龍BB已經不知不覺出左世第21 Days,頭一星期都覺得龍BB幾易湊,但係而家我已經投晒降!
食奶:
頭一星期好定時,佢每隔3個鐘就會食一次奶,每餐大概2-3安,埋身餵完奶就會訓! 但由Day 15開始,佢開始有D不定時,有時會訓2個鐘就要食奶,有時就一餐餵完4安奶都未夠重要再食!而家重誇張,可以訓4-5個鐘先要食奶,一食就攪3個鐘(當中有需要換2-3次便便,分開停幾次食奶),唉...好苦腦,龍BB真係好大食,佢個嘴真係無時無刻想搵野食,連奶咀都呃吾到佢!真係吾知佢想點!
便便/尿尿:
同上,由於食得多,又不停時食,食得又急既關係,佢D便便真係多到爆,每餐又鍾意食下停下,攪3個鐘都不突止,重要一食就已經Feel到佢有便便喇!當佢一食完就幫佢換片片啦,點之佢又要食,好啦,再食,又有便便,就係咁一餐可以換幾次片, 攪到人都傻!其實之前已經知道人奶係會有輕瀉作用,但其實龍BB係咪肚痾呢?定係初生BB真係咁會直腸直肚得咁緊要呢?其實我係咪吾應該比佢食咁密/多呢?但佢每次都哭都聲沙又吾忍心!
嘔奶/吐奶/打Egg:
每當龍BB飲完奶就會同佢掃風,但發覺就算同佢掃完,坐一陣後放低佢訓,佢都會吐奶(口經常含奶) or 打Egg, 攪到我真係吾敢放低佢,所以真係好怕餵奶既時候,一餐玩3個鐘,其實第一餐剛完成,第2餐都已經要開始喇....help!!
訓覺:
龍BB好無安全感,吾訓不突止,有時佢明明好眼訓都重要眼仔裝下裝下,好似想睇下有無人走開咁!就算訓著佢個身都會經常陣一陣,有時重會好似發惡夢哭甦,跟住又訓返!一聽到聲佢又會嚇一嚇(好細聲都會),見到佢訓得吾好就等於我都訓得吾好,有時都幾擔心!
Day 18既龍BB
其實佢喊係吾係肚餓呢？我以前餐同餐之間會比水佢飲，不過吾知你中吾中意呀，因為有D人話會影響BB飲奶，我個女都係成日都要食，不過佢食得都好過吾食得呀。我個女以前可以飲7安架，可能佢地仲適應緊卦。打egg好正常，吾駛擔心，便便多都正常呀，有D朋友個BB，食一次便一次，吾好咁擔心啦媽咪，好快就適應到
回覆刪除[Mrs. Wu回覆11/21/2012 23:54:18]食完又嘔咁應該係飽啦，吾好再比佢食啦
[龍BB回覆11/21/2012 23:37:25]我有時見佢食完又嘔返出黎,嘔完又想食,佢個胃咁細,我驚食滯佢!
你睇到BB咁可愛辛苦都係值得，我覺得最辛苦係頭幾個月
回覆刪除一食就all其實都正常嘅。。大食咪好囉，佢唔肯食你又擔心架喇！！ 不過我唔建議食奶咀，你唔比慣佢，其實都冇咩野。第時唔使介！
瞓覺最好放佢喺床仔自己瞓，真係要訓練佢自己瞓，如果唔喺真係會好辛苦，唱吓歌仔。。。傾吓計氹吓佢。。。加油呀
[Gabbie Cheng回覆11/22/2012 11:07:30]我本身都唔想比奶咀..但醫院居然比佢奶咀..而家夜晚佢喊到好勁我先比...但佢都唔係好想要... 佢就係想要乳頭
[龍BB回覆11/21/2012 23:56:17]我本來都吾建議比奶咀,但佢喊到拆天又心痛吾想佢喊所以比奶咀,不過佢好醒,知冇味會吐返出黎!
我個BB 所有野都同你龍B 一樣..... 成日要搵奶頭, 跟住夜晚2個鐘食一次奶..食食下你以為佢 sleep la.. 點知一放上床就喊, 又要食番.....
回覆刪除[龍BB回覆11/22/2012 07:48:49]真係好難捉摸,希望只係頭一個月先係咁啦!
好可愛，好羨慕啊！辛苦d都值得！
回覆刪除[龍BB回覆11/22/2012 13:51:14]祝你成功!
我仔頭三個月都係咁,食奶時間同份量都唔定,食完一餐洗下野執下野又到下餐奶時間..同埋訓覺都係咁,一定要有人喺佢隔黎先肯訓,佢地依個時間需要安全感...加油呀,頭頭係咁辛苦,捱過就舒服好多架啦!!!^^
回覆刪除[龍BB回覆11/22/2012 13:52:58]我而家真係好想快d適應到佢既需要!
飲奶飲得多, 代表佢有胃口, 係好事黎, 不過當然你會辛苦d, 尤其係餵人奶...
回覆刪除不過你係咪肯定佢係肚餓?
如果佢真係肚餓, 奶嘴梗係呃佢唔到啦, 都無奶出既! bb好醒架!
食得多, 自然痾得多...都正常呀.
bb係成日嘔奶架. 要到佢個胃漸漸發展成熟, 就會改善.
成日俾聲嚇醒, 因為頭三個月都仲處於驚嚇期, 會容易俾野嚇親, 甚至有時俾自己嚇親. 改善方法包括: 用包被包實佢俾多d安全感佢, 或者俾d background sound, e.g. 播音樂, 等其他聲無咁突兀.
加油呀, 媽媽! 記得自己都要休息多d呀!
[田鼠b回覆11/22/2012 17:33:52]啜得大力係佢天性黎咋....你俾手指佢都會啜架. 未必係肚餓喎...
你有無健康院本書仔呀? 好似到3個月先識分飽唔飽. 所以而家你俾咩佢都會食...
[龍BB回覆11/22/2012 15:52:58]其實吾肯定佢係咪真係咁肚餓,不過見次次一埋身時佢就啜得好用力,我估應該都係肚餓啦,只係擔心人仔細細食過頭而佢又吾知咩叫飽!
恭喜你! BB好得意呀. 我諗BB對你笑一 笑, 你既煩惱就冇晒, 加油呀, 新手媽媽.
回覆刪除[龍BB回覆11/22/2012 15:55:35]見佢食完奶訓著個樣&笑個一刻真係好滿足!
一餐奶攪三小時真係好煩喎.........我一餐奶攪兩小時都好累，你要加油呀！！
回覆刪除[龍BB回覆11/23/2012 17:23:57]之前餵奶間中會望下個鐘,而家直頭吾敢望,驚會破3個鐘記錄!
初頭係辛苦小小..但係當你見到佢一日一日咁大, 而且一日比一日可愛, 你就唔會再覺得辛苦架啦.
回覆刪除媽媽...加油呀!!
[愛美媽媽回覆11/23/2012 17:50:11]當我放緊產假時...係超想快d返工, 不過返左工之後, 又好想可以放多d假陪下bb~
[龍BB回覆11/23/2012 17:27:58]突然覺得依一個月過得好慢,好想佢大快d
我個個都係日日唔同，所以成日都唔知佢想點=.='''
回覆刪除[龍BB回覆11/23/2012 17:28:46]大家一齊加油！
恭喜, 大得好快呀, enjoy 每一天la^^
回覆刪除[龍BB回覆11/23/2012 17:29:39]Thanks
個個BB初初返到屋企都係瞓得唔好，我隻燒腩仔到宜家都係要人抱住先瞓，明明瞓著都要睜大隻眼望吓你係唔係抱住佢，就算瞓著咗但個PAT PAT一落床都會即大喊
回覆刪除至於食奶問題，要狠心D搞返好佢個生理時鐘呀，否則你會餵到人都癲，我隻燒腩仔用樽餵就四個鐘一餐，埋身就兩個半鐘一餐，有時未夠鐘佢就會嘈到拆天，但我會睇情況先畀佢食，寧願用盡方法安撫佢等到夠鐘先畀佢食，否則太早食佢好大機會食到一半收口唔食浪費晒D奶同時間
換片我都賴過好多次嘢，試過一餐換四條片，不過後尾發現真係要狠心D當聽唔到聞唔到，我隻仔無嚴重潔辟痾咗好少喪喊，所以我哋宜家通常食完掃完風等幾個字先同佢換片，而且飲完奶太早換片會令佢打C egg架﹗
龍媽媽要加油呀﹗
[龍BB回覆11/24/2012 14:00:47]原來大家情況都咁相似,睇黎我都要恨心d先得!
媽媽媽加油，好快到我接受
回覆刪除[龍BB回覆11/24/2012 14:04:58]你都要加油呀!
初生BB頭一個月真係好多便便架，果時差唔多食餐都食住屙，一日換十幾塊片架！
回覆刪除如果BB有少少回奶都正常架，打c egg我冇理都照放埋上床仔，不過我隻b經常噴射式嘔奶，如果龍bb都係咁就真係要抱多陣啦。
你宜家都係全埋身嗎？頭一個月係辛苦啲，餵人奶先苦後甜，捱過左就會越黎越順，加油呀！
[龍BB回覆11/26/2012 12:08:30]因為我覺得埋身餵龍BB會有安全感同溫暖D
[Mrs. Chu回覆11/24/2012 19:00:20]有8餐埋身，龍bb同媽媽都好叻呀
[龍BB回覆11/24/2012 18:23:47]我而家十餐有八餐埋身,兩餐奶粉!希望可以堅持埋身落去啦!
我妹豬頭一個月又係超多便便,一日屙成7、8次,真係買尿片都買窮!
回覆刪除[龍BB回覆11/26/2012 11:44:14]好彩之前收到好多Free sample尿片幫補下炸!
你要加油呀!!!!辛苦晒~
回覆刪除[龍BB回覆11/28/2012 22:44:48]Thanks
BB日日都唔同架, 好快就會適應到的
回覆刪除[龍BB回覆11/28/2012 22:47:40]而家好少少喇!
BB好可愛! 初期係辛苦啲, 好快捱過!
回覆刪除[龍BB回覆11/28/2012 22:49:15]Thanks
BB大得好快，加油啊~
回覆刪除[龍BB回覆11/30/2012 17:38:13]
BB好得意！
回覆刪除[龍BB回覆12/26/2012 15:57:27]Thanks