8個月 01 July 2013

8M4D21 lbs, 72cm(大概度身長)
回顧7~8個月既龍BB成長又有一大進步喇!又貪玩又愛笑又鍾意扭計喊既佢雖然有時會好曳曳,激到我同老公CC下,但係一見到佢既笑容又會好快比佢溶化左!

勁鍾意出街既龍BB而家吾太鍾意坐BB車喇,通常要行住BB車佢先可以叫做坐一陣,如果架BB車停一陣佢就會坐吾定扭來扭去要抱,所以hipseat要隨身攜帶,如果吾係都幾難頂!食已經出左4隻牙仔(上下門牙),一日5餐,4餐奶1餐粥,每餐奶飲6安,最夜個餐會飲7安!不過見龍BB好似飲6安都吾夠,餐餐飲完拎走個奶樽會叫一輪先冷靜,所以打算8個月開始會加到7安比佢,將其中一餐奶變食粥,即3奶2粥!
而家已經食過: 西蘭花,南瓜,菜心,小棠菜,番茄,薯仔,紅蘿蔔,粟米,冬瓜,青豆,青瓜,蛋黃,干搖柱(超鍾意食,識食好野),三文魚,豬肉,雞肉,香蕉,蘋果,雪梨,啤梨,士多啤梨,提子,西瓜,橙,木瓜!
7:30~11:30~15:00~18:30~22:00
講係食,龍BB真係好食得,佢碗粥分分鐘份量多過我,不過依個月佢都有時食食下會扭眼訓吾想食,有時又會坐吾定左攪右攪,有幾次重要我抱住餵先肯食,真係手都斷!訓對我黎講龍BB有個壞習慣,就係每當佢想訓之前一定要我又抱又搖又UN又拍先訓得著,佢重要晚晚......無錯,係晚晚都會訓訓下醒3至4次,吾知同吽牙有無關,好彩就只係拍拍背訓返,吾好彩係要抱住訓一陣先肯比放落床,攪到我同老公要車輪轉抱佢,講真,有時真係激到我地嬲嬲地,無一晚可以一覺訓到大天光,其實有咩辦法解決呢?除左由佢喊之外,因為佢真係同你鬥耐力架!便便一日一次,每次feel到佢放屁就會"吾"比佢聽叫佢poo poo,龍BB真係識聽架,佢會好合作咁用力"吾"......好攪笑!
BTW,食蕉蕉對便便真係好work,加上龍BB又鍾意食,所以水果之中蕉蕉係食得最密!發展7~8依個月有兩大進步令我好開心!就係一:終於識向前爬喇,見証到佢向前爬個刻真係好興奮!第二:龍BB本來6~7個月會30次有1次成功自己扶住床邊企起身,但係7~8依個月已經成功好輕易咁自己由坐變企,有時重會捉住床邊UN下UN下,所以係時候要將床降底一格喇,其實依個動作我恨左好耐,哈哈!
見証到佢依兩樣野我已經覺得好大進步,龍BB大個囝喇,相信見到佢識行個陣我會開心到訓吾著囉!haaa

已經識同人bye bye喇,人地同佢揮手bye bye佢會識自己同人揮手,不過都係睇心情啦!

識伸手要人抱抱,見人一走開即刻會叫人返黎陪佢!

識扶住梳化自己行,不過係行下停下咁!

完全識分係咪有人話佢,一話佢會好可憐偏咀後再喊,不過龍BB係好易氹同佢玩下抱下又笑返!

識拎星星餅喇.不過重未識放佢入口,龍BB好努力練習中,當佢一將星星餅放入口時就會自己笑,其實真係吾知佢笑緊咩!

發覺龍BB對佢自己D玩具好似無咩興趣,反而一D紙,紙巾盒,盒蓋,繩狀既物品佢會好鍾意!對身邊事物亦會超級好奇(8掛),成日會伸個頭裝下裝下!


7M4D~ 媽咪話依張影得我好肥肥白白呀!

7M6D~ 飛毛腿黎喇!

7M8D~ 媽咪超鍾意我個甜睡樣!

7M9D~ 我依個姿勢似吾似木村叔叔既洗頭水廣告呀!

7M14D~ 原來我隻手都幾大,細過媽咪隻手一半炸!

7M14D~ 紙呀紙呀,我好鍾意玩紙架!

7M15D~ 我有得開餐未呀,好肚餓呀!

7M18D~ 我最叻含住個嘴放電!

7M22D~
龍BB: Daddy,你隻耳仔有蟲蟲呀,我幫你趕佢出黎!
媽咪: 吾好意思Daddy,我出賣左你tim......haaaa

7M27D~ 做咩影住我飲奶奶呀!