秋天都快到, 我地而家先走去夏水禮! 其實今個夏天我一直都有叫老公抽時間出黎去會所游水, 但係佢實在太忙, 連星期六,日都放吾低自己既工作! 本來我都念住今年游吾成水喇, 不過咁啱遇著龍BB 契媽生日, 所以星期六就約埋契媽同佢即將要結婚既未婚夫一齊去游水, 今次老公點都要暫時放低一下工作了 heeee
1Y9M30D
計埋第一次夏水禮 @ 2013 年今次係龍BB 第二次游水, 估吾到上年吾驚, 反而今年一落水就驚到喊爆 (頭兩分鐘無事, 之後突然喊爆)
頭半個鐘做樹熊攬實我同老公吾肯放手, 連有水泡都吾要, 念住放佢落室內按摩池點之重驚喊爆! 無奈既老公一直攬實龍BB 浸係池邊等佢可以適應下! 等左好耐龍BB 終於都刻服吾驚喇, 之後重自己坐水泡好開心同契媽們玩水槍, 大約玩左1個半鐘就閃喇! 希望下年可以成功教識龍BB 游水啦!
