB實習下都幾有用!

兩個假BB放埋一齊好攪笑,好似孖B兄弟

以下係實習班禮物,袋內有一條大紗巾!

5最高分
內容吸引:
禮物吸引:

雅培"產前及互動湊B實習"免費講座(2)

26/8/2012(31W3D)
今次係我第二次參加"雅培"講座!雖然內容一樣,但聽多次都吾怕,因為講師真係講得幾好!
另外個MC話今次份大獎係第一次送出,之前未試過咁大份喎!份大獎就係多左一張網床!不嬲都無抽獎運既龍B媽同龍B爸當然無份啦!
今次同上次份禮物有D野吾同左,我好鍾意頂帽仔,熊仔手套同Kiss Me口水肩!

5最高分
內容吸引:
禮物吸引:

BB Care"準父母湊B全攻略"免費講座

24/8/2012(31W1D)
今日參加由BB Care同天才社合辦既"準父母湊B全攻略"免費講座,佢分左兩Part!第一Part主要講湊BB注意事項,但依Part我有D分心,因為佢講介手指同介奶咀都講左好耐,有D悶!
第二Part主要講胎教,其實我一直都好主張胎教,覺得會有用,所以我聽得好投入,講師都講得幾好,尾斷重同大家玩左一陣遊戲(快閃),就係畫面好快咁出現幾個字要你讀出佢係咩顏色!例如出現個"黃"字,但個字既顏色係"黑色",你就要好快速咁講"黑"!玩落都幾得意!

以下係今次講座禮物!我已經有三個美讚臣袋,兩盒飛行棋喇!

5最高分
內容吸引:
禮物吸引: