龍BB鍾意笑,有時同佢玩會笑到卡卡聲!佢最鍾意人同佢唱歌,拍手,會笑到四萬口!同時留意到一樣得意野,原來BB望住BB真係會有共鳴架,每次佢望住公公屋企張大頭BB海報,佢都會望住個BB講BB話,重有講有笑,真奇怪,吾知佢想同BB講咩呢!
而家講野多左好多,又成日撩人玩,有時佢見無人理佢,佢會不停講野叫到你應佢為止(深深相信佢會係一個好貪玩既小朋友,對住佢少D精力都吾得)
勁鍾意食手手,有時明明見佢食緊奶咀,但轉頭就會見佢一隻手揸住個奶咀耳,另一隻手就放左入口係咁啜,重要啜到鬼咁Enjoy,成手同面都係口水!
開始識發忟憎,通常係想訓時先扭計後發忟憎,不過食住奶咀抱下拍下又好快訓著!
識認人同認聲,如果有人叫佢,佢會擰個頭去望下邊個先,如果佢認得既人就會笑晒口(暫時最認得係公公婆婆,好彩佢都認得Daddy Mummy,如果吾係就要打Pat Pat喇)
勁鍾意企,重要玩1,2,3飛個隻!有時比佢企大脾都幾痛,因為龍BB會不停用力踩,好似想行咁,真係未學爬先學行!
鍾意踢被,個睡袋拉埋拉鍊,佢對天殘腳都可以踢到出晒黎,重要踢到出晒腳汗,真誇張!第時大個踢波係咪甲組呢....哈哈!
龍BB已經有個最愛玩伴,就係手玲鴨鴨,只要佢扭計時比個鴨鴨佢,佢就會9秒9拎住個鴨鴨手玲玩,不過都係止到一陣!
對自已雙手感興趣,會經常擧高隻手定格咁望實,有時又會雙手捉實!對身邊事物好奇,會拎起身上既口水肩/毛巾,所要要經常睇實,驚佢會拎過頭!飲奶佢而家一日飲4餐,每餐6安,有時早起身要飲5餐!
其實身邊朋友都話4個月可以開始比佢食糊仔,但係我念暫時吾會住,因為到而家佢依然都會嘔奶,所以我想睇多一個月,睇下佢個胃仔Ready未(吾嘔奶)!不過其實糊仔係咪當正餐?好似而家龍BB飲4餐奶,咁係咪到時比一餐糊仔當一餐即一日5餐?!便便一日至少一次,會間中比水水佢飲,所以有時D便便會好稀!
如果龍BB個日有食保嬰丹,咁就可能會有兩次以上便便,不過會勁臭!(龍BB間中有半夜喊甦,食左一排好似好左)學習開始會比龍BB自己學下反身,佢未識反晒身,不過見到佢反到一半同真係好努力嘗試反身個樣真係好開心架!第一次見佢成功自己反身個刻,真係開心到大叫想喊!
4M1D~ 等我表演反身比大家睇下先
我反......
哎呀......反吾到tim
好在媽咪幫我反埋佢先完成晒全套動作......好攰呀,等我抖抖先
龍BB真係一個大力寶寶喎!!
回覆刪除[龍BB回覆03/06/2013 00:56:01]有時比佢大力搣到痛……
叻叻呀，反身喇！！
回覆刪除[龍BB回覆03/06/2013 00:57:32]反得一半吾知算吾算喎
好叻呀﹗已經識反身﹗我隻燒腩仔仲係要人幫先反到
回覆刪除[龍BB回覆03/07/2013 14:33:42]龍BB要睇心情先肯反
唉～我個女都係由細嘔到大，到宜家9個月都好間唔中會嘔一次架，試過餵糊仔啲肉蓉整得唔夠碎，食糊仔都食到嘔 = =""
回覆刪除如果龍B都易嘔，整糊仔要整得蓉啲呀
[龍BB回覆03/07/2013 14:35:10]大家都係易嘔—族
叻叻！依個時候既bb开始好好玩。
回覆刪除初頭bb食一兩啖糊仔而己，要補奶粉咋，所以你都可以现在试比龍bb食，他有興趣食，才慢慢加。
一仔果時未識坐己喜欢学行，十一個月大己可以自己行，龍bb可能到時一歲己識行呀！
[Annie回覆03/07/2013 18:28:35]hehe
[龍BB回覆03/07/2013 14:36:58]一仔好叻叻呀
好快就反到架啦！加油呀龍BB
回覆刪除[龍BB回覆03/07/2013 14:43:40]佢可能見反得有d悶,最近又吾肯反
龍bb叻叻，又學企又識反身，加油加油！^^
回覆刪除[龍BB回覆03/07/2013 14:45:14]百厭B一名
好得意呀，反身動作好快可以好自如，可以自己做晒全套架啦，加油呀
回覆刪除[龍BB回覆03/07/2013 14:46:46]我好期待睇到依一幕
已經好叻仔啦 ~
回覆刪除叻叻!!!
[龍BB回覆03/10/2013 02:56:26]
4個月就識反身~叻叻!
回覆刪除好快唔使媽媽幫手都做到啦~
[龍BB回覆03/10/2013 02:57:36]努力嘗試中