可愛BB照 @ 2M7D

2M30D本來想龍BB滿月後幫佢影返緝靚相,但係因為攝影師實在太繁忙既關係,所以要拖到龍BB 2個幾月大先可以影!

依緝相係上門影,又方便又快捷又平($488,不過好似而家加左價),全程都吾洗3個鐘!

第一次要龍BB定定咁比我地舞左3個鐘佢都算乖,除左中途喊飲奶之外,其餘時間都好合作,無扭計!但當影完之後反而先識驚,喊到癲左,可能又要打燈又要佢光脫脫所以真係嚇親佢,攪到我係咁同龍BB Say Sorry!

2M7D~ Hello,你地覺得我可吾可愛呀?!

 

Tummy Time

2M22D上星期同龍BB玩Tummy Time,開頭佢吾識將個頭抬高,我用兩隻手指輕輕幫佢抬起少少下巴,跟住放手幫龍BB打氣"加油,努力......"!
龍BB成功自己抬起頭仔重hold左好耐,好開心又可以見証到龍BB既第一次!

2M16D~ 媽咪,你睇我幾勁,我用單手之餘重可以起飛腳tim ar.....HAAAAA



媽咪,我Hold左個頭好耐喇,你影完相未呀??

 

嘔奶嚴重左

嘔奶不嬲都係龍BB既習慣,由出世到而家2個月零14日都依然每餐都要嘔下奶先安樂!不過由上星期開始我覺得龍BB嘔奶情況嚴重左好多,佢而家每日飲5餐,相隔4個鐘,每餐5安,但係每餐都可以吾洗兩分鐘飲晒(超急),飲完就算掃完風都一定會嘔返半安至一安,有時誇張到嘔幾次(已經係坐定定既情況下),其實我會驚佢係咪飲得太急太飽呢,但係每次飲完一拎走個奶樽佢都會喊到拆天要再飲,不過我都吾會再比,驚佢好似金魚吾知飽!
依個問題都煩左好耐,問健康院姑娘又話佢似吾夠飽要加奶,有D又話嘔奶係正常,但我見奶粉罐寫住2-3個月大既BB係5餐5安,如果加奶又會吾會過飽架?!
而家打算試下比佢飲6餐,由4個鐘減到3個鐘每餐飲4安,一例吾想佢會因太餓而飲得急,二例係吾想佢太飽嘔返半安至一安奶出黎,希望之後情況有改善!

2M12D~上星期六第二次返健康院打針(4合1 & 13價),體重12磅6,比我預期中輕!
當晚見龍BB有37點幾度,同佢飲左藥水!龍BB第一次飲藥水好叻,乖乖飲晒!

2013新一年新形象 @ 第一次剪頭髮

龍BB滿月之後我一直都好想幫佢做光頭仔,因為想佢D頭髮可以生得烏黑濃密靚D,但係其實我發覺佢D頭髮本身都幾多幾濃密!

上星期五我返娘家食飯同老豆講開想龍BB剃光頭,跟住老豆二話不說就拎左個剃頭器出黎想幫佢剃,其實我內心都念一念"得吾得架??"
當我重念緊好吾好比老豆剃個陣佢就已經同我老媽子夾手夾腳一個抱起龍BB,一個就Set好晒位幫龍BB剃頭,而我就當然第一時間同佢影相啦,話晒第一次剃光頭仔Look喎!佢地重一路幫龍BB剃頭一路又講又笑,好似當左龍BB係公仔咁,好變態呀!不過值得一讚係龍BB真係好叻叻,成個過程完全無爭扎無喊過,佢重要好乖好定咁比公公任舞個頭!




2M4D~龍BB剃光頭之後個個都讚好,而家佢個樣由老積變返BB樣喇!
光頭龍BB又幾可愛喎,媽咪鍚鍚

2個月 01 Jan 2013

話咁快龍BB已經兩個月喇,記得頭一個月重好想龍BB快D滿月,加上初初重未適應去照顧龍BB,所以好想佢大得快D吾洗咁辛苦!

由於坐月時想安心湊龍BB,所以一直都無比朋友上黎屋企睇佢,當一坐完月D朋友就陸續上黎屋企喇!
其實今個月都幾忙,12月內每一個星期六日都會有朋友上黎睇龍BB,朋友們好多都會一家大細上黎,攪到好似個個星期都開P咁,屋企變晒兒童天地,真係好開心,因為龍BB有咁多契媽,Uncle,EE,哥哥,姐姐鍚!龍BB真係大豐收,收到好多禮物同利是!

經過兩個月既磨練,而家已經算叫做適應左湊龍BB!可以日日湊住佢睇住佢一日比一日成長轉變真係好開心!話時話,真係短短兩個月已經見証到佢有好多轉變喇,等我Update下佢依兩個月既成長先!飲奶之前提過因為自己皮膚敏感,所以由12月7號開始就轉做全奶粉,而家佢一日會飲5-6餐,3-4個鐘一餐,每餐5安,有時佢訓耐左相隔飲奶時間耐左就可能要飲6安先夠飽!每當佢一要食個陣真係等多一秒都吾得,喊到拆晒天,個個都怕左佢!
至於嘔奶方面而家改善左,每次飲完奶掃晒風都會45度斜抱佢至少15mins以上等D奶落格,不過都係一時時,如果佢乖吾扭就好囉,但當佢一扭就好易又嘔奶!便便龍BB一日一次便便,便便黃色吾硬重好大Pat!但好多時都覺得佢肚仔痛,吾知係佢好多肚風定尿尿緊呢?連放屁都特別多!
佢成日都會無那那C字型咁向前彎曲身體,有時個樣重好似好辛苦咁,飲飲下奶又會,訓訓下又會,真係吾知點幫佢好!

皮膚
間中重會生紅色粒粒走米!不過比起頭一個月少左,E生/朋友話通常初生BB都會咁,所以我都無理喇,而家只係用清水抺面同用Seba facial cream搽面,佢有保濕同防濕診功效,用左效果幾好,又吸收!不過吾知係咪粒粒會痕,佢成日訓覺都會抓面,抓到紅晒,所以有時都幾吾開心見到佢塊面一達達!訓覺平均餐後會訓大概3個鐘,不過都吾係好定,有時2個幾鐘有時4個鐘,一甦就要飲奶!其實都好煩,因為咁樣會好易亂晒D食量,時間!不過E生話如果佢想食就照比佢食喎,其實我真係好質疑囉,有時見佢嘔奶,真係驚佢飲多左!
佢而家介左夜奶,夜晚個餐10點幾會訓到零晨5點幾,如果12點飲就可以訓到朝早7點!
不過我覺得佢日頭睡眠質素吾係咁好,好多時會比聲嘈聲,有時又會自己扭來扭去甦左,訓覺時又會經常發出聲音,吾知佢係咪發緊夢呢!有時夜晚重會好似嚇親哭幾聲又再訓過,其實有朋友介紹用珍珠未,但係龍BB咁細我未敢比佢試,我念住睇多一排先!
佢腳力好勁,張被成日比佢踢走,所以買左睡袋比佢,希望吾會凍親佢!學習滿月後佢已經會"依依呀呀"同人講野,有時同佢講野佢又會跟你口型!佢重好鍾意撩人玩,經常同人笑好可愛!我會唱歌仔比佢聽,佢又會笑!自己望住床鈴都會玩得好開心,笑晒口!見到佢咁開心真係令我個心都開心晒!習慣佢而家會食搼頭,相信佢好快會逐隻手指啜,雖然E生話吾好戴手套阻礙佢手指發展,但係我而家都Keep住比佢戴手套,一例吾想佢食手指,二例吾想佢抓面!
食奶咀,當佢扭訓時窒個奶咀比佢安撫下拍拍背就好快訓著喇!我老媽子成日話我拍慣佢訓吾好,但係真係見龍BB好Enjoy喎!
換片片會識擧起隻腳仔,希望佢一直咁合作就好喇!
好鍾意沖涼,一知沖涼就笑晒口!

龍BB個樣大得好快,真係吾日日同佢影相都吾得,短短兩個月已經由一個BB樣變到而家有少少老積喇,等我Update下龍BB第二個月既靚仔相先!
1M5D~訓覺動作多多

1M16D~表情多多


1M28D~笑容多多