WorldFamily入會禮物

5月BB展係WorldFamily填左份Form,佢話會Send D禮物比我!大概三星期就收到分List要去MK拎,份List睇落好似有好多不同既禮物,但其實大部份都無咩用,所以連相都無影!

5最高分
禮物吸引:

龍BB胎動

24/5/2012(18W)
18W已經開始感覺到龍BB胎動,間中會跳下跳下,而家亦會開始同龍BB傾計胎教,個感覺好奇妙,龍BB好似聽到龍B媽把聲,有時叫龍BB都會有比反應,但吾會好強烈,都只係好輕鬆一下一下咁跳,好得意!
龍BB,最緊要你健康成長,係龍B媽個肚內吸收多D營養,快高長大,加油呀!

剪短髮

19/5/2012(17W2D)
為左龍BB,決定剪左留左十幾年既長頭髮,爽呀!!!

Johnson's Baby入會禮物

5月入Johnson's Baby會,好快就收到Mail通知我去拎禮物,不過指定要平日某d時間先拎得,重要去旺角新世紀!咁Q有日約左龍BB既契媽Annie係附近食Lunch,所以先順道拎埋,如果吾係,要專登平日去,真係未必會!

5最高分
禮物吸引:

懷孕媽咪書

15/5/2012(16W5D)
上年書展買既媽咪書,今年終於有用喇!
本書由準備懷孕至懷孕過程,生產過程,產後都一目了然!
我自從有龍BB之後一直都Keep住睇依本書,真係覺得好有用!

懷有龍BB後的寫我心情

10/5/2012(16W)
相隔4年,再一次寫Blog既心情真係有少少特別,全因為今年終於懷有龍B喇!
其實開始再寫Blog之前都念左一段時間,因為又怕自己懶,好似4年前咁,寫寫下又無再寫,但另一方面,最近開始睇返Blog,見好多媽媽都分享自己懷B樂趣/問題,加上今次亦係我既第一胎,所以我都決定加入埋一份同大家分享下啦!

2012年5月BB展

6/5/2012(15W3D)
聽個FD講5月有個BB展,佢又有免費票,所以我同龍B爸就一齊出動喇!今次係我同龍B爸第一次去BB展,其實我地一心只念住去視察下環境,加上我地都無念過會買野,因為龍BB重細,成日仍住8月重有個大型BB展,到時先買都未遲啦!我地星期日兩點幾先去到,等一時間個FD就比左我兩本書仔,重話要填晒佢攞禮物,跟住就分頭行事喇!其實我同龍B爸拎住兩本書仔,真係好無奈,個場咁大,完全都吾知有咩攤位有野拎,當去到想拎野時,佢又話派晒,超無引!所以我地決定專攻一個地方......就係大會個攤位喇,排隊填表就可以攞一包20片O碼Huggies尿片!結果我同龍B爸就排左兩次,之後再見返我個FD,我地又再去排一次,因為佢個女已經6個月大,所以佢拎個包都比埋我,即前前後後拎左4包尿片,都算係今日最大既收穫喇!行到5點到就走Lu!

5最高分
禮物吸引:

第一次私家產檢(15W2D)

5/5/2012(15W2D)
第一次私家產檢,經朋友介紹係美麗華!
本來想搵女E生,但係女E生一定要平日,星期六就男E生!為左想每次都可以比龍B爸見龍BB,所以決定都係睇星期六男E生!
雖然係男E生,但覺得佢好細心,有問有答,等既時間吾耐,大概半個鐘到!
其實之前政府照Oscar時已知道龍BB係男仔,不過當時只剛好12W,E生話不能太作準,所以今次再問私家E生,點之佢話龍BB腳仔夾埋左,不過E生話見到有少少三角形突出,所以都有7成係男仔!Yeah,可以開始專攻男BB野喇!
我問龍B爸係咪好開心係男B,佢就話男女無所謂,其實都吾知係咪心個句,可能佢吾想我話佢掛Heeeee
當日通知我屋企人,點之我老豆重開心過龍B爸,因為我老豆好鍾意男仔,加上重同佢一樣生肖......龍年

美讚臣入會禮物

4月入美讚臣會,兩三星期就收到入會禮物,幾快手!有一個袋,購物小冊子,Lactacyd係小冊子入面,要去指定"卓悅"拎,我就經過TST個間順便拎埋!

5最高分
禮物吸引: