第一次食菜心瘦肉粥 @ 6M31D

6M31D之前食三文魚好似密左D,所以都係轉返食瘦肉,下次想試下雞肉!今日食菜心配瘦肉,將菜心洗淨後浸1小時,煮熟後將菜葉同瘦肉用攪拌機攪爛!
先將米浸過夜!
到第二日再用熱水連米浸5mins預熱個保溫壺!
倒左D熱水後再用熱水裝滿保溫壺連米焗2hrs!
2hrs後倒走部份粥水(我會留比龍BB當水飲,可以清熱氣)
煮熟菜葉&瘦肉後用攪拌機攪爛!
再將白粥連菜肉一齊用明火煮15mins即可!


今餐龍BB吾太鍾意食,可能D肉太"鞋"口,食到三分之二無晒心機重扭眼訓!

同場加映念住比條菜莖龍BB咬,點之佢好疑惑咁研究左好耐,最後連一啖都無咬過!

龍BB: 媽咪比咩我呀,個樣咁怪既,咩黎架?

第一次食小棠菜三文魚粥 @ 6M23D

6M31D今次再用三文魚配小棠菜,小棠菜幾爽口,龍BB都好鍾意食!

6M23D~ 先將米浸過夜!
到第二日再用熱水連米浸5mins預熱個保溫壺!
倒左D熱水後再用熱水裝滿保溫壺連米焗2hrs!
2hrs後倒走部份粥水(我會留比龍BB當水飲,可以清熱氣)
煮熟小棠菜&三文魚後用攪拌機攪爛!
將白粥連菜肉一齊用明火煮15mins即可!

又係吾洗25mins食晒!叻叻!

第一次食粟米三文魚粥 @ 6M23D

6M31D我本身都幾鍾意食熟/生既三文魚,覺得用佢煮粥好味過煮瘦肉,因為容易D用攪拌機攪爛&滑D等龍BB易入口!但係粟米攪左好耐都重有好多皮!,吾通粟米皮係攪吾爛?

6M23D~ 先將米浸過夜!
到第二日再用熱水連米浸5mins預熱個保溫壺!
倒左D熱水後再用熱水裝滿保溫壺連米焗2hrs!
2hrs後倒走部份粥水(我會留比龍BB當水飲,可以清熱氣)
煮熟粟米粒&三文魚後用攪拌機攪爛!
將白粥連菜肉一齊用明火煮15mins即可!

三文魚好香,連我都偷食左龍BB幾啖粥!

第一次食雪梨蓉 @ 6M19D

6M31D見天氣熱熱地買左D雪梨返屋企食順便比龍BB試下,味道清甜龍BB好鍾意食!

6M19D~ 先去皮再用磨研器打圈磨成蓉即可!

食得好開心,個口重好大,失禮晒

第一次食香蕉蓉 @ 6M4D

6M31D之前試過蘋果,士多啤梨反應一舨,經好多Blog友介紹食蕉蕉,原來龍BB真係鍾意食喎,太好喇!

佢個日食完蕉蕉後D便便好暢通,因為平時會用力谷一陣先,但個日吾洗點谷就完事,到第二日D便便就見到蕉蕉個D黑色點點,之後如果一日無便便我就會比佢食蕉蕉!

6M4D~ 由於第一次食所以只比少少試左先,煮熟蕉蕉後用匙壓成蓉(其實點解要煮熟先食,我真係吾知,哈哈)

可能甜甜地,龍BB超鍾意食,依度得少少重吾夠佢食tim~

Playmat

6M28D終於買左playmat喇,點解用終於黎形容,因為其實我想買好耐,一直又睇吾啱款,太薄又吾得無包邊又吾得(老公要求多多),加上係時候要比佢係地下學爬喇,我心目中有個款就想有埋ABC or 動物英文!

本來想買摺得埋個隻款,但嫌佢硬左d!如果買成仟蚊個隻又好似貴左d!跟住見樓上鋪賣BB野有鬆弛熊公仔+ABC,價錢都好抵,最大size都只係HKD$2XX,當我打算搵日去買之際第二日又比我係反斗城見到有playmat,佢有三隻公仔款1)Hello kitty 2)成幅圖有不同動物 3)一格格有ABC+動物英文(啱晒我心水,決定買佢),個FD有折HKD$24X,買返去急不及待抺完放龍BB落去,放佢落去個下佢勁興奮,可能未試過我咁高望佢掛!傻豬

動作好優美,好似跳緊舞!

比埋隻"蘇菲"佢重興奮,又咬又fing(遠睇都好清楚見到牙仔,好白好Q)!

好明顯龍BB又想比多D野我做啦,佢將所有積木倒晒出黎,但係竟然吾係玩積木而係玩個盒!

龍BB又含唇!

"愛" 變成 "寵"

6M24D
依兩日有D吾開心,我發覺自己越來越寵龍BB,由龍BB出世以來,我一直同老公都有個共識,就係吾可以寵壞佢,但隨住龍BB越大,我就開始覺得有D不自覺咁寵壞佢!

吾知係咪而家D奶粉真係咁勁,龍BB真係越大越精(其實吾止佢,身邊好多FD既BB都係咁精),佢好似已經知道大人講咩做咩咁,就係因為咁,佢而家已經識"蝦"我依個媽咪!佢經常扭抱,BB車坐一陣又要抱,訓覺又要抱,屋企都要抱,由扮喊(叫幾聲試探)無人理到大喊(有眼淚)直到要我抱佢為止,我又衰心軟,見佢可憐樣又會抱佢鍚返佢,但當佢冷靜後一放低又喊,點呀,好貼身膏藥喎!雖然有時比佢激到嬲嬲地,但始終都敵吾過佢D眼淚!有時我會同自己講決絕D,吾好寵壞佢,但發覺原來已經中晒計!

琴晚發生一段小插曲令我喊左幾滴眼淚!事緣龍BB又"蝦"我,一訓醒就大喊係都要我抱,抱完冷靜後打算放低佢換片又喊,同佢講完吾準扭計後又喊(我知佢識聽,因為平時抱佢訓扭計,一放低佢同佢講吾準扭計先抱,佢真係會吾再扭計乖乖比我抱返訓)如是者重覆左幾次又抱又氹都要扭計,我跟住就好恨心放低佢由佢喊,但佢真係喊到吾肯收聲,最後我心軟抱返起佢,抱佢個陣覺得好心痛自己又喊埋一份,跟住又念一大堆無聊野,幻想呀囝大左未必會同媽咪住吾捨得,將來佢娶老婆又吾捨得(我依個媽媽真係無鬼用),另外心痛係自己可以咁恨心睇住佢喊咁耐,心痛係覺得自己開始寵壞佢,當佢越大越扭計時吾通我又係衰心軟,我真係吾想寵壞龍BB吾聽教呀!

吾知各位媽媽會吾會有咁既念法,我真係有感而發,不過寫完篇Blog心情又好似舒緩d......

2013年5月BB展

6M20D
每逢有BB展我都會去湊下熱鬧,今次依個BB展亦都吾例外,雖然係細型,但係因為經Blog友Ivy介紹下有免費入場飛,所以同老公&朋友一齊走左轉!

前日Sat 10:00am已經去到會展,本來以為有福袋派,但係原來第一日Fri頭一佰位先有!可能個日太早去到,個場好靜無咩人,真係第一次行BB展可以行得咁舒服!

慢行個場一周睇下有咩買(其實之前已經知道無尿片,奶粉商參展),最後就用左3個鐘拎埋贈品&買左以下戰利品!

1)初初只得我同老公兩個人係度摷鞋仔(因為用一箱裝晒所有size,款既鞋仔,所以要自己摷),點之越黎越多人走過黎摷埋一份,好彩我都買到兩對鞋仔比龍BB,兩對鞋仔預大約8,9個月啱著,我超鍾意,好可愛HKD$ 50/對
2)椰子油,聽就聽得多人話好用,天然有機,有消炎剎菌止痕除疤防濕疹等等功效,見佢有細細槫就買黎試下HKD$ 30/槫
3)BB棉花棒,只要在屈臣氏買任何一樣產品就會送幾樣禮物,用埋屈臣氏會員卡棉花棒都只係HKD$ 9/盒,佢送既禮物都吾止依個價錢!
4)Minimoto 食物較剪折實HKD$23 /pc

5)我鍾意佢有好多(9種)不同形狀,又輕身容易拎起玩,個盒6面都可以放不同形狀入去(見好多都只得四,五個形狀&個盒只得三,四面可以入太少)HKD$ 4X



以下係贈品!

第一次食節瓜紅蘿蔔瘦肉粥 @ 6M3D

6M14D龍BB 6個月大開始就會由食一餐糊仔轉為食一餐粥,對煮野食完全係生手既我真係一個大考驗,好彩有Blog友田鼠媽&Ivy教路先可以叫做煮到一餐粥仔比龍BB食!

用左田鼠媽方法將米浸過夜!
到第二日再用熱水連米浸5mins預熱個保溫壺!
倒左D熱水後再用熱水裝滿保溫壺連米焗2hrs!
2hrs後倒走粥水(我會留比龍BB當水飲,可以清熱氣)

 

煮熟節瓜紅蘿蔔瘦肉後用攪拌機攪成蓉!



再將白粥同蓉用明火煮大概15mins(要用手一路攪先吾痴底,D粥越攪會越綿)完成!



龍BB食頭幾啖都反應一般,不過食多幾啖又OK喎,吾洗25mins食完!
都算龍BB識貨,肯食晒媽咪整既愛心粥!叻叻

美讚臣入會禮物(4)

6M14D
琴日收到美讚臣送既沖涼書仔,入面有吾同顏色既圖案,D公仔又好Q,膠質地吾怕比龍BB整爛,不過膠味都幾勁!

雖然佢話係比BB沖涼時睇既書,但對於平時沖涼只會攪破壞既龍BB黎講,我寧願快手快腳幫佢沖完就算,至於本書仔就留返平時睇啦!

美讚臣入會禮物(3)

6M14D
上星期收到美讚臣電話會送一罐400g 2號奶粉比我,到收貨個日先知原來有兩罐400g 2號奶粉,我見佢有兩張Delivery,吾通佢本來想分兩次送,不過可惜龍BB係食開美素佳兒!

自從龍BB踏入6個月開始已經收到尿片,奶粉既Sample,奶粉暫時已經收到美素佳兒2號,美讚臣2號,雪印2號(要自己去拎,未拎)!

6個月 01 May 2013

6M8D話咁快龍BB又6個月大,半歲人仔既佢好似已經咩都知咁,媽咪話佢曳曳又識偏嘴,讚佢就識笑,表情又多多古靈精怪,不過都氹到幾多人歡心既!

琴日同佢去左健康院磅重8.42kg(18.5 lbs),企,坐,雙手拎玩具全部pass,姑娘重讚佢硬正!Check完之後就要打3支針,打個陣龍BB喊左幾分鐘就好快吾喊,算叻啦!不過始終一次過打3支可能真係未必受到,夜晚9點幾開始有燒38.3,食左退燒藥貼埋退燒貼都吾退燒,去到零晨1點幾再食多次退燒藥先真正退左D,但都徘徊37.5~38,中途龍BB都醒左幾次,大家都無覺好訓!去到今朝6點終於退晒喇!

龍BB 滿6個月大個日01 May,我地買左個蛋糕同佢慶祝,個蛋糕名好長"藍苺檸檬芝士慕思蛋糕",賣相同味道都吾錯!

6M~龍BB: 嘩,個蛋糕好靚呀,我流晒口水tim!
媽咪: 龍BB乖乖坐定定影張相先!

媽咪: 影完!
龍BB: Yeah,蛋糕我黎喇!
Daddy: 龍BB冷靜D先啦,等我幫你切蛋糕!




媽咪: 龍BB依份你既!龍BB: 吾該媽咪!
 




等我回顧返龍BB 5~6個月大既成長先,上回5個月講過龍BB已經識認人,佢重好痴我,每次都要我抱一陣先訓(其實好想介左佢,直接放佢落床自己訓,不過有D難度)!但到左5個幾月大既佢終於肯比Daddy/公公抱訓喇,可能佢知道辛苦媽咪了!

食
4餐奶1餐糊仔,每餐奶飲6安,每餐吾洗25分鐘都飲飽食醉,依方面我覺得龍BB幾乖,吾會浪費食物!嘔奶情況亦明顯少左好多,間中只有一兩啖!
米糊初初由少少份量試再慢慢加多,幾日後龍BB已經可以食一碗奶米糊代替一餐奶,之後將米糊溝D蔬菜蓉,龍BB已經食過"南瓜,西蘭花,菜心,薯仔,蘿蔔,青豆(可能有敏感)",樣樣都鍾意食!
水果蓉就食過"蘋果,士多啤梨,蕉"(除蕉,其餘兩樣酸酸地都吾鍾意食,要等佢大D先再比佢試)
超鍾意飲水,如果我吾制止佢,可能會一次過飲幾安水都得!

訓
每餐之間都會訓一個鐘以上,有時見佢咁好訓都吾忍心叫醒佢飲奶!
超鍾意踢被反身訓,每晚都會叫醒我地幾次幫佢反返好個身!(幾時先吾洗幫呀)

便便
日日一至兩次,不過有時食左澱粉質高D既食物就會無便便,到第二日先有!
學習想學大人講野,會你一句我一句依依呀呀,有時重會好大聲!
佢已經識自己坐定定好耐都吾洗人扶!
好鍾意反身,不過只係經常反右邊,未識碌黎碌去!
知道自己個中文&英文名,每次叫佢都會寧轉面望邊個叫佢!
對身邊事物勁好奇,咩都想拎!
仍然係超鍾意企,有時老公會扶住佢行,佢自己識左右左右咁拎起隻腳行,每次行十步會休息!(未學爬先學行)


5M29D




5M29D
 

5M26D

5M23D



5M14D

5M14D

5M12D

5M11D




5M4D