9/9/2012(33W3D)
琴日同龍B爸好努力執房,念住整理下間房可以盡量留多D空間放龍BB既野,因為都預左龍BB出世後一定會越來越多野(其實而家都已經好多龍BB要用既野喇)!
執房時順便統計一下陀龍BB咁耐以黎所收過既入會/講座/BB展既免費"尿片&濕紙巾&乾濕棉"!當執完分類好晒後真係有種滿足感,因為真係整齊左好多!
首先係尿片,當見到一大堆尿片時真係有D頭痛!所以龍B媽決定將佢地分Size收好以便到時要用時吾洗又全部拎晒出黎搵!
由左起係0碼,跟住NB->S->M->L->XL
之前已在5月一田減價時買左2袋大包裝濕紙巾(共7包,平均$16包),而家再加埋以下既免費濕紙巾,應該都暫時夠用!
之前已經買左"思思樂"乾棉一箱(共10包,平均$23.4包),再加埋以下既免費乾濕棉,應該可以用一排都吾洗入貨住喇!
上次聽完BB Care"準父母湊B全攻略"免費講座,佢地比左一張由智滙送出既換領卷,但禮物一定要係指定時間內去返智滙銅鑼灣公司拎,本來都吾打算拎,因為吾想專登走去!
但由於近日開始研究龍BB既疫苗針,加上又見到有其他媽媽都Join左智滙,所以龍B媽同龍B爸就決定上去了解下喇!
聽完佢講解一輪最後都無Join到個疫苗計劃,因為佢地又加左價,另外龍B爸話之前見過樓下商場有間診所平時有勁多BB睇E生,所以叫龍B媽問下價錢,發覺都相差幾仟大元,加上樓下又近D,又吾洗專登坐車去智滙指定既診所,所以就打消念頭喇!
最後拎埋講座送既禮物就去SOGO行下街喇!
龍B媽已經有6罐免費既美讚臣奶粉+2條毛巾!
反而龍B媽幾鍾意個環保袋,因為貪佢夠大&只得一個好細既美讚臣Logo在左下角(吾明顯)!
琴日龍B媽個FD Nicole帶埋個女黎龍B媽會所玩!表面上係得兩個大人,一個一歲小妹妹,但其實正確人數係兩大三小(5人行)!因為計埋龍BB & Nicole EE肚入面個BB!
Nicole EE重好客氣送左個BB車風扇仔&浴盆網比龍B媽!
