龍 B 媽之記事簿: 12月 2014

2014年12月19日星期五

PN 聖誕自助餐派對+聖誕親子嘉年華 2014

2Y1M19D (2014.12.19)
踏入左12月相信又係一班小朋友好鍾意既月份, 因為可以過一個普天同慶又開心既聖誕節! 其實我自己由細到大都好鍾意依個節日架~

12月學校分別兩日攪左個聖誕自助餐派對(18號) & 聖誕親子嘉年華(19號), 參加活動可以比龍BB 增加聖誕節歡樂氣氛!

18號聖誕自助餐派對參加費用$120 有款多自助餐食物, 飲品, 精美禮物包等等......聽到都覺得豐富, 不過家長無得陪同, 只限學生參加!

琴日接龍BB 時見佢好開心咁走出黎, 又有得玩又有聖誕禮物, 佢開心到吾捨得比我幫佢拎袋(手抽&背禮物袋)!

之後我地返左公公度玩, 龍BB 即刻打開個禮物袋拎頂聖誕帽出黎扮小小聖誕老人~

禮物袋D 禮物都幾豐富, 有小勞作~

19號聖誕親子嘉年華話明親子就當然可以由家長陪同一齊參與活動! 學校會預先問定參加人數比遊戲劵, 憑遊戲劵就可以去各攤位玩遊戲同換禮物! 好開心又有得玩, 雖然遊戲設計好簡單, 但係見到龍BB 好投入參與同親力親為去完成個遊戲, 我見到覺得重開心!

玩完遊戲幫龍BB 同聖誕老人影相, 不過龍BB 呆呆地吾識笑......

依張係龍BB 自己要求影架! 其實個背景好大好靚, 只係因為我影吾晒炸!

辛苦各位老師同工作人員今日既安排!
佢地係度整緊食物派比參加者!

順道影下學校環境!
現場好熱鬧~

龍BB 今日又滿載而歸, 我地係拎住張遊戲劵去每一個攤位玩完蓋個印再拎小禮物!
留返Boxing Day 可以慢慢拆禮物玩喇~

另一樣想提及就係龍BB終於有功課做喇, 我期待已久既功課終於出現, 其實我一見到Ｄ功課真係好開心, 因為我一直好想睇住龍ＢＢ一路教佢一路陪佢做功課 (遲下可能功課多到驚ＸＤ)!
今次收到既聖誕假期功課都有Ｄ深, 我已經急不及待教龍ＢＢ做左幾頁, 因為功課都幾深加上吾想龍BB 亂油, 所以我會先講解完再捉住佢隻手一齊油, 重有幾頁留返老公教龍BB啦......heeee！

2014年12月10日星期三

24 個月 + 25 個月 01 Nov & Dec 2014

2Y1M10D (2014.12.10)
之前無寫Blog 一排已經吾係好記得21~22~23個月既進度, 而家唯有由23~25個月開始再寫返, 真係越來越無記性呀!!

食
23~25 個月大既龍BB 重32 lbs, 高90cm, 發覺龍BB 幾乎一個月會高1cm, 至於重量都keep 得OK, 早晚各一支7安奶(大愛), 不過佢而家越食就越少野, 正餐幾乎食無半碗飯, 有時重要人餵幾啖先肯食, 另一方面龍BB 重未好識拎匙巾, 佢會用右手(間中用左手, 不過我會要佢用返右手)拎匙巾左手又幫手將匙巾D食物放入口中, 攪到食親飯都左右手勁污漕!

發展
講野進度, 暫時只能用依個字去形容 "唉......" , 佢依幾個月都無咩大改進, 重係來來去去都講個D字, 未有一句完全既句子對話! 雖然健康院有叫過我地返去Check, 不過我當時又真係高估左龍BB 念住佢返學後會好D, 不過而家只係啱啱返左一個幾月學, 我吾想比咁大壓力龍BB 同自己, 順其自然吧! 另一方面覺得龍BB 係較接受英文多過中文, 好多人都話英文易講D, 但係佢平時真係鍾意講英文單字多過中文!

訓
中午一定要訓覺, 12:00pm放學食個Lunch, 2:00pm~2:30pm點就好準時要訓至少3個鐘! 夜晚大約10:00pm~10:30pm 先肯訓! 到而家重要我陪住先訓, 如果我比佢發現走開左, 佢會喊住叫"媽咪, 係到, 係到" 意思係叫我係到陪佢吾好走開, 佢一叫, 我就要飛撲返過去陪佢, 等到佢訓著先可以做返自己野!

Poo Poo/VV
去完先同我講 Poo Poo, 不過佢一 Poo 就好明顯, 龍BB 會走去一個無人既地方, 吾比人望到佢Poo Poo, 一比佢發現會推開我, 所以有時行行下商場會怪怪的, 又要扮睇佢吾到Poo Poo, 但係又要暗中睇實佢驚吾見左人......
VV...我太懶, 重未開始訓練佢介片

1Y11M5D~ 自己親力親為完成去街街指定動作!

1Y11M25D~ 去斗斗城 ROck AnD RolL~~

2014年12月6日星期六

PN 11月份回顧

2Y1M6D (2014.12.06)
龍BB 眨下眼已經返左一個月PN 班, 根據學校既時間表, 由於龍BB 係11月先插班, 所以佢要由每日返一個鐘再慢慢睇情況加時間, 預計12月先會正式返3個鐘!

今次真係不得不讚下龍BB 叻仔, 頭一星期返一個鐘完全無喊過, 老師都讚佢乖仔, 所以可以由第二個星期開始加到3個鐘上堂時間! 不過自從龍BB 返完第一日3個鐘之後, 佢D 情緒開始有好大起伏, 吾知係咪時間長左, 又可能比老師上堂訓話過, 所以半夜訓訓下彈起大喊!

到之後連續幾日返學龍BB 行到門口都吾肯放手入學校門口, 一見到門口D老師企晒係度好似覺得人地會食左佢咁, 驚爆!

見佢咁驚入門口, 我就日日都同龍BB 講, "老師同媽咪讚你上堂好乖好叻呀, 肯自己坐定定聽老師話, 老師話如果可以日日自己行入學校課室咁就重叻叻喇" 依段說話我幾乎日日送佢返學都講, 直到幾日後, 龍BB 真係肯自己行入學校, 重識得主動伸手出黎比老師消毒探熱, 跟住同我輝手Bye Bye, 原來我日日咁讚佢真係好有用! 所以而家每晚都會讚一讚佢, 又同佢講返學好開心, 又可以唱歌仔, 同同學仔玩遊戲, 又可以聽老師教導......有時讚一讚龍BB, 見佢個樣真係會沾沾自喜, 好滿足咁!

收到學校影龍BB 上堂時既3張相, 我覺得學校依份心意令我好Warm, 睇到真係好感觸, 覺得龍BB 真係大個仔喇!

有幾本上堂用既課本, 其實有d 我都覺得幾深 haaa

重有11月上堂做既勞作, 油顏色!
見龍BB 亂油一通, 等我係屋企比佢油多D先!
每次收到個英文字/圖畫, 我都會問龍BB 係咩, 佢真係又全部識讀喎, 叻叻!

之前聽人講返左學會易病, 龍BB 真係中晒招, 返學到而家已經睇左成仟蚊醫生喇! 要念辦法增強佢抵抗力先得!

2014年12月5日星期五

慶祝2歲生日 2014

2Y1M5D (2014.12.05)
龍BB 上個月11月1日剛過完2歲生日, 但由於最近有D忙攪到一拖再拖未出Blog, 我吾可以再拖咁耐, 要快D補返依個Blog 先得! 今年龍BB 終於識唱生日歌贈慶下喇, 佢重切左好多蛋糕, 一見到個蛋糕就會唱定生日歌先!

1Y11M25D (2014.10.25)
第一個蛋糕係由好錫龍BB 既契媽送, 唱完生日歌叫龍BB 吹蠟燭, 佢吹到好似伸鼻涕咁~
個日契媽同龍BB 玩左一日已經放晒電, 不過吾係龍BB 放電, 而係契媽比龍BB 玩到放晒電, 哈哈!

2Y (2014.11.01)
上年第一次同龍BB 慶祝1歲生日 2013 係會所攪, 今年就無同龍BB 大攪生日Party, 只係正日係屋企開左個小型生日會都一樣咁開心, 不過預備生日會之前有個小意外, 就係淘寶趕吾切到香港, 唯有去斗斗城入貨頂住先, 重要生日會當日有Interview, 不過都無影響當晚生日會順利完成! 重要多謝屋企人既利是同禮物!

自從龍BB 愛上車之後, 而家買親咩都幾乎同車有關!

2Y2D (2014.11.02)
同一班同年同月同日出世既BB 慶祝, 個日本來去油塘XXX(吾想出名), 但早兩星期有其他媽咪通知個度有好多BB 開完生日會感染手足口病, 所以臨急轉場去九龍灣, 好彩11am~1am重有位!
一去到先比龍BB 坐車車繞場一周Warm Up 下先, 好快佢已經Warm Up 好要自由活動!