Boxing Day 約埋龍BB 契媽契爺一齊去啟德 '東華嘉年華', 當時好似做緊某幾日有Promo 幾十蚊入場包一個Game覺得幾抵玩, 太耐吾係記得咁清楚喇!
其實個日最大目的係想約契媽出來比佢Relax下當散心, 因為個排契媽發生左一件好不愉快既事已經將佢自己收埋左一段時間, 不過契媽真係好好, 佢好錫龍BB, 心情低落時重會買份大聖誕禮物送比龍BB, 氹到龍BB 鬼咁開心!
揸電動車好玩, 睇張相以為龍BB 控制自如, 其實佢係勁抄埋牆架!
一班小車手好守秩序等轉綠燈, 安全駕駛!
龍BB 最鍾意玩依條長滑梯, 要Daddy Mami輪流陪佢玩左2次! 我太耐無玩D咁刺激既野, 衝落去個下嚇到我豬頭丙咁, 其實最驚係攬吾實個仔飛左佢出街!
有位小朋友玩完重鬼咁得戚, 難為個媽咪重嚇到腳仔軟!
我地玩完機動遊戲差不多收檔先走去扔公仔, 龍BB 有2隻米奇收穫, 其中一隻係龍BB 用美色換返來, 詳細就吾講喇, 自己估啦, heeee!
沒有留言:
張貼留言