正值前日星期六(6月1日)係龍BB 7個月大,我同老公決定同龍BB出去尖咀影DUCK DUCK順便行下Gap(經fd口中知道BB衫做折)!
DUCK DUCK就快離開HK,所以點都要比龍BB同佢影返張合照先DUCK!
有得出街龍BB成個大少咁款,浪起對腳勁爽!
2點幾去到碼頭,我一見到巨DUCK心情都幾興奮,不過眼見人頭湧湧,我地又推住BB車,其實都幾擔心點攝埋去同佢合照,不過首先當然係要係眾所周知影DUCK既有利位置影張高抄全DUCK相啦,原來吾止地下多人,連停車場都好多人又係要搵位攝!
天朗氣清+維港景色,再加埋可愛DUCK DUCK簡直一流,靚!
去返地下,終於攝到位影全家福!
DUCK左,可惜龍BB訓著左!
影完相那那臨走人,因為真係太多人同熱喇!跟住我地先搵育嬰室比龍BB食飽飽後再輪到我同老公去食野,然後再去Gap掃貨!
去到Gap又係人頭湧湧,BB衫3件85折,5件75折,8件65折,最後掃左11件比龍BB,Total只係HKD$9XX!龍BB成功幫Daddy媽咪放血喇!
不過我覺得佢D Size偏細,所以買左18~24mths,念住下年龍BB 18mths先著,褸&棉褲就今年年尾著,點之買完返到屋企試上身先發覺短袖衫只係闊少少&長少少,其實今年已經可以著,polo就睇落大件d可以留下年著,褲就今年可以著!
其實龍BB而家都只係7mths大,點解可以著得落架,係龍BB大件定衫太偏細得咁緊要?!老實講我真係吾知點買BB衫,有時吾同牌子D尺寸真係好難估!我本身想去換再D大,但老媽子話吾怕,洗左會縮少少,今年著大少少,下年著就剛剛好!都係老媽子既說話有說服力,最後我都係無換Size既!
Discount做到5號,要買就快手喇,佢有D Size出面未必放晒出黎,可以問sales姐姐/哥哥,佢會入倉拎比你!
依條針織褲已經買到3yrs,但今年啱著!
幻想龍BB再大D著牛仔褲會好有型!
好鍾意依件褸,即場著上龍BB身勁有型,即買!
背心仔而家已經剛剛好著得喇!
買滿HKD$500送既贈品!龍BB好鍾意個棒球,成日拎住玩!
對於買BB衫, 我簡直係十萬個唔清楚, 因為初生時D 衫買到大得濟, 而家又唔肯定咩碼先岩TAREBABY, 買大左驚岩身時天氣唔岩, 買細左就SIDE 左...
回覆刪除[龍BB回覆06/05/2013 12:19:54]之前都試過買細左d衫攪到吾啱著,原來成日聽人講bb衫買大d買大d,真係有道理
早兩日經過gap...超多人囉, 我係咁易揀左兩條裙仔就閃左lu!!
回覆刪除[龍BB回覆06/05/2013 12:15:04]我個日都勁多人,本來無咩mood,點知揀左兩三件後個團火湧左出黎,之後就買左11pcs喇,大出血呀
嘻嘻，買多幾次你就識買㗎啦，我以前都係咁，會買錯，但而家唔會啦！龍BB係咪屬於大隻B呀？
回覆刪除[龍BB回覆06/05/2013 12:12:40]有人話佢似9,10個月個d B,我自己就真係吾知佢算吾算大隻B!
件褸仔真係好可愛呀，等我有時間又去睇下先
回覆刪除[龍BB回覆06/05/2013 12:07:14]要快...快...快...做埋今日炸
baby gap d size基本上款款都唔同，每次都要慢慢逐件睇清楚先得，不過質地真係幾唔錯
回覆刪除btw，星期六日的海港城實在人多到太恐怖，如非必要真係唔敢去
[龍BB回覆06/05/2013 12:05:45]質地真係吾錯,有d重幾有型
個日因為龍BB 7個月大所以先出一出TST慶祝下,如果平時連1至五我都吾願出海港城,個度已經比內地人攻陷左
夏天真係大出血架，D衫靚過人又colorful D， 冬天硬係好似好悶咁！ 佢地D size好似都係偏細，間間都吾同，所以要睇清楚呀！
回覆刪除[龍BB回覆06/05/2013 12:02:10]女仔靚好多,男仔果d就算夏天冬天都係沉悶d~~
我都係~就算有減價都唔知點買~最後睇完走人~成日買左著一次或唔岩時候著~
回覆刪除[龍BB回覆06/05/2013 11:59:33]不過Gap一早已有心水目標,所以點都要買幾件滿足下購物欲.....
好多戰利品呀
回覆刪除原來好天去影鴨鴨係靚咁多架
[龍BB回覆06/05/2013 12:00:40]藍天與白雲真係好靚,不過曬到溶左
我都gap左呀! wahaha 不過主攻夾乸衣. 佢啲bb衫係偏細, 但小童衫就偏大
回覆刪除[龍BB回覆06/08/2013 22:51:26]Welcome, 不過細細力好喇
[田鼠b回覆06/07/2013 10:07:46]報左名喇! 田鼠哥哥話一定要搣下龍bb隻肥腳呀!
[龍BB回覆06/05/2013 17:54:22]今年又好大件左少少，本來想下年著，但下年夏天龍BB已歲半又好似細左少少！我個fd個B 11個月都係買同一size都有d闊！
BTW, 田鼠B報名30/6未？龍BB話好想同哥哥玩！
[田鼠b回覆06/05/2013 14:06:27]點解唔著?
[龍BB回覆06/05/2013 11:56:41]yeah.....太吸引喇,吾gap吾得呀!
攪到而家重念緊短袖今年著吾著好!
龍bb大個左好多呀，同埋d衫仔褲仔都好型呀^^
回覆刪除[龍BB回覆06/05/2013 20:43:58]勁似大人衫！
龍bb真係坐得好hea咁喎~
回覆刪除[龍BB回覆06/08/2013 22:52:21]而家d細路真識歎！！
我現在買BB野總多過自己野!
回覆刪除唔同牌子BB衫褲size都唔同，買大一歲就穩陣d! 現在穿到，明年都得!
[龍BB回覆06/08/2013 22:53:21]即1歲時買2歲既衫？！
我都會買大起碼半年，因為D碼唔咁，而且買大D易穿D！
回覆刪除[龍BB回覆06/10/2013 13:17:08]BB又大得快,真係要買定大D先得!
哎吔, 龍BB瞓左睇唔到DUCK DUCK啊....
回覆刪除GAP特價真係好抵.......不過好快俾人掃晒啲靚野...
[龍BB回覆06/15/2013 15:49:46]係啦，啱啱一去到龍BB就訓著左，好可惜！