1Y9M (2014.8.1)
20~21個月大既龍BB 重29.5lbs, 高 86cm, 其實手抱佢又吾覺得重左, 反而我依家重可以抱住佢行一大段路好耐, 定係我依家對手瓜又粗左又大力左......O...NO......>.<
今個月好想講既係龍BB 講野方面有大突破, 佢個金口終於肯打開喇, 等到我頸都長......
基本上依個月教龍BB 講咩佢都會跟住講, 連之前一直教左佢好耐既"謝謝", "Thank you", "Sorry", Good Mornig", "Good Night" 等等既字都可以好清楚咁講出黎!
出街見到樓下管理員會識叫"叔叔", 又會主動講"Bye Bye"!
1-10 (中/英) 可以自己全部讀晒出黎, A-Z 多數係唱歌先會全部講晒出黎, 如果叫佢讀就會讀讀下又停, 要分開幾段先讀得晒!
屋企所有人物關係全部識叫 (以前只會用手指住) "公公, 婆婆, 爺爺, 嫲嫲, 表姐, 表哥, 舅父, 舅母, 姑媽, 大伯, 唐哥, 唐姐"!
之前好鍾意叫我做 "呀媽,呀媽" (叫到勁吾可愛=.=), 而家會改口叫返我做 "媽媽", "Mum 咪" (可愛好多^^)!
有時陪龍BB 睇書問佢What is this color, 龍BB 會自己講個英文出黎, "Blue, Purple, Yellow, Black, Red, Green, Orange"! 最鍾意係Blue, 因為叫親佢自己去揀不同顏色既玩具/物件時通常都會先揀Blue 既玩具/物件! 每次龍BB 講"Purple"把聲都好好聽好可愛!
之前一直有教過龍BB 既動物名, 佢見到都識用英文講返晒出黎! 有時行下街又會指住物件用英文講出黎, 例如 "Tree", "Bus", "Flower", "Shoes" 等等......
暫時龍BB 都會一問一答, 不過係以"字"為主, 好少聽到有成句句子! 暫時有句句子講得最好最清楚係當我問龍BB "What is your name"? 龍BB 會拍住自己心口答 "My...name...is...(英文名)! 識講自己中文名, 但係有時只會答 "軒軒"!
識分自己係男定女, 問佢係Boy or Girl, 佢會答Boy! 有一次同龍BB 搭電梯, 有個婆婆問佢係男定女, 係咪男仔呀? 龍BB 即刻答 "係"(我無念過佢會識答人自己係男仔) haa XD
重有另一樣好想講既就係平時一有街出既龍BB 會完全吾肯拖人, 連抱都吾制係都要自己行!
但係依個月吾知做咩突然360度轉軚, 每次出街都肯主動拖人, 有時行得耐會企係我前面講"抱", 一抱起佢就會好嗲咁伏係我膊頭到攬住我, 有時叫佢幫媽咪撥走Ｄ頭髮, 佢真係會好仔細咁幫我撥開晒兩邊Ｄ頭髮, 好攪笑! 雖然抱住龍BB 都幾重, 但係其實我都幾Enjoy 抱住龍BB 架^^
講完好野講下D 曳野先! 而家一發脾氣就會大聲喊, 攪到成日喊到聲沙!
著衫有要求, 吾係彈性棉質既衫吾著, 就算連恤衫都吾肯著, 希望到佢返學個陣吾會吾鍾意著校服件恤衫啦, 如果吾係就有排煩!
成日扭計要入厨房打開個雪櫃要食"Egg", 一吾比入就扭晒計喊爆!
食
成日正餐吾食, 最鍾意得閒就要食"Egg", 一食要食兩隻烚蛋先夠, 通常都會抽起蛋黃先比佢食! 不過日日至少食一至兩隻蛋又會吾會太多呢？？
食時間 7:00(7安奶)~11:00(5安奶)~14:00/14:30(少飯/粉)~19:00(少飯/粉)~21:30(6安奶), 間中每餐之間會有麵包, 水果, 乳酪! 依個月飲多左一兩餐奶, 有時飯都吾食只係要飲"奶奶"!
訓
好鍾意R住我心口訓! 最近重好鍾意叫埋Daddy 一齊入房先肯訓! 有時同龍BB 傾下計佢先肯訓!
便便
一日一至兩次, 好暢順!
未介片, 識講 Poo Poo, 未識表達VV, 不過會禁住 JJ 好似示意要VV！
發展
依個月講野方面比相像中進步左好多, 認知/學習能力都幾好, 好多野一講就明同識做!
手腳好靈活, 跑得越黎越快, 有時追到我氣咳!
1Y8M3D~ 曳曳比媽咪罸企忟耳仔 (罷出一副可憐樣)!
1Y8M6D~ 好鍾意依個Ｏ嘴樣 XD!
1Y8M8D~ 見到龍BB 笑得咁燦爛, 真係心都甜埋 ^^
1Y8M12D~ 烈火戰車, 一個字"型"
1Y8M13D~ 油油下顏色玩腳指!
1Y8M23D~ 婆婆請食雪糕, 食到lam lam 俐!
1Y8M27D~ 成個樣越黎越老積!
1Y8M30D~ 玩到勁累, 休息個陣呆晒!
