2014年8月BB展

1Y9M4D
又到左一年一度8月大型BB 展既時侯, 今次係因為睇中左幾樣目標所以先會Sat 去走返轉! 但由於時間關係, 我同老公行左大約3個鐘就走人, 其實重好想行耐D 架, 不過真係趕頭趕命加上一過1:00pm 放工時間D 人又湧住入場, 所以都係快買快閃!

經上年大型BB 展經驗得知"萬0"買奶粉會有大型玩具送, 我計過條數如果去藥房買"美素3"都只係每罐比正價平$4, 咁我係BB 展買正價奶粉又有玩具送真係抵好多! (又發揮我既師奶本色XD)

以下所有都係送!


3件大型玩具都有返咁上下大件, 龍BB 企埋去都差吾多Size, 托到我同老公CC 下!


首先要介紹下買咩送咩先:
"萬0" 買美素 ~~ 買6罐奶粉送玩具枱! (龍BB 食緊3號仔)


"萬0" 買美讚臣~~ 買4罐奶粉送火車 (老公有朋友要奶粉) + 2支威潔洗衣液共200ml (龍BB 一直都用緊依隻牌子)
"萬0" 購物over $12xx 包送貨, 所以吾洗自己托走!
 

 

雅培 ~~ 買4罐奶粉送煮飯仔 + 帳幕 (買左保兒加營素, 1-10歲都飲得, 我叫職員比D 最遲過期日, 06年先到期, 到時龍BB 3歲幾先比佢飲, 見家姐個囝介左奶之後都會比佢飲依隻補充下! 另外就係我一直都好想買煮飯仔比龍BB 玩, 而家可以一舉兩得)


龍BB 開頭入帳幕都好好奇, 坐一陣之後好快就開始拎玩具入去玩, 當正係自己既小天地!
 

 

其實除左"萬0", "屈臣C"/ 美讚臣自己本身買奶粉都有玩具送, 不過都係覺得"萬0"禮物吸引D!

除左奶粉, 以下就係其餘目標!


1) Nuk 奶樽 $8x ~~ 雖然話要幫龍BB 介奶樽, 但係真係需要D 時間! 而家龍BB 又會成日突然叫飲奶奶, 所以要買多個頂住當!

2) Nuk 密實袋 $17 ~~ 用開覺得幾好 (買任何野可以用單據換一袋Sample, 我分左兩次買所以有兩袋, 一袋Sample都吾止$17, 抵)

3) 360牙刷 ~~ 一支好快比龍BB 玩殘, 所以要買定幾支看門口, 買8送2 平均每支$35, 老闆認得我上年有幫襯過所以送多一支, 即係又平左, 平均31.8一支, 千色原價賣緊$5x一支!

4) Calibowl 碗 ~~ 想買好耐, 而家 $100 有一大一細 (大碗底部有吸啜功能), 一個擺去公公屋企用, 一個擺係自己度用, 另外佢再送多2支匙巾 (一支賣緊$4x)

5) Mustela 沖涼洗頭液 200ml $20 ~~ 龍BB 用緊依隻牌子沖涼, $20 一支真係勁抵!

 

2013年8月BB展

9M6D
一年一度8月既大型BB展又黎,我依個BB展既常客又點會放過呢! 今次係唯一無免費飛入場,經過之前經驗老公已經怕左要拎一袋二袋咁辛苦,所以佢提議拖急,因為我地已有目標要買咩,本來我都吾想拖急驚到時人多會吾方便行,又會覺得好似好誇張,但去到眼見現場真係好多人拖急,再望一望自己拖個細急先知原來真係大把人拖大急去,事後念返真係好彩老公提議拖急,如果吾係又拎到周身痛,因為今次又有好多收穫喇!

上星期六一早11點幾去到無咩人,不過就見到好多識既人,其中一個就係燒腩媽! 我同老公先去各大尿片&奶粉商,跟住再由頭掃到落尾行一個圈,行到差吾多4點幾走人! 源路一直行見到勁多人拎住架班馬車仔,一問之下原來係萬寧買4罐奶粉就有得送,可惜我去到時已無晒貨,問D姐姐又話吾知幾時返貨,如果吾係我都會掃返架走! 另外惠氏好大手筆,只要坐底聽半小時產前產後講座就會送一罐媽咪奶粉+BB包被,我地就當可以有個地方舒舒服服坐底休息下,如果吾係行到腳軟都無得坐! 行左咁耐最後都買到想要既野!

七星茶原價$80盒, 而家$160有3盒, 平均每盒$53.3

Mustela要買滿$600先有8折, 買左2盒生理鹽水看門口, 6支200ml二合一洗頭沖涼(龍BB用開幾好), 折實後每樣平均$6X

以下全部係贈品,其實無刻意去拎,經過見有人叫比第幾頁佢,我就好順手比個頁佢拎埋贈品,返到黎睇返先知原來不知不覺拎左咁多!

重有隻好似人咁高既長頸鹿,源路行起碼有10個人問邊度拎,小朋友們見到都好鍾意!
龍BB玩得幾開心,比佢左禁右禁超興奮,禁隻長頸鹿條頸重會有"必必"聲架!

2013年5月BB展

6M20D
每逢有BB展我都會去湊下熱鬧,今次依個BB展亦都吾例外,雖然係細型,但係因為經Blog友Ivy介紹下有免費入場飛,所以同老公&朋友一齊走左轉!

前日Sat 10:00am已經去到會展,本來以為有福袋派,但係原來第一日Fri頭一佰位先有!可能個日太早去到,個場好靜無咩人,真係第一次行BB展可以行得咁舒服!

慢行個場一周睇下有咩買(其實之前已經知道無尿片,奶粉商參展),最後就用左3個鐘拎埋贈品&買左以下戰利品!

1)初初只得我同老公兩個人係度摷鞋仔(因為用一箱裝晒所有size,款既鞋仔,所以要自己摷),點之越黎越多人走過黎摷埋一份,好彩我都買到兩對鞋仔比龍BB,兩對鞋仔預大約8,9個月啱著,我超鍾意,好可愛HKD$ 50/對
2)椰子油,聽就聽得多人話好用,天然有機,有消炎剎菌止痕除疤防濕疹等等功效,見佢有細細槫就買黎試下HKD$ 30/槫
3)BB棉花棒,只要在屈臣氏買任何一樣產品就會送幾樣禮物,用埋屈臣氏會員卡棉花棒都只係HKD$ 9/盒,佢送既禮物都吾止依個價錢!
4)Minimoto 食物較剪折實HKD$23 /pc

5)我鍾意佢有好多(9種)不同形狀,又輕身容易拎起玩,個盒6面都可以放不同形狀入去(見好多都只得四,五個形狀&個盒只得三,四面可以入太少)HKD$ 4X



以下係贈品!

2013年2月BB展

３Ｍ２４Ｄ
今日同老公去左BB展打算睇下有無BB枕頭&揹帶買,順便可以拎下贈品!我地下午3點先入到去,個場無想像中咁大型&多人,好多大牌子既奶粉尿片商都無!我地由3點行到6點已經覺得無咩行決定閃人,當然係連想買既野都買吾到啦,今次有D失望亦係我行咁多次BB展之中最快既一次!

以下係今次ＢＢ展既贈品！

2012年8月BB展

2/8/2012(28W)
又到8月大型BB展既時候喇,經過5月個BB展經驗,今次我同龍B爸就真係準備好晒去大戰BB展喇!我前後收到"雅培"同"美讚臣"既入場票(雅培6張,美讚臣2張),總共有8張,所以就決定去足4日喇!前一晚先Print定一堆個人資料Label(姓名,電話,地址,Mail,醫院,預產期)&會場攤位地圖!
第一日VIP Day先同我二佬出發視察,5點幾到會場,人吾多,吾洗排隊,一開始就先到"美讚臣"拎一本書仔加環保袋,跟住再去買多一本$10書仔,然後就開始由各大尿片商進發,繼而奶粉商,最後先進攻其他攤位,行到8點幾走人!
第二日同龍B爸出發,12點到會場,一開始就先到"雅培"拎一本書仔加環保袋,跟住再去買多一本$10書仔,其餘行程大致同第一日一樣,行到3點幾走人!
第三日同龍B爸出發,2點幾到會場,一開始就先到"雅培"拎一本書仔加環保袋,跟住再去買多一本$10書仔,不過今次行程就有D吾同喇,因為已大戰左兩日既關係,所以就分左上下半場,上半場就只係拎左尿片同奶粉,之後下半場就真真正正咁買野比龍BB喇,行到8點幾走人!
我同龍B爸依幾日都玩到謝晒,本身打算行足4日,但到第3日已經投晒降喇~~~

下面全部都係贈品,收穫勁豐富,Haaaaa~~~我同龍B爸都覺得有D變態


下面就係買比龍BB既,龍B爸就情有獨鍾鴨仔,龍B媽就情有獨鍾NUK

5最高分
禮物吸引:(爆燈)

2012年5月BB展

6/5/2012(15W3D)
聽個FD講5月有個BB展,佢又有免費票,所以我同龍B爸就一齊出動喇!今次係我同龍B爸第一次去BB展,其實我地一心只念住去視察下環境,加上我地都無念過會買野,因為龍BB重細,成日仍住8月重有個大型BB展,到時先買都未遲啦!我地星期日兩點幾先去到,等一時間個FD就比左我兩本書仔,重話要填晒佢攞禮物,跟住就分頭行事喇!其實我同龍B爸拎住兩本書仔,真係好無奈,個場咁大,完全都吾知有咩攤位有野拎,當去到想拎野時,佢又話派晒,超無引!所以我地決定專攻一個地方......就係大會個攤位喇,排隊填表就可以攞一包20片O碼Huggies尿片!結果我同龍B爸就排左兩次,之後再見返我個FD,我地又再去排一次,因為佢個女已經6個月大,所以佢拎個包都比埋我,即前前後後拎左4包尿片,都算係今日最大既收穫喇!行到5點到就走Lu!

5最高分
禮物吸引: