2015年3月26日 星期四

錦田士多啤梨園

2Y4M21D
本來2月約左龍BB 公公婆婆, 舅父, 表哥, 表姐一齊去錦田士多啤梨園, 之後一改再改終於趕在3月尾摘士多啤梨(旺季約每年12月初至4月)!

我地大概2點幾先到達錦田士多啤梨園, 好彩當日天氣吾算太熱, 所以吾洗滴住汗玩! 入到去第一時間坐兔仔車(就快復活節, 所以選兔仔車應節)! 明明叫龍BB 做V手勢, 點之得個1字手勢!


坐完兔仔車就開始步入士多啤梨園, 沿路見到3隻巨型吹氣公仔緊係要影返張相啦!
今次龍BB 乖喇, 叫佢V 重識打孖兩隻手一齊V, 其實龍BB 當時係Yeah 緊!


再行入D 已經見到一片士多啤梨園, 佢有分3種價錢$120, 100, 80/磅, 我選韓國 $100/磅!
可能已經係旺季尾聲, 所以一眼望過去都吾算多人!


大粒又紅既士多啤梨已經得返好少!


龍BB: 等我睇下邊度有大粒士多啤梨先!


龍BB: Daddy,個邊好似多D呀! (疑惑中)


龍BB: E~~ Daddy, 你睇下原來下面都有大粒士多啤梨呀! (驚訝中)


Daddy: 我地一齊合作, 我拎住士多啤梨, 你幫手剪落黎! (真實對白)


Daddy: OK, 得左, 放落個籃度!
龍BB: Thank You Daddy! (真實對白)


收成喇, 總算摘到D 又大又紅既士多啤梨!


龍BB 摘完士多啤梨重未夠喉, 比佢去草地放下電, 吾知你地認吾認到佢個背影呢!
玩到大概5點幾就出返元朗, 舅父帶我地去食好野!




2015年3月12日 星期四

AIA 嘉年華 2015

2Y3M11D (2015.2.11)
收到龍BB 二舅父送既2張AIA 嘉年華入場卷(不包硬幣), 因為指定要星期一至四, 所以就等龍BB 放左學先出發!

我地大概3點幾先去到嘉年華, 現場吾多人, 龍BB 入到去一見到機動遊戲已經好 Hyper! 其實我入場之前已經鎖定目標要玩麥坤車車同溜冰, 講起溜冰我中學時代勁鍾意, 成日約埋一大班同學放假去溜冰! 今次我係為左龍BB 而再次踏上溜冰(查實係我想玩heee), 其實自己咁耐無玩都幾緊張, 我地租左隻海獅比龍BB 坐, 初初佢吾肯坐, 要拖住我行兩個圈先肯坐隻海獅, 之後龍BB 就好Enjoy 比我推住重吾比我停, 玩左大約一個鐘好累頂吾順就走左去玩麥坤車車同拋下波波, 中途龍BB 想走入去玩吹氣Sir 滑梯, 點之比晒錢之後龍BB 吾敢玩走返出黎, 好彩工作人員都有退返硬幣比我! 玩到大約6點幾就返屋企附近食晚飯了!

原來龍BB 溜冰Look 都幾有型喎 ^^

2015年3月10日 星期二

26 個月 ~ 28 個月 01 Jan & Mar 2015

2Y4M10 (2015.3.10)
26 個月 ~ 28 個月既龍BB 係各方面都明顯有進步, 我覺得同返左學都有好大關係, 例如有d平時我無教過既野佢都會做/講出黎!


龍BB 重34 lbs, 高92cm, 早晚各一支7安奶(大愛), 正餐吾鍾意食飯, 不過就勁鍾意食麵, 菜, 肉! 而家會自動拎匙巾食野, 都開始習慣用返右手, 有幾次重學大人要自己拎筷子食, 見佢又OK可以自己夾到食物!

發展
講野進度好左好多, 會主動要求叫我幫佢拎依樣整個樣, 又會跟人口水尾!
每次比野佢都會好有禮貌咁講 "Thank you", 當吾小心整到人時又會主動講 "Sorry"! 依樣我真係好鍾意!
問佢最鍾意邊個會答 "媽咪", 不過而家會加多個"Daddy"! 成日笑住同我地講 "媽咪鬧/Daddy 鬧" 其實係想同我地玩, 因為我地會扮吾開心話我地都無鬧你, 跟住龍BB 就會大笑一輪之後 "呵" 返我地!
好鍾意又攬又鍚, 係一個好Sweet 既小朋友, 同時亦係一個好貪玩好活躍既小朋友!
每當有大人用嚴肅既語氣/眼神同佢講野就會低頭驚左, 一係走去我地後面裝裝下, 一係自己行開企埋一邊擺一副吾開心個樣出黎要我過去解釋/安慰佢!
最近成日講 "I Love u, 我愛你"
已經識十幾種顏色, 見到個樣物品時/問佢時會用中英對照講晒出黎, 例如講 "紫色 Purple","黑色 Black","藍色 Blue"......
已經識十個八個形狀的中文英文! 識講學校教既普通話! 可以由1數到20中英對照! 識自己順序背Monday to Sunday! 識背詩, 重要個頭搖下搖下咁背出黎, 扮晒書生!
會自己除褲, 拉拉鍊除褸, 著襪, 著鞋, 用衣夾夾野!
龍BB性格好有原則, 佢一定要將玩完/用完物品放回原位, 就算其他人幫佢都要指定叫你擺返原位等佢自己黎, 有次試過見佢想拎支水, 我見支水放在櫃上面念住幫佢拎, 點之佢吾要之餘重要自己將支水放返好, 重要將支水公仔位置向返原先同一方向, 放好後再自己拎返支水飲, 真係比佢笑C!
成日學我講寶貝仔, 有時扭計喊就同我講 "媽咪, BB喊呀" 其實講緊自己係BB!


 12:00pm放學食個Lunch, 2:00pm~2:30pm點就好準時要訓至少3個鐘! 夜晚大約10:00pm~10:30pm 先肯訓!
而家已經無再R住我心口訓喇, 不過隻手都會摸住我有安全感先肯訓!
朝早起身叫龍BB換校服都算合作, 不過有時佢會話要 "攪攪豬"吾肯換校服!

Poo Poo/VV
間中會同龍BB除褲去VV, V完佢會讚自己 "Good Boy"
未肯去Poo Poo, 今年4月開始一定要決心同佢介片片




 

 

 

 

 

 

2015年3月9日 星期一

農曆新年 2015

2Y4M9D (2015.3.9)
農曆新年過左咁耐, 我要快D 幫龍BB 補返篇Blog 先得!
我同龍BB 亦不忘同大家Blog 友補祝句羊年 "喜氣洋洋, 要個樣有個樣"
龍BB: 送比大家喜氣洋洋, happy face ~~




老公買左個 "富貴黃金桶" 返黎應節, 入面有十幾個大金元寶, 金元寶入面有杏仁酥, 又好睇又好食! 龍BB 一見到個桶超興奮, 不出我所料, 佢將金元寶摷晒出黎之後拎個桶笠頭, 我依個呀媽真係太了解龍BB 了, haaa!
 

2Y3M19D (2015.2.19)
大年初一, 第一次同龍BB 入戲院睇戲 "荒失失企鵝", 因為怕龍BB 第一次入戲院會坐吾耐, 所以專登買左早場平DD $50/位, 我有幫龍BB 買票比佢自己坐, 因為我想佢坐得舒服D!
上半場睇得好定, 間中重指住講企鵝, 企鵝! 睇到下半場龍BB 開始又要落下地又要坐下, 不過最後都好順利睇晒全場! 睇完戲就開始出發拜年活動!
                       

2Y3M20D (2015.2.20)
大年初二, 第一次去大埔林村許願樹, 當日比我想像中更多人, 原來除左拋寶碟, 重有花車和好多檔口賣風車小食! 聽聞寶碟要第一下拋中上樹先會"令", 我第一下就拋中左, 不過老公就......

之後連續幾日就去拜年同招朋友上黎屋企拜年, 我日日勁食老媽子親自制既蘿蔔糕同年糕, 想吾肥都幾難, 而龍BB 就食左好多糖果, 不過只限新年先會破例!
 

2015年3月2日 星期一

PN 年宵活動 2015

2Y3M14D (2015.2.14)
PN 年宵活動撞正情人節, 而家有左龍BB 真係差D 連情人節都忘記埋! 今次活動每位小朋友$100, 龍BB 一去到第一時間玩遊戲, 玩完遊戲先坐低食下小食醫肚!

依個遊戲係同Daddy 合力將個字左右左右拉到終點, 我就係旁邊打氣!
另一個遊戲就係要企入圓圈中間, 再將支棒拋中前面隻怪獸, 雖然遊戲簡單, 但係龍BB 都玩得好投入!


龍BB 玩完遊戲就坐定定同我一齊合力整羊咩咩, 其實應該係龍BB 負責睇, 我就負責整先啱!
老公重笑我整到隻羊咩咩好似隻白色 Spider, 不過隻羊咩咩返到屋企以經甩皮甩骨 =.=


中途見到龍BB 班主任影返張合照先, 走個陣龍BB 重識比個Goodbye Kiss Teacher.
年宵又點少得同財神影返張相, 不過財神個樣嚇到龍BB 呆左, 哈哈!
 

一大袋戰利品!