龍 B 媽之記事簿

2013年7月5日星期五

嘴唇流血

8M5D
今日超吾開心,因為龍BB撞爆左下唇流晒血好可憐!

事緣係放佢係大人床比佢自己玩個陣,當時我係坐側邊陪住佢,龍BB玩玩下爬左去床側邊張書枱度雙手禁住張枱由坐變企,點之一吾留神佢叉錯腳個嘴撞左落張枱度,跟住龍BB勁喊,D血又流到把把聲,嚇到我個刻真係不知所措,抱起佢再搵條沙巾輕按住個傷口等D血無流得咁勁.同時龍BB喊得好可憐,佢一路好似想強忍淚水,但係又忍吾到痛喊下又停下,之後就不停抽泣,當時我抱住佢又要念方法安撫佢,又要睇住佢不斷抽泣,我真係心都痛埋,佢又喊時我又喊!之後龍BB喊到攰訓著左!

我第一次見龍BB流咁多血,個刻好慌張!真係傷在佢身痛在我心,我完全感受到龍BB當時既痛! (crying)

另外想問下各位MA MA如果個咁既情況要搽咩好!?

當時勁流血,已經抺左D血都流到件衫都係血!

估計係上面兩粒門牙咬到下唇,下唇有好明顯既2個損傷,撞到又瘀又腫,好可憐! (crying)

2013年7月3日星期三

入貨 @ 奶粉,濕紙巾,Pat Pat 膏

8M3D屋企樓下有間平時幫襯買開奶粉&日用品既相熟藥房做埋依幾日會搬鋪,其實佢平時賣既野吾係特別平,只係有某D貨真係比其他藥房平D!

有日走落去買奶粉,但當時佢地無貨,由於平時同D職員都傾到兩句,跟住有個職員問我想要幾多罐幫我訂最後一次貨返黎(重有大約一星期佢地要搬喇,所以D貨清得就清),跟住我順便問佢有無得平,佢地二話不說"有",最後我order左以下貨品,今日返左貨!

美素2號900g:
平時買開$205已經係幾間藥房最平, 而家再平D $200, 之前已經買左6罐, 而家我再order左一箱12罐(吾再返貨),好似走水貨咁......哈哈!
20130703_204118

柔美膏38g:
之前FD介紹用黎專比BB搽蘋果面,對紅損好有幫助,有少少凡士林成份無色無味超好用!其實龍BB塊面好少有爆察紅損,反而Pat Pat就會因為poo poo完會有紅損,跟住有次攞左黎搽pat pat,發覺好work,搽完好快吾紅,又吾覺有"拿"pat pat既情況,效果重相當好,所以之後就一直用佢黎搽pat pat!問過屋企樓下幾間藥房都無賣,唯獨是幫襯開依間同另一間有,但另一間勁貴$4x,而家依間都只係$32,佢幫我order 12盒,每盒再平D $31(吾再返貨喇)
20130703_210724

Huggies 盒裝80pcs濕紙巾:
佢平時$26盒, 而家再平D $22盒,我再用埋Huggies之前送既Coupon 買一送一,即而家係$11盒,真係抵到嘔!我買左2盒用2張Coupon,total 4盒!

2013年7月1日星期一

Blog Blog BB Gathering 30/6/2013

8M
雖然今日係龍BB 8個月大既日子,但係琴日見到咁多BB實在太興奮喇,所以都係寫左依篇BB Gathering先!龍BB,你吾好怪媽咪呀!

琴日約埋南瓜仔,豬脾一齊去小檬媽會所集合,去到第一時間認下d BB先,印象中大B有8個,細B有12個(吾知有無記錯)!其實龍BB都係第一次同咁多BB一齊玩,本來以為平時吾驚陌生人既佢會玩得好high,點之一放低龍BB吾夠一陣佢就會喊搵Daddy Mummy!不過龍BB出發之前都無點訓,只係差吾多到既時候先訓左陣,下次一定要比佢叉定電先,好期待下次BB Gathering呀,又可以見返咁多BB,個個都好可愛! (love struck)