龍 B 媽之記事簿

2013年8月5日星期一

Fisher-Price海馬 & 彩虹圈 + 相架 + 學習桌

9M5D
我又淘寶喇,本來上星期收到貨已經好興奮想快D update下個Blog,但係最近有野忙緊所以消失左兩個星期! 而家要快D追返大家個Blog先得!

之前見到Blog友Elon'S介紹下淘左張學習桌 & 相架! 收到後好鍾意, 品質幾好!

1) 先講遊戲枱, 之前睇過斗斗城類似既都賣緊HKD$3XX, 所以一見佢係RMB136 , Size又吾算太大吾怕阻定即買! 龍BB初初都無咩興趣,不過慢慢玩玩下又幾鍾意,特別係玩隻蜜蜂 & 轉轉!

2) 收到相架後有D意外,,因為靚過我相象之中! 品質,畫質都好好,因為我想做6張相,但屋企可掛畫既地方有限,所以就做左細size. 20cm x 30cm(12mm厚),每張RMB 15可防水,效果出黎相當滿意! 唯一地方比較遠要等耐D大概一星期先到東莞集運!

近睇都好靚!

木質吾錯!

3) 一早已經想買Fisher-Price海馬,但係老公又話屋企已經有好多公仔玩具所以吾比買,但之後比我係淘寶見到有間廠話自己保証係原廠正品出口,睇評語10個有9個都讚,所以膽粗粗買佢返黎RMB10x包埋個彩虹圈,而家斗斗城賣緊Fisher-Price海馬HKD$24x,Fisher-Price彩虹圈HKD$10x, 計返HKD真係平過斗斗城好多!
20130801_212745

白色部份偏黃!

我將全部野送晒去東莞集運,間集運真係好快,當日比晒集運費後通知即日送貨落香港,第二日就收到貨! 我計過如果分開3間店寄到香港要RMB150,而家用集運所有野加埋8 kgs都只需集運費RMB70,真係好抵好方便!

有機蔬菜字母通粉

9M5D
見龍BB牙仔越出越多,而家有4隻另有2隻出緊,佢自己又鍾意咬水果肉,見佢食得OK,所以決定9個月開始比佢試通粉,起碼有D食物咬下,吾洗日日食粥咁悶!

上網搵左好多有關比BB食既通粉資料,最後買左隻"有機蔬菜字母通粉"比龍BB! 依隻通粉有幾點我覺得幾啱龍BB食,個日見有ma ma買,傾開計知道原來佢個囝8個月已經食緊,佢重話佢個囝超鍾意食,每餐都要食碗半!

依隻"有機蔬菜字母通粉"內有數字&英文字母,成份有四種顏色既食物"菠菜,胡蘿蔔,紅甜菜,金穀物"佢標注無加任何鹽份,有纖維&蛋白質好啱BB食,HKD$4X!
20130801_074814

買左返去第二日即刻煮比龍BB食,因為本身隻通粉係有機蔬菜,所以我無加菜落去,只係煮左鯇魚,魚肉我無用攪伴機攪蓉,只係切成細細粒煮熟再用BB食物較剪剪碎!
通粉大概用2匙半為一餐,先將通粉用滾水過冷河,再將通粉煮大概10~15mins,再加魚肉落去煮一陣,煮完再焗5mins等通粉淋d食得!
龍BB第一次食通粉既反應係冷淡D,可能平時食開粥突然今日要咬晒成碗食物有D吾慣,最後用左大概25mins先食完2/3就吾食,我自己試過通粉吾硬易咬,煮完出黎有少少味道,可能係蔬菜(我都吾肯定)!

好清楚見到D英文字母&數字,好得意!
20130801_110939

煮完重好清楚見到D字!
20130801_113907

第二日再煮通粉,今次用蕃茄鯇魚湯配通粉,因為第一次煮得乾左D,所以今次有返D湯水等通粉無咁乾! 果然有D蕃茄湯會好D,龍BB用左20mins食晒,無白費媽咪心機!
20130804_113458

2013年8月1日星期四

9個月 01 Aug 2013

9M2D
21 lbs, 80cm(大概度身長)回顧8~9個月既龍BB好似突然由一個BB變為一個細路,佢既身手靈活左好多,識爬,識由企轉坐再轉身再企靈活自如!鍾意扶住野行既龍BB又經常坐吾定無時停,而家佢重多左樣新玩意,就係扶扶下野行/企會突然放手自己企左係度足足可以有1x秒,有時見佢咁大膽都驚佢會向後跌親!

另外依個月勁曳既龍BB吾知做乜脾氣大左好多,吾知係咪同出第5,6隻牙有關,佢成日大叫大喊,一見我行開又大叫,無人陪佢又大叫,想要既野如果吾比/拎走又會坐係度踢腳大叫,我真係無念過一個8個幾月既BB會咁識扭計!佢試過雙手拎住玩具可以吾放個幾鐘驚人拎走,真係比佢激親(佩服佢雙手吾攰)!

食
已經出左4隻牙仔(上下門牙),第5,6隻出緊(上門牙左右兩邊)!一日5餐,3餐奶2餐粥,每餐奶飲7安!依然係最愛飲奶,食粥有時會扭計想擒走離開張highchair(已經扣左安全),要捉返佢先可以再食!
而家已經食過: 西蘭花,南瓜,菜心,小棠菜,番茄,薯仔,紅蘿蔔,粟米,冬瓜,手掌瓜,紅菜頭,青豆,青瓜,蛋黃,豆腐,干搖柱(超鍾意食,識食好野),三文魚,豬肉,鯇魚,雞肉,麵包!
香蕉,蘋果,雪梨,啤梨,士多啤梨,提子,西瓜,橙,木瓜,奇異果,雪梨,車厘子!

時間係 7:30~11:30~15:00~18:30~22:00

訓
一樣係每當佢想訓之前一定要我又抱又搖又UN又拍先訓得著,晚晚都會訓訓下醒3至4次,不過試過有次半夜4點幾醒左再放佢落大人床,佢自己碌黎碌去半個鐘後自己訓左,但係個代價係比佢踢左十幾腳!
便便
一日一次,食兩餐粥d便便會硬dd,不過都係條狀!
超鍾意用飲管飲水,多數飲米水清熱氣!
發展
識同人bye bye, Hello,重要d手指會又開又合個隻,好攪笑!

身手靈活,左爬右爬,扶野行黎行去,左擒右擒,由企轉坐再反身轉身擰黎擰去無時停,識放手自己企1x秒,而家已經吾係看牛仔,係看馬騮喇!

已經可以好輕易將星星餅放入口,好細微既野都拎得好自如!
人物完全知道邊個打邊個,一講個名會識擰過頭去望,最認得係媽咪,Daddy,公公婆婆,表哥(因為成日搶龍BB d玩具玩)

識分別物件,例如叫佢拎波波玩,佢會自己去拎! 叫佢open the book,佢會識去拎book book,不過只會拎黎咬而吾係打開! 同佢玩give mre five,點蟲蟲,拍手,舉手超開心! 當見佢明白我既意思識拎物件時真係氹到我好開心!

8M2D~ 你估我睇咩咁入神?!