第五次私家產檢(32W2D)

2/9/2012(32W2D)
第五次私家產檢,好開心又可以見到龍BB喇!

E生話龍BB已經有4磅重喇,頭仔,手仔,腳仔都符合32W,只係龍BB個肚仔大左D,有33W!Heee...可能龍B媽日食夜食,攪到龍BB都有個肚腩仔,龍B爸就話龍BB似佢有個大肚腩喎!

龍BB頭仔已經向左下,不過最令龍B媽擔心係龍BB上次產檢時已經玩緊臍帶,今次照到又係度玩緊臍帶,有一圈繞頸,E生話吾怕喎,好多時都係咁!

其實一開始龍B媽已經問E生今次睇吾睇得清楚龍BB個樣,但可惜龍BB寧左面之餘又用手仔擋住吾比睇!又浪費左一次見龍BB個樣既機會喇!

當照完超聲波姑娘幫龍B媽抺完肚時,E生突然又話未睇隻眼,跟住二話不說再O即D Gel落龍B媽個肚度!今次終於照到龍BB個樣喇,開心到E生同龍B爸即刻好大反應話睇到喇,睇到喇!E生重影底左個樣,不過右邊面依然有幾隻手指仔擋住,膝頭重頂住右邊面,攪到個嘴仔好似潤腸嘴咁!吾制呀!好驚龍BB真係潤腸嘴呀,E生重安慰龍B媽話佢比膝頭頂住姐,吾作準既!

下次要隔3星期再去產檢,希望龍BB合作比個靚樣龍B媽同龍B爸睇啦!

體重:59KG(129.8LB)
肚圍:39"