Pampers入會禮物(2)

6M2D
上星期分別收到兩次Pampers 大碼尿片& Coupon!而家龍BB已經開始用緊大碼片片,啱晒,Coupon又可以幫補下喇!


今次重送埋相架仔!

我估依個係月頭係佢個網填問卷送!

第一次食節瓜奶米糊 @ 5M28D

6M2D之前篇Blog提過龍BB食青豆敏感所以停左幾日連米糊都吾敢食,好返之後兩日就再次比佢食返糊仔,由於打算龍BB 6個月會比佢食粥仔,所以今次節瓜奶米糊亦成為佢最後一次食糊仔喇!

之前食過Healthy times(有機,較稀要落好多匙), 美素佳兒奶米糊(最香,龍BB最鍾意,可惜吾係有機), 雀巢(較稠,熱氣) !今次用Holle送既Sample,一包25g可以分兩次食,我自己試過可能吾係好香既關係,龍BB好似吾係咁鍾意食80ml水+3匙奶粉+6匙米糊!

煮熟節瓜放在瀘網上壓成蓉!

壓完後會有好多水,所以水要預少d,如果吾係會好稀!

放入奶米糊,完成!

龍BB左望右望吾專心,不過都15 mins內食晒!

 

 

第一次食薯仔奶米糊 @ 5M19D

6M2D龍BB係5M19D已經食過薯仔奶米糊!我要快D補返依篇Blog先,如果吾係又吾知拖到幾時先得閒寫!

同樣用90ml水+5匙奶米糊溝薯仔蓉即可,其實薯仔蓉好香,所以我都預左龍BB會鍾意食,不過食左三日無食,因為其中有一日無便便,有便便個日就見佢"吾"得好辛苦,所以無食四日(如試新食物時無咩特別反應通常會食四日)!


將薯仔煮熟後放在瀘網上壓成蓉,其實吾用瀘網都得!

因為薯蓉較稠,所以要加少少水!

混入奶米糊,完成!


龍BB食到個樣有D無奈?不過吾洗15mins食晒!