由於坐月時想安心湊龍BB,所以一直都無比朋友上黎屋企睇佢,當一坐完月D朋友就陸續上黎屋企喇!
其實今個月都幾忙,12月內每一個星期六日都會有朋友上黎睇龍BB,朋友們好多都會一家大細上黎,攪到好似個個星期都開P咁,屋企變晒兒童天地,真係好開心,因為龍BB有咁多契媽,Uncle,EE,哥哥,姐姐鍚!龍BB真係大豐收,收到好多禮物同利是!
經過兩個月既磨練,而家已經算叫做適應左湊龍BB!可以日日湊住佢睇住佢一日比一日成長轉變真係好開心!話時話,真係短短兩個月已經見証到佢有好多轉變喇,等我Update下佢依兩個月既成長先!飲奶之前提過因為自己皮膚敏感,所以由12月7號開始就轉做全奶粉,而家佢一日會飲5-6餐,3-4個鐘一餐,每餐5安,有時佢訓耐左相隔飲奶時間耐左就可能要飲6安先夠飽!每當佢一要食個陣真係等多一秒都吾得,喊到拆晒天,個個都怕左佢!
至於嘔奶方面而家改善左,每次飲完奶掃晒風都會45度斜抱佢至少15mins以上等D奶落格,不過都係一時時,如果佢乖吾扭就好囉,但當佢一扭就好易又嘔奶!便便龍BB一日一次便便,便便黃色吾硬重好大Pat!但好多時都覺得佢肚仔痛,吾知係佢好多肚風定尿尿緊呢?連放屁都特別多!
佢成日都會無那那C字型咁向前彎曲身體,有時個樣重好似好辛苦咁,飲飲下奶又會,訓訓下又會,真係吾知點幫佢好!
皮膚
間中重會生紅色粒粒走米!不過比起頭一個月少左,E生/朋友話通常初生BB都會咁,所以我都無理喇,而家只係用清水抺面同用Seba facial cream搽面,佢有保濕同防濕診功效,用左效果幾好,又吸收!不過吾知係咪粒粒會痕,佢成日訓覺都會抓面,抓到紅晒,所以有時都幾吾開心見到佢塊面一達達!訓覺平均餐後會訓大概3個鐘,不過都吾係好定,有時2個幾鐘有時4個鐘,一甦就要飲奶!其實都好煩,因為咁樣會好易亂晒D食量,時間!不過E生話如果佢想食就照比佢食喎,其實我真係好質疑囉,有時見佢嘔奶,真係驚佢飲多左!
佢而家介左夜奶,夜晚個餐10點幾會訓到零晨5點幾,如果12點飲就可以訓到朝早7點!
不過我覺得佢日頭睡眠質素吾係咁好,好多時會比聲嘈聲,有時又會自己扭來扭去甦左,訓覺時又會經常發出聲音,吾知佢係咪發緊夢呢!有時夜晚重會好似嚇親哭幾聲又再訓過,其實有朋友介紹用珍珠未,但係龍BB咁細我未敢比佢試,我念住睇多一排先!
佢腳力好勁,張被成日比佢踢走,所以買左睡袋比佢,希望吾會凍親佢!學習滿月後佢已經會"依依呀呀"同人講野,有時同佢講野佢又會跟你口型!佢重好鍾意撩人玩,經常同人笑好可愛!我會唱歌仔比佢聽,佢又會笑!自己望住床鈴都會玩得好開心,笑晒口!見到佢咁開心真係令我個心都開心晒!習慣佢而家會食搼頭,相信佢好快會逐隻手指啜,雖然E生話吾好戴手套阻礙佢手指發展,但係我而家都Keep住比佢戴手套,一例吾想佢食手指,二例吾想佢抓面!
食奶咀,當佢扭訓時窒個奶咀比佢安撫下拍拍背就好快訓著喇!我老媽子成日話我拍慣佢訓吾好,但係真係見龍BB好Enjoy喎!
換片片會識擧起隻腳仔,希望佢一直咁合作就好喇!
好鍾意沖涼,一知沖涼就笑晒口!
龍BB個樣大得好快,真係吾日日同佢影相都吾得,短短兩個月已經由一個BB樣變到而家有少少老積喇,等我Update下龍BB第二個月既靚仔相先!
1M5D~訓覺動作多多
1M16D~表情多多
1M28D~笑容多多
我無俾大套佢戴，等佢手部d活動.....所以佢2個月鬆少少就識得拎手鈴(雖然只係幾秒，現在3個多個，佢拎住既時間可以十多秒)若你怕佢抓面，你可以幫佢勤d剪甲！！
回覆刪除我現在係按時食奶，因為現在日晏係工人姐姐餵奶，我怕佢亂咁黎，所以set 好哂時間俾佢，有時南瓜仔未醒我都會叫醒佢！！
[龍BB回覆01/02/2013 23:38:21]我有試過幫佢剪完指甲冇戴手套,不過即晚佢就抓損面!希望下次佢冇戴手套時輕手d吾好再抓傷面啦!
[柑柑回覆01/02/2013 17:54:47]由佢抓面啦, 好快好 ~ 唔好再戴手套啦 ~
姑娘話 BB 是用眼同手去接觸尼個世界, 戴手套好慘慘 ~
柑 B 都成日毀自己容架, 但 2,3 日就好 ~ (最緊要唔好毀我容 -__-)
HAHAAA! 佢個髮型好搞笑 XDDDD
回覆刪除[龍BB回覆01/02/2013 23:41:54]我其實想同佢做光頭仔,但佢daddy話驚凍親佢吾好剪住喎!
佢個樣好男仔樣呀，係咪似爸爸？嘻嘻，新年快樂呀！
回覆刪除[龍BB回覆01/03/2013 12:50:56]激似…
好鐘意龍bb笑容多多表情多多~~
回覆刪除bb彎腰便便有無喊呀? 如果無應該就唔係肚痛..只係運功~
因為我個女如果便便痛(唔知係肚定patpat)但痛就一定喊呢~
[龍BB回覆01/03/2013 14:09:56]便便會谷面紅彎腰,但係冇那那冇谷面紅彎腰就吾知做咩!
戒左夜奶就好啦，龍b同龍媽都可以瞓得好啲。其實我奶奶都幫bb帶手套到3個月架，因為真係抓到變刀疤強有時仲見紅添，不過啲人話戴手套阻礙發展，所以我會響bb瞓果時先戴，醒果時扭計最鐘意亂抓，如果抱起或睇住就除手套
回覆刪除[龍BB回覆01/03/2013 14:11:47]等我都試下先!
好CUTE 呀, 你個仔同我個仔既STATUS好似...佢日頭唔肯訓添呀..我都諗緊買D野俾佢食, 好似保嬰單咁, 不過又驚細得済.....都唔知點好
回覆刪除[龍BB回覆01/03/2013 14:15:44]佢日頭吾訓好過夜晚吾訓,如果吾係就冇覺好訓喇！
Littleball同龍BB原來有好多相似地方
回覆刪除初初又係成日嘔奶嫁
加油呀，媽媽
[龍BB回覆01/03/2013 14:50:42]而家冇成日嘔奶好好多!
龍bb個髮型好搞笑呀,而且d頭髮好多同好黑,小芊芊d頭髮又啡又少,得幾條毛仔,我諗住百日宴後剷光佢個頭:p
回覆刪除食奶粉既話我覺得定時比佢食會好d, 定時定量就可以睇到佢食奶食得好唔好, 同埋睇到佢邊段時間開始要加大奶量. 就算果餐嘔左奶都唔洗即刻補多d比佢,佢嘔完唔舒服未必肯飲奶架,最多比所定時間早半小時比佢飲,龍bb已經兩個月, 可以咁樣訓練佢啦~
[龍BB回覆01/03/2013 14:58:03]我已經急不及待幫佢剷光頭！
而家開始會盡量按時飲奶,就算佢食完扭喊想再食都吾比,因為真係驚佢飲得太飽!
龍bb肯帶手襪仔還好, 小芊芊一出世太細粒帶唔到手襪, 到大d果時經已習慣左自由, 點帶手套都比佢fing得甩, 而且又係好鐘意wear頭wear面,我地唯有勤力d幫佢剪指甲咋.
回覆刪除[龍BB回覆01/03/2013 15:05:40]有時見到塊面紅損晒都幾心痛!明明塊面今日好返,聽朝訓醒又損過!
真係唔捨得bb大得咁快呀! 好好珍惜!
回覆刪除[龍BB回覆01/03/2013 18:23:36]你講中我心底話!
bb好多動作及表情呀^^
回覆刪除[龍BB回覆01/03/2013 18:28:12]
好可愛呀。。。笑到腰果眼！！
回覆刪除個頭髮又似"pun"泉
加油呀
[龍BB回覆01/03/2013 18:31:10]我都好鍾意佢笑到腰果眼+卡卡聲!
hahaha~~sooo cute ar~~~~ his hair soo fun too!!!!!
回覆刪除[龍BB回覆01/12/2013 02:46:13]已經轉左新髮型喇
大得好快呀!!!!
回覆刪除[龍BB回覆01/12/2013 02:47:11]而家又有少少吾拾得了!
好多表情好可愛呀~~
回覆刪除[龍BB回覆01/12/2013 02:47:57]多謝 EE
第一張佢既表情好攪笑AR XDD
回覆刪除[龍BB回覆01/12/2013 02:49:22]
好多小朋友訓覺同發忟憎時都會捽面，應該唔係痕而係正常反應
回覆刪除[Ivy回覆01/21/2013 10:20:14]我隻仔都係咁，睇見都肉赤
[龍BB回覆01/19/2013 01:14:58]最衰係捽到紅損!
BB表情多多,好趣緻呀
回覆刪除[龍BB回覆01/26/2013 16:09:54]
乜食奶粉唔係話要定時定量㗎咩？有時個個講法唔同都唔知聽邊個好...
回覆刪除[龍BB回覆02/02/2013 15:39:41]吾同BB有吾同需要,有d比較大食,有d又會好快肚餓,有時你想定時定量都難！