8M19D
老公16/7生日送左份大禮比佢,就係一家三口去影親子照+龍BB造型照!我安排依個節目比佢簡直係一流!其實......係我想影......哈哈哈哈哈!
有次係FB見到朋友仔影得好靚,我就念住趁龍BB重有個BB樣時拿拿臨去影,因為我覺得BB大得太快,如果太細個去影D造型會選擇少D,而家8個幾月識坐識爬又係好玩既時候,D衫又會多D款式&造型!
我打電話去問先知原來7月做緊優惠,Plan S1 HKD$680(包18張相,3個BB造型+親子照),平日去再送多一個BB造型,正好老公生日係平日一早拎左假,所以就BOOK左個日去影,如額外加HKD$420會送晒所有相,老實講咁辛苦又氹又引龍BB望鏡頭,得18張相又點會夠喉,所以最後都係要晒所有相,如做埋佢FB Member重有95折,埋單HKD$1,045,影得龍BB又靚又攪笑,我覺得物有所值!
首先第一時間我念親子照著咩衫好,之後上淘寶比我搵到一間專賣親子裝,一見到淋花依套親子裝已經好鍾意,我覺得好有意思,好似講緊兩個大人共同去栽培BB成長!本來想要白色清清地,但之後念念下白色又好似清左D,最後都係買左黃色,清得黎夠Sharp,套衫係6月淘返黎,當時我重未識淘寶買野,所以搵左個fd幫手,大概3,4日收到貨!
8M16D~我覺得依幾張親子照好自然,龍BB表情一流!
龍BB扮企鵝好可愛!
龍BB打鼓好有氣勢,龍的傳人!
龍BB扮西部牛仔入型入格,一個字"型"
炎熱夏日,幫龍BB整返個游水look!
入下面條link可以睇到更多相
http://www.mybabyface.hk/201307/avis/mygallery.htm
8M18D前日係我第一次淘寶買野,之前一直都好想學人淘寶既我終於的起心肝去7仔買淘點淘下喇! 我相信經過今次我會好快中淘毒,因為真係有好多野都好吸引好方便,不過主力都會睇BB野多!
今次終於肯的起心肝學淘既主要原因係為左要買DVD比龍BB睇,本來屋企已經有幾隻傍身,但係我已經開始覺得悶(其實我覺得龍BB係吾覺悶,次次一播DVD佢就定定睇)!最近見有MA MA好評2013 迪士尼DVD+VCD,佢分左3個套餐,有MA MA話買最平個個套餐1(52DVD+24CD)已經好夠RMB168包郵,所以即日就淘佢返黎!
星期一淘,星期三就收到,好快!
我吾記得同賣家講要藍色碟套,佢送左個紅色比我,佢會入晒D碟落去,服務吾錯,起碼吾洗我自己入幾十隻碟
(懶媽媽)
8M16D上星期六同龍BB參加一個playgroup試堂,$50/hrs地址係屋企附近屋苑會所超方便,所以一知道有就即刻報名,不夠一日已full晒,而家playgroup真係搶手!
我一直抱住比龍BB去playgroup玩同接觸多D BB既心態比佢參加,打算等佢再大少少先同佢真正報名playgroup上堂!
當日時間過得勁快,老師講野好似要急口令咁,現場大人又多(兩個家長陪同一個BB),BB又多(6mths~1yrs),所以一個鐘真係吾足夠!
8M13D~
好留心聽老師講解!
咁Q見到中學女同學(側邊抱B個女仔)!
龍BB: 好驚呀(腳震中)
Daddy: 吾洗驚,有我扶住你!
Daddy: 今日表現幾好喎!
龍BB: 吾好咁讚我啦,等我扮cool先!
老師,我舉手識答問題!
等我去撩下女仔先!
擺下post!
媽咪,我係度呀!
8M8D琴日約左一班大家都係2012年11月1日出世既BB出黎Gathering,我地依個Group已經有二十幾個家庭,琴日就有12個家庭出席!其實個個BB都係同一日出世,佢地能夠走埋一齊玩真係好有緣份,吾知第時BB大個後會吾會又自己約返出黎玩呢,哈哈!
攪活動之前大家都好團結分工合作,有D負責場地食物,有D負責搵Sponsor,有D負責去拎禮物!
原來同一日出世既BB放埋一齊,只要有一個BB喊,其他BB又會有共鳴跟住喊,場面好攪笑又可愛!
今次Gathering時間係1-5pm,地點好近我,係屋企附近屋苑會所!龍BB 11:30am 飲完奶都無訓過,1:00pm去到玩左陣已經開始扭眼訓,之後就2:00pm訓到3:00pm起身飲埋奶又再出動,最後Gathering個個BB都玩到好Happy好眼訓先走!再一次証明我吾夠龍BB玩,返到屋企我已經謝晒,但佢重好精神,BB真係有無限力量,犀利!
8M7D~
我好高呀!
有個女仔係隔離,我有D怕醜tim
龍BB: 吾好走啦,陪我玩呀!
我爬到出晒界......哈哈!
吾好迫我行啦,驚驚呀~~
好可愛既扭扭波,但龍BB係超驚!
龍BB: um~好味道!
媽咪: 吾食得架呀囝!
我要追蟲蟲!
有好多禮物呀,我要拆晒佢地!
同龍BB身型最似既BB!
BB們 :影完未呀,坐到PAT PAT 痛!
