68週年校慶嘉年華 2016

<有感而發>
好耐無Update 個Blog 喇, 其實有時真係會因為某D事而心灰意冷吾想再寫Blog, 不過有時我會同自己講我寫Blog 係為左記錄龍BB 既成長等佢大個可以睇返自己細個時既生活點滴, 而我又可以回味下, 眼見龍BB 真係越來越大個仔了, 希望我重可以Keep 住份恆心將個Blog 延續落去!

3Y2M30D (2016.1.30)
其實想寫依篇好耐好耐架喇, 一直拖下拖由冬天到夏天了! >.<

一年一度校慶嘉年華真係攪得有聲有息, 遊戲表演都做得好好, 見學生家長們都玩得好Happy (包括我地heeee)

今年我有報名幫手做義工, 當日3位家長8:00am 到學校打點, 9:00am 開始幫手安排人流招呼家長學生, 到12:00pm 再有3位家長接力下半場, Daddy 亦係依個時間帶埋龍BB 到學校等埋我一齊去玩!

其實開頭有個小插曲, 我地負責既遊戲室因為係走廊最入課室, 學生們好似吾敢行入黎咁, 之後我地義工家長+老師合力下出盡法寶每人手上拎住D禮物在課室門口不停吸引人入黎, 個個都講笑場面好似去左花市, 又熱鬧又開心, 最後當然係爆場啦, 哈哈! ^^

依個Tsum Tsum影相區真係不得不讚, 好鍾意, 超美

有大型吹氣Sir 滑梯




比Daddy 補捉到沖落黎一刻, 龍BB 個頭......好攪笑


講到大, 依個Bear Bear 真係要叫佢做巨型Sir 滑梯先得, 接近2層樓咁高, 我見到都驚haaaa






先生做乜擺個咁既姿勢呀, 扮女仔呀? 好想打佢Pat Pat~


嘩 ~~~~~ 我黎喇 ~~~~~


龍BB 咁鍾意剌激又點會驚, 佢簡直開心到飛起^^






親子遊戲@ 聚卡成塔
龍BB 好專注砌三角形


完成 Yeah


親子遊戲@ 萬花筒


親子遊戲@ 開心扭一扭


親子遊戲@ 百變摺紙樂
將紙仔變成一粒粒再貼上幅畫


製成品車車


親子遊戲@ 趣怪動物園


製成品


中途見到同學仔影下相, 依個係全班最高同學




 
 

 玩左大半日, 滿載而歸 ~~

 

男子漢

3Y5M22D (2016.4.22)
龍BB 最近成日叫自己做男子漢, 的而且確佢人仔细细真係越來越老積, 重好man添! 有時我覺得3歲人仔既man更有另一翻吸引, 而家Daddy既man要退位了, 哈哈！

例子一)
話說有一日我心情底落吾開心(女人麻)坐在地下playmat, 個頭伏左落梳化, 點之突然有隻手輕撫我個頭, 我抬頭一望原來係龍BB行左過來, 佢再用另一隻手將我個頭攬入佢懷中, 雙手攬住我同我講: '媽咪, 你開心D啦, 我陪住你, 你吾洗驚', 個一刻我何止開心, 我直頭感動到攬住龍BB爆喊, 我簡直好似見到個小天使咁, 好感動, 真係無念過龍BB識講依D咁冧既說話, 好生性, 好man, 佢簡單一句'陪住你'已經抵銷晒我所有不安, 依一幕畫面加依一句說話我會永遠記住! 龍BB永遠都係我的男子漢!

例子二)
有日送龍BB返學, 搭停在其中一層有個男人入, 突然龍BB同我有以下對話:
龍BB: (好疑惑) 咩味呀？
我: (好奇怪)下, 有咩味呀？
龍BB: (用手擋住個鼻) 叔叔食煙呀, 好臭！
我: (開始有D吾好意思) 無呀, 入面吾食得煙架！
龍BB: 有呀有呀, 佢頭先屋入面食完煙！
我: (有D O嘴) 哦……吾可以無禮貌架！
一講完到, 我見個男人窒住耳筒吾知真聽到定扮聽吾到, 出佢重好nice幫我地開門! 之後沿路我就解釋返比龍BB知吾好係叔叔面前咁講啦, 佢會吾開心架, 叔叔係屋企有佢既自由做乜, 佢都無入食煙……下刪一佰字, 解釋完一大輪, 龍BB最後講左句: '媽咪, 我吾驚叔叔, 我會保護你', 依個龍BB成日都話要保護我, 知道你man喇!

例子三)
有時曳比我罰會喊幾句, 我一講男子漢係吾可以咁易喊架, 佢即刻收聲自己拎纸巾抹眼淚！(幾work喎)

從生活中見到龍BB 真係長大左好多懂事左好多, 大個仔要做個男子漢喇, 希望日後再大D會做個真真正正既男子漢(其實係我心中已經係), 越講真係越吾捨得大得咁快~

龍BB手多多, 後面幅牆已經傷痕累累！
滿有自信的V......

滑板車 & 三輪單車

3Y5M4D (2016.4.4)
之前龍BB 飲開個隻奶粉牌子做Promo 買4盒1200g奶粉送滑板車/平衡車是旦一樣, 龍BB 到而家都會早午晚飲奶, 4盒真係話咁快就清晒! 最後我地揀左滑板車, 去斗斗城見到架滑板車都吾平架, 奶粉公司都幾重本喎!

拎左貨差不多2個月都遲遲未得閒開封落街玩, 直到兒童節本來重Plan緊去邊玩, 突然就想起屋企有架滑板車未開封喎, 真係差d吾記得左, 食完Lunch就決定帶龍BB 落平台公園出車, 練完一輪玩順左就直接比龍BB 踩住架滑板車出街!
   



玩到飛住去, 好High!
 

我地轉場去左公公屋企樓下個公園玩 (平時由我地屋企步行都只需10~15mins好近)! 玩左一陣個天開始陰又打雷, 好彩未落雨, 之後我地就撤退去公公婆婆屋企喇!
 

Bye Bye ~~



 3Y5M17D (2016.4.17)
一直都好想同龍BB 去踩單車, 但早排天氣成日吾穩定間中又落雨所以都打消念頭!
依日好天我地去左將軍澳單車館旁邊一間單車店租單車$30hr, 我地租左2個鐘, 其實$30hr吾算平, 如果行遠少少入村其實重有d單車店更平, 但係依度勝在方便又在單車館旁邊, 單車亦好新淨, 最方便係可以沿住單車館旁踩吾洗經過大街馬路, 中途重可以入去單車館買水飲/洗手間!

架單車又幾襯龍BB 喎,  睇佢幾有型!




未踩過依類型三輪單車既龍BB (學校好細架個D除外)一開始就好努力自己嘗試向前踩, 開頭吾太識踩實腳踏間中會甩腳, 有時又掛住向下望隻腳! 不過試多幾次好快就掌握技巧吾洗10mins就踩得好自如, 吾比Daddy 幫手要自己黎, 重成日叫我追佢, 跑到我氣咳~


龍BB 真係一個好開心活潑小孩, 佢真係無時無刻都玩得好開心, 睇住依個開心果一日一日咁愉快成長, 爸爸媽媽真係覺得好安慰感恩!

 

 

 

 踩完2個鐘身水身汗, 我地退還車後就走左去食甜品, 吾知係咪太耐無食, 個刻真係覺得特別好味, 我幾乎想再叫多個芒果小丸子, 但比老公制止左!


本來香蕉船係龍BB 同Daddy sharing, 吾知係咪太美味, 幾乎比龍BB 自己食晒, 勁!