2Y11M25D (2015.10.25)
依日同一班同年月日出世既朋友仔開 3歲 Party, 龍BB一去到見到個波波池已經好快咁跳左入去玩, 我就可以鬆一鬆同其他MAMA吹下水喇!
玩玩下龍BB 又轉移另一個目標吹氣跳彈床Sir 滑梯, 佢即刻蜘蛛俠上身, 又擒又Sir又彈, 來回重覆左幾十次, 佢地D精力真係無窮無盡玩到出晒汗超 Happy~
玩完一輪終於肯停一停換返件3號衫乖乖去影下相, 我問龍BB Banner入面邊個係佢, 佢就走去指住自己再擺Post 比我影相都算合作!
之後我地拎蛋糕出黎叫小朋友坐定定唱生日歌, 佢地一見到個蛋糕即刻乖乖坐定好高興咁一齊唱生日歌, 場面好攪笑, 好似返左幼稚園生日會咁!
唱完歌再個別同蛋糕影靚相!
有位MAMA好細心, 佢拎左一大袋自己親手扭既波波送比小朋友們, 佢地個個都好守規矩排隊抽波沒, 抽完波波再去排另一條隊影相, 過程相當順利, 而家個個都大個左又有返學叻左好多, 已經吾會好似上一兩年咁叫個個BB 企定影相都難!
龍BB 話個蛋糕好好味, 重食左2件咁多!
到最後當然吾少得影張大大大合照啦~
---------------------------------------------------------------------------------------------------------------
3Y (2015.11.1)
踏入3歲正日同屋企人在家開個小型Party, 我今年都做左少少功夫佈置屋企同訂做左個Mcqueen 蛋糕, 首先我想讚下個蛋糕先, 當送貨員送個蛋糕到我家門口再打開一睇, 我真係開心到"嘩"左一聲, 蛋糕比我預期中靚好好好多! 其實個蛋糕係我自己簡單構思想要D咩再同師傅講, 例如:想要有Mcqueen 樣, 好似彩虹咁Colourful, 之後師傅再加入自己設計出來個效果真係好靚好鍾意! 有花有草源有彩虹有白雲, 見到個蛋糕都開心晒, 重有個重點係四架Mcqueen車係真既實心鋁玩具車呀, 出去買都要幾十蚊一架, 師傅話係當送比我龍BB 做禮物, 師傅好好人又好細心, 蛋糕又有得睇又有得食又有得玩, 超開心! 依個3磅蛋糕價錢相當合理一D都吾貴, 真係物超所值!
前一晚準備好個背景, 龍BB 一朝起身見到即刻逐個指住英文字讀出黎好攪笑!
屋企人, 契媽, 朋友個個都好錫龍BB, 佢收到好多生日禮物超開心呀!
又大一歲了, 媽咪希望你繼續健康成長, 做個開心寶貝囝!
I LOVE U
回顧:
慶祝 2歲生日 Nov 2014
慶祝 1歲生日 Nov 2013
