新年進步,蛇年行大運,恭喜恭喜!

3M21D今個新年真係忙個不停,又要招呼朋友上黎拜年,又要帶住龍BB去屋企人親戚度拜年,所以攪到無Update Blog!雖然新年日日無停過,但今年真係過得特別開心,因為多左龍BB第一年一齊過新年,龍BB重可以順便幫補下家計,哈哈!

第一年龍BB過新年緊係要著得靚靚啦,買左一件有龍圖案既新年衫比佢,本來有藍色,但睇落好似金龍靚D,買龍BB衫真係捨得,預左一百蚊件衫只可以著幾日,下年又要買過Lu!不過著起龍袍又幾似太子既,抵返晒(自我安慰)!

3M10D~ 老公抱起龍BB係公公屋企影依張相,著住件靚衫再加埋後面有咁多靚花,你睇龍BB笑得幾開心

百日宴 08 Feb 2013

3M21D上兩星期2月8日係龍BB一百日,由於親戚朋友多數上門睇BB,所以我只係擺左兩圍自己男女家食飯慶祝!

由於上次滿月係美心買個BB車cake個個都讚靚同好味,所以今次決定再同美心訂左個3磅"鞋"cake....寓意"快高長大",同樣今次個個都讚靚,好味!另外,我再加多3個數字"1,0,0"既蠟燭,睇上黎又真係幾靚喎!

媽咪話因為我係龍年出世,所以搵條龍做佈景同我影相襯返,媽咪重同我著左件紅色衫旺一旺tim!個樣好似啱啱訓甦無咩精神,無錯,當時真係啱啱訓甦就比媽咪捉左去影相喇heeee~~

3個月 01 Feb 2013

3M5D龍BB 3個月喇,雖然佢重未識行識走,但係我已經覺得佢好大個仔喇,可能本身佢個樣比較老積啦!不過都係個句啦,好開心睇住佢一日比一日長大,又見証到佢好多第一次真係好正,有時湊住佢好辛苦,但當佢望住你笑,依依呀呀個陣,真係開心到冧晒!奶奶/嘔奶/便便;由3個月大開始5安變為6安,本來念住照食一日5餐,但發覺佢無咁快肚餓可以相隔時間耐D所以改食4餐! 9:00, 2:00, 7:00, 11:00
至於嘔奶依然嚴重,就算飲完訓甦後兩個鐘都會嘔一兩啖奶出黎,有時會嘔水加一粒粒白色既奶粉粒,真係好頭痛,每次問姑娘醫生都話正常,其實嘔得咁密係咪個胃有事呢?!聽人講BB 過左3個月個胃仔會好D,希望佢真係會好D啦!
便便正常,每日一至兩次,次次都一大pat黃色!有時見佢最夜個餐未有便便,飲完奶個陣就會同佢"吾...."等佢知道要便便,跟住龍BB就會好合作咁用力"吾"D便便出黎,叻仔!學習佢而家已經學識自已拎住手鈴玩超過幾分鐘!
有時同佢揮手講Hello,佢隻手會即時比反應你!
而平日就會放D兒童DVD歌比佢睇,佢會好興奮腳仔係咁踢,而我就會一路唱歌比佢聽,佢就好似想跟住一齊唱,好攪笑!

佢而家勁鐘意食手手同玩口水,比蘇菲佢食又好似吾好多like,食食下又吾食喇,初頭見到蘇菲重好似有d嚇親!
見到佢食手會同佢say no,佢可能聽慣左,有時佢一見我地睇到佢食手會即刻拎開,重要個樣好似好突然比我地撞破咁,比佢笑C~~

2M21D~ 比你偷影到tim

2M23D~ kiss me baby

2M28D~ 拎到手仔軟喇




3M4D~ 我嬌吾嬌娋呀??