坐定定

4M30D今日同龍BB睇睇下DVD突然見佢坐得好定,本來我係扶住佢坐,之後我就慢慢放開手,龍BB就自己坐定定喇,依個姿勢維持左兩三分鐘!
好開心,又見証到多一樣野喇,而家睇住佢一日一日咁長大進步真係好開心,有時都會回想龍BB初出世軟綿綿個樣,而家既佢好似大個仔左喇!


雙手放前好穩陣,重識望鏡頭!

 

 

投入睇DVD

開始攰向前中

第一次食士多啤梨蓉 @ 4M30D

4M30D今日見百佳D士多啤梨大大粒幾靚,攪到我同老公忍吾住買左盒返屋企食,食食下忽然念起可以整D士多啤梨蓉比龍BB試喎,又可以試用下之前專門買黎整食物比龍BB既用具!

好大粒士多啤梨,用食水洗乾淨!


先將士多啤梨切成粒粒放係濾網上面,再用棒壓碎後順時針方向轉!

再用匙背壓成蓉!

龍BB食完第一啖面容扭曲!

食第二啖已經無晒表情!

 

第三啖比面媽咪免強食埋,最後剩餘個D交晒比Daddy食埋佢!



總結:龍BB食左3啖士多啤梨蓉已經吾係咁鍾意食,我自己都試過酸酸地龍BB可能未接受到,不過老實講我都接受吾到,哈!
我建議用半粒士多啤梨整蓉會好D,因為整晒一粒實在太大碗蓉喇,而我又吾想將水果蓉放落糊仔度,所以下次都係試其他野喇!

Oxford 入會禮物(2)

4M29D今年3月BB展拎左張Oxford 既Coupon送發聲體驗版DVD,老公琴日出開TST就順手幫我拎埋!
其實屋企已經有幾隻Oxford 吾同版本既故事書連DVD可以比龍BB睇!但今次佢送既都幾特別,有本按個制會有歌仔既故事書,另外重有隻DVD係同故事書內容有關,本發聲歌仔書D圖畫都幾靚,都幾吸引我同龍BB,吾錯!
發聲歌仔故事書連DVD

按右上角個制就會有歌仔,故事書圖畫色彩鮮艷!

ArtsCow 相簿

4M29D
見好多Blog媽媽都幫自己個BB整左本ArtsCow 相簿,我見幾得意(可自行設計圖案)&價錢平(用左圓圓code折返HKD$15.2,包運費)所以我都幫龍BB整返本NB~3mths既15x15相簿(24頁),!
大概一星期已經收到相簿,可能全部相都係手機影,所以出黎效果無心目中咁靚,有D相偏紅,有D就比較暗,不過平平地玩下都OK,如果要正價就NO喇!而家間中ArtsCow都會Send電郵話會有某D產品優惠,不過暫時除相簿之外對其他都無咩興趣!
http://www.artscow.com/?Ref=1521665


4M20D~ 龍BB有咩在手都要咬一餐!

雀巢米糊

琴日收到雀巢米糊Sample,另附有簡單米糊食譜,只要上佢個網址申請就OK,佢會集齊一個月既申請月尾寄出Sample!
不過網上見過有媽媽講過雀巢米糊比較熱氣,所以打算遲D先比龍BB食,佢而家食緊Healthy Time都幾鍾意,之後會試埋之前拎既Holle Sample!

第一次食米糊 @ 4M23D

4M23D
今日去健康院同龍BB打13價&4合一,佢而家重16磅,姑娘話好標準,重讚湊得好同埋讚佢叻叻,因為佢打針全程無喊過,只係打第二針時叫左一下就即刻笑返,連我都覺得佢勁,打針都識笑,真叻仔!
之前見其他媽媽都話會考BB手仔活動能力/視力等等,但係吾知點解姑娘一樣都無考龍BB喎,枉我重拎左龍BB最鍾意既鴨仔打算比佢考手仔活動能力!
姑娘比左2本有關糊仔書連VCD比我,返去睇完之後我已經好心急想比龍BB試食米糊喇!第一次食米糊份量30ml水+1匙奶粉+1匙米糊!
開頭一兩啖龍BB覺得好奇怪,但之後就越食越鍾意,食到尾仲吾夠食要補多150ml奶,暫時睇佢食得幾好,其實我係咪要加糊仔份糧呢?!定係食多兩三日睇情況呢?

4M23D~ 第一次食糊仔食到舔晒脷,好味道!

美素佳兒入會禮物(2)

前幾日收到美素佳兒電話,佢會送2號奶粉Sample比我!太好喇,因為龍BB係食開佢架,我順便問埋佢有無糊仔,好快琴日就收到2罐400g 2號奶粉,1罐400g糊仔!
另外重有本糊仔書,內容都幾豐富,我又可以參考下入面d資料整糊仔比龍BB食喇!

Holle入會禮物

早排見到嘉路Blog介紹加入Holle媽媽會可以拎糊仔Sample,快要準備糊仔比龍BB既我當然吾放過啦,方法好簡單,只要電郵info@hago-group.com比Holle索取就可以了!

Holle好快手,第二日已經有人回覆要跟以下步驟,過多兩三日就收到Sample!
方法:
Step 1: "Like" us on Holle Facebook  
Step 2: 於Holle Facebook內PM以下資料

<<加入Holle媽媽會>>

爸/媽姓名:
聯絡電話:
地址:
Email:
BB名:
BB年齡:
BB現用奶粉牌子:
如何認識Holle Baby Food:
想索取: Holle奶粉/糊仔試用裝 (二選一)
每個登記人只可登記一次，當會員確定後，將會以電郵回覆，並會寄出Sample

 

 

啱嘴形蕉蕉牙膠

4M19D終於買到樣啱龍BB口味既牙膠喇!龍BB一直都勁鍾意食手手,但係佢又吾係太喜歡'蘇菲',可能因為'蘇菲'太大隻,龍BB隻手仔重未掌握得到,所以對佢無乜興趣,所以我想等龍BB再大少少先比佢!
為左減輕龍BB食手手既程度,近日就買左條'蕉蕉'牙膠比佢咬,佢一咬就愛上左喇!
本身條'蕉蕉'比較幼細,拎起手都幾方便,而且佢兩邊蕉皮係防止條'蕉蕉'頂到喉嚨!不過有時佢都會比條'蕉蕉'插親,所以都係要小心D!
每次龍BB都食到津津有味,佢吾止鍾意食條'蕉蕉',連蕉皮都想一齊放埋落口!


4M15D~ 龍BB食'蕉蕉'都食得咁誘惑!

4M16D~ 連蕉皮都想食埋!




介紹條'蕉蕉'既特點!

食糊仔前準備

4M15D打算龍BB 5個月會比佢初嘗米糊,本來念住買定攪伴機可以自己整埋生果蓉比龍BB食,但經朋友建議下話吾需要攪伴機都可以用其他用具整!
朋友就介紹我買依套用具,佢話磨肉都得,到時整埋碎肉粥都得!千色店9折HKD$76.5!
另外萬寧米糊做緊8折, HKD$4X (朋友送左萬寧Coupon) ,所以吾洗錢!如果每次只落少少比龍BB食,咁一盒可以食幾耐呢,睇落好似好大盒,所以先買一盒試下先!

龍BB生病了

4M12D
前兩日見龍BB有幾聲咳,開頭以為佢係玩口水令到自己咳,但直到琴日開始發覺吾對路,龍BB朝早起身勁咳,重要有啖頂住,又鼻塞流鼻水,好可憐!
我拿拿臨睇下佢有無發燒(無燒),跟住再打電話去樓下診所預約睇醫生,醫生排籌好變態,足足等左兩個幾鐘先到,好彩可以係屋企等,最後拎左3支藥水,有收鼻水,止咳,退燒!

其實今次絕對有理由相信係龍BB個Daddy傳染比佢,因為佢前幾日重感冒,而佢成日抱龍BB時又吾記得帶口罩,攪到龍BB中埋招!
好吾開心呀,龍BB出世4個幾月第一次病,琴晚龍BB重鼻塞到訓吾到,每隔一個鐘就叫甦我地,睇見佢個樣咁辛苦真係好陰公豬,抱住佢訓個陣自己重不禁流淚,寧願辛苦個個係我,依D真係做媽媽先深深感受到既痛!
希望龍BB快D好返啦...........

2013年3月一田BB展

由於2月會展個BB展買吾到揹帶,所以上星期日就同老公去一田BB展睇下有無得買!大約1點幾去到已經好多人,可能加上個場好似無咩冷氣咁,又熱又迫既情況下只好快睇快閃,最後買左以下戰利品!

泵氣坐墊: 比龍BB學習坐,因為打算5個月比龍BB食糊仔,佢而家自己又未坐得穩,加上Hairchair個高度又未啱龍BB坐定定,所以決定買依個返去比佢坐得穩定D HKD$187 !
揹帶: 終於比我買到,我鍾意佢有個托可支撐條腰,揹住龍BB真係吾覺得重,加上佢上下可分開兩用,不過如果只用下面個托就會好重,D力聚晒落去會有D辛苦,其實我覺得吾係好啱我,因為兩邊揹帶好闊好大舊,好似啱男人揹多D,所以我經常同老公講'辛苦你'喇....Heeeee HKD$935



龍BB坐得幾舒服,成個大爺咁,重要食埋手手咁嘆!

對有 I LOVE MUMMY, DADDY 既衫情有獨鍾,見龍BB又無咩包腳衫,所以就買左一Set3件 HKD$270(mothercare)


 
經過見Chicken Duck 童裝做緊3折,但係有好多款已經斷碼 HKD132

4個月 01 Mar 2013

4M4D龍BB 4個月,而家佢硬正左好多,每次抱佢都會好大力咁捉住人件衫!有時想拎走佢手上既玩具佢都會好大力咁扯住吾放!原來龍BB係大力仔黎架!

龍BB鍾意笑,有時同佢玩會笑到卡卡聲!佢最鍾意人同佢唱歌,拍手,會笑到四萬口!同時留意到一樣得意野,原來BB望住BB真係會有共鳴架,每次佢望住公公屋企張大頭BB海報,佢都會望住個BB講BB話,重有講有笑,真奇怪,吾知佢想同BB講咩呢!

而家講野多左好多,又成日撩人玩,有時佢見無人理佢,佢會不停講野叫到你應佢為止(深深相信佢會係一個好貪玩既小朋友,對住佢少D精力都吾得)

勁鍾意食手手,有時明明見佢食緊奶咀,但轉頭就會見佢一隻手揸住個奶咀耳,另一隻手就放左入口係咁啜,重要啜到鬼咁Enjoy,成手同面都係口水!

開始識發忟憎,通常係想訓時先扭計後發忟憎,不過食住奶咀抱下拍下又好快訓著!

識認人同認聲,如果有人叫佢,佢會擰個頭去望下邊個先,如果佢認得既人就會笑晒口(暫時最認得係公公婆婆,好彩佢都認得Daddy Mummy,如果吾係就要打Pat Pat喇)

勁鍾意企,重要玩1,2,3飛個隻!有時比佢企大脾都幾痛,因為龍BB會不停用力踩,好似想行咁,真係未學爬先學行!

鍾意踢被,個睡袋拉埋拉鍊,佢對天殘腳都可以踢到出晒黎,重要踢到出晒腳汗,真誇張!第時大個踢波係咪甲組呢....哈哈!

龍BB已經有個最愛玩伴,就係手玲鴨鴨,只要佢扭計時比個鴨鴨佢,佢就會9秒9拎住個鴨鴨手玲玩,不過都係止到一陣!

對自已雙手感興趣,會經常擧高隻手定格咁望實,有時又會雙手捉實!對身邊事物好奇,會拎起身上既口水肩/毛巾,所要要經常睇實,驚佢會拎過頭!飲奶佢而家一日飲4餐,每餐6安,有時早起身要飲5餐!
其實身邊朋友都話4個月可以開始比佢食糊仔,但係我念暫時吾會住,因為到而家佢依然都會嘔奶,所以我想睇多一個月,睇下佢個胃仔Ready未(吾嘔奶)!不過其實糊仔係咪當正餐?好似而家龍BB飲4餐奶,咁係咪到時比一餐糊仔當一餐即一日5餐?!便便一日至少一次,會間中比水水佢飲,所以有時D便便會好稀!
如果龍BB個日有食保嬰丹,咁就可能會有兩次以上便便,不過會勁臭!(龍BB間中有半夜喊甦,食左一排好似好左)學習開始會比龍BB自己學下反身,佢未識反晒身,不過見到佢反到一半同真係好努力嘗試反身個樣真係好開心架!第一次見佢成功自己反身個刻,真係開心到大叫想喊!


4M1D~ 等我表演反身比大家睇下先

我反......

哎呀......反吾到tim

好在媽咪幫我反埋佢先完成晒全套動作......好攰呀,等我抖抖先