2014年7月13日 星期日

手痕痕

1Y8M13D (13.7.2014)
龍BB 由細到大訓覺都有一個習慣, 就係手痕痕要R 住我心口先訓到, 就算出街用Hip seat 抱住佢訓都要R 住我心口先有安全感!

不過我要注明龍BB 只係會R 我心口吾R 其他人, 就算佢 Daddy 都吾R! 就係咁比佢習慣左依個動作, 攪到我而家真係不吐不快!

之前龍BB 細個D 就話手仔無R 得咁大力, 但到而家有時比龍BB 既無情力突然一下勁大力R 落黎都咪話吾痛, 有時我真係痛到大叫一聲同鬧龍BB 停手架, 佢即時真係會停一停, 不過好快又R 過, 最慘有時比佢R 完損左結焦, 龍BB 又會再R 同一傷口, 攪到結焦又R 損, 再結焦又R 損, 真係好痛苦! 最近龍BB 重要半夜會訓訓下突然手痕發作要搵我心口R 住先訓返, 攪到半夜比佢R 醒晒真係忟忟地, 我真係好想知有咩方法可以改變佢依個習慣, Help ~~~~~~

我心口個D 一點點就係戰績, 比龍BB R損結焦再R損!
唉, 本來白滑既心口比龍BB R到咁, 自己見到都有D 驚......嗚嗚
 

2014年7月7日 星期一

1600隻紙糊熊貓 @ 元創坊

1Y8M7D (2014.7.7)
話說上次因為要同龍BB 影校服相所以趕吾切去"元創坊"睇紙糊熊貓, 咁Q 琴日龍BB 姨媽又突話想去走轉, 咁我地就決定上完PG (表哥同一間同一時間, 不過佢係上英文班) 一行7人剷去中環!

我地4:00pm 坐MTR 去中環, 龍BB 一見到表哥係都要跟住佢一齊坐, 隔離個表姐重要比歌佢聽, 睇龍BB 個樣幾嘆! 不過成日無訓既龍BB 攰得滯一落車就訓著左la!


其實琴日去睇1600隻紙糊熊貓只可以用4個字黎形容 "熱到嘔電"......奉勸將會去睇紙糊熊貓既Blog 媽媽記得帶備足夠既水同濕紙巾/毛巾仔幫小朋友抺汗!

入返正題先, 我地坐完MTR 再熱辣辣行到去見到個門口排晒長龍, 原來就算睇吾睇紙糊熊貓都要排隊先入到去, 初初重以為要睇先要排隊, 不過有預約既當然會快D, 而我地無預約既都吾算等得太耐, 大概15-20mins 入到去!

                                          由外面正門影, 見吾見到龍尾......?

                                        
                                         沿路行入去都有少少野睇!

                                          入到去由門口開始影, 勁多紙糊熊貓 + 勁好多人!
  


 
                                       已經吾記得邊層有雪糕送比小朋友食 (好勁既檸檬味)

                                                          每層都有D 好可愛既熊貓
                                                                           
                                           行左個幾鐘龍BB 終於訓醒, 個樣幾呆!!

                                          幫龍BB 同紙糊熊貓補影相
 
係都吾望鏡頭!
                                                           
                                                    見到鴨仔即刻"duck" 左聲就走去攪佢地
                
                       每層都有不同熊貓印仔, 見人地拎住張幾靓既熊貓紙黎蓋印仔, 聽聞$20 一張!
                       幾經辛苦先印到5個印仔!
 
                                           高抄影落去都影吾晒紙糊熊貓!


                                 要龍BB 企定定影相真係難過登天, 依兩張已經好俾面!

                                            "I LOVE HK" 熊貓
 
行到出晒汗頂吾順走人, 龍BB 重勁好體力玩單杆!
吾知見到咩O 晒嘴呢??
 

 

2014年7月4日 星期五

20個月 01 Jul 2014

1Y8M4D (2014.7.4)
龍BB 20個月大喇, 有2字頭感覺好似大個囝左, 重有幾個月就步入2歲, 吾知點解會有D 緊張!

講返19~20個月大既龍BB 成長, 佢而家有28.4lbs, 高 85cm, 依個數字都算滿意keep 得幾好!
今個月龍BB 終於都肯開下金口喇, 有時會突然爆D 字出黎係我無教過佢, 相信係佢平時聽大人講得多, 例如有次佢拎住隻迪迪尼DVD 盒比我講左個"哀"字, 開頭真係聽吾明, 當龍BB 再講多幾次終於明佢意思原來想我幫佢"開"個盒! 又有一次龍BB 比個袋裝麵包叫我"搣", 個下聽到真係好開心架, 有時我問佢要吾要, 佢都會點頭再講搣/開, 終於可以同龍BB 有對話喇, 雖然只係簡單一問一答, 但係我覺得已經有進步喇 (可能我要求太低XD)!

雖然間中龍BB 會爆之前我未聽過D 字出黎, 但係通常我地叫佢講個D就點都吾肯講, 攪到成日比老公話龍BB 口硬, 超無引! 到而家教龍BB 講"謝謝","對吾住/Sorry","早晨"(成功過兩三次), 見到公公婆婆叔叔......時要叫人, 龍BB 都堅決吾開金口, 無佢符!

雖然龍BB 講野方面比較慢, 但係佢聆聽跟做指令方面又OK 喎, 而家佢重好幫得手成日會幫我去拎依樣拎個樣, 例如叫佢去拎Tissue 比我抺野, 佢會二話不說去拎, 見我抺完野又要幫我拎去扔! 平時我收衫摺完D 衫會分類, 然後龍BB 會用雙手幫我攬住D 衫拎入房放入衣櫃! 每次送客人走時, 龍BB 都會拎佢張凳去大門口到企上張凳然後拍返個安全扣(無教過佢, 相信又係見到大人做跟住做)!

另外依幾日又發現左原來龍BB 係識伸鼻涕, 話說龍BB 前幾日開始流鼻水同咳, 我一見佢有鼻水會叫佢第一時間拎Tissue 比我抺鼻鼻, 我會放張Tissue 落龍BB 個鼻度, 跟住佢就會好用力伸鼻水出黎, 不過有時龍BB 會等吾切自己一流鼻水即刻走去拎Tissue 幫自己抺鼻鼻!
到餵佢食藥個陣, 龍BB 係由佢出世到而家食藥都從來好順灘! 一話要食甜甜(藥水/喉棗散), 佢都會即刻坐定定張開口等我, 好乖囝!



越食越少, 有時可以成餐飯吾食, 通常叫佢自己畢飯食, 見佢開始停手我都會嘗試去餵佢, 但如果都吾肯食我就會由佢! 有時我覺得佢吾係因為吾鍾意食, 而係佢未覺得肚餓/食飽, 所以我都吾會勉強佢, 免得大家辛苦, 如果到佢真係肚餓就識自己要野食!
食時間 8:00(6安奶)~13:00(粉)~18:30/19:00(少飯)~21:30(6安奶), 間中每餐之間會有麵包, 水果, 乳酪!


一覺訓到大天光, 平均一日24小時要訓13~14小時, 一吾夠訓就會有黑眼圈!

便便
 一日一至兩次, 好暢順!
暫時吾幫龍BB 介片片住, 因為佢未識表達VV/Poo Poo, 加上超鍾意飲水既龍BB 絕對係一個大水桶, 可能一日都飲到8杯水或以上, 每日佢平均1~2hrs 要換片片, 超多VV!
有次知佢要Poo Poo, 即刻抱佢坐厠板, 點之佢Poo 吾出重攪到個日無左Poo Poo!
龍BB冲涼企入浴缸會等我幫佢除左片片之後再叫佢VV佢就會VV!

發展
講野好左好多, 開始少左BB 話! 不過我覺得龍BB 比較鍾意講英文字多過中文字, 吾知係咪因為比佢睇親既DVD 都係英文, 加上成日用英文教佢生字, 攪到入晒腦!!
例如佢見到只會講英文既有Dog, Cat, Car, Bear, Bee, Tree....., 所有英文字多過一個發音既只會講頭/尾音出黎Rabbit->Rab, Giraffe->Raffe......
識分紅, 黃, 藍, 黑, 綠, 紫色, 用英文問佢會指晒出黎!
可以自己吾洗扶上落樓梯, 重好鍾意吾比拖住係都要自己行tim, 吹脹!

1Y7M2D~ 6月世界杯開鑼, 點少得同個大足球&吉祥物影相呀!


1Y7M8D~ 搵個桶"立"住個頭扮戴帽, 重要拎住個波左舉加舉講BB 話, 真係吾知佢想點!

1Y7M9D~ 好大力既龍BB 好鍾意表現出佢力的一面, 將成架車舉起放上梳化坐, 勁......頑皮!
見到龍BB 個背影突然覺得好Man, Man得黎又性感 wakaaaaa
連訓係梳化都咁誘引既 XD

1Y7M11D~ 龍BB 玩雜技, 將自己......對腳縮入個桶到坐!!
好鍾意龍BB 會望住人跟住又咪咪眼再望返你, 好似放生電!

1Y7M12D~ 有得去會所玩, 自己一支箭標去行晒咁多級樓梯都吾洗我扶!
去到有美女相伴一齊玩! (大個囝喇, 自己去識女仔吾理媽咪Lu, 嗚嗚)
     

1Y7M13D~ 出浴照呀......吾係, 係Poo Poo 照先啱!
 
1Y7M18D~ 如果龍BB 係女仔, 相信佢會係一個可人兒! 巧可愛喔~~~~



  1Y7M24D~ 買左套私家枱凳比龍BB , 而家佢食野畫畫都會自己走去坐底, 比佢習慣下好似幼稚園咁有個位要坐定定!

1Y7M26D~ 龍BB 好鍾意成日雙手放後面行行企企, 學晒Daddy 咁老積!
重要手指放係嘴度"Shu" 叫人細聲D, "Shu" 完重要沾沾自喜, 比佢個得戚樣笑C ~~

1Y7M30D~ 依個月龍BB 學識左幫人揼骨, 好叻叻!