2016年4月22日 星期五

男子漢

3Y5M22D (2016.4.22)
龍BB 最近成日叫自己做男子漢, 的而且確佢人仔细细真係越來越老積, 重好man添! 有時我覺得3歲人仔既man更有另一翻吸引, 而家Daddy既man要退位了, 哈哈!

例子一)
話說有一日我心情底落吾開心(女人麻)坐在地下playmat, 個頭伏左落梳化, 點之突然有隻手輕撫我個頭, 我抬頭一望原來係龍BB行左過來, 佢再用另一隻手將我個頭攬入佢懷中, 雙手攬住我同我講: '媽咪, 你開心D啦, 我陪住你, 你吾洗驚', 個一刻我何止開心, 我直頭感動到攬住龍BB爆喊, 我簡直好似見到個小天使咁, 好感動, 真係無念過龍BB識講依D咁冧既說話, 好生性, 好man, 佢簡單一句'陪住你'已經抵銷晒我所有不安, 依一幕畫面加依一句說話我會永遠記住! 龍BB永遠都係我的男子漢!

例子二)
有日送龍BB返學, 搭停在其中一層有個男人入, 突然龍BB同我有以下對話:
龍BB: (好疑惑) 咩味呀?
我: (好奇怪)下, 有咩味呀?
龍BB: (用手擋住個鼻) 叔叔食煙呀, 好臭!
我: (開始有D吾好意思) 無呀, 入面吾食得煙架!
龍BB: 有呀有呀, 佢頭先屋入面食完煙!
我: (有D O嘴) 哦……吾可以無禮貌架!
一講完到, 我見個男人窒住耳筒吾知真聽到定扮聽吾到, 出佢重好nice幫我地開門! 之後沿路我就解釋返比龍BB知吾好係叔叔面前咁講啦, 佢會吾開心架, 叔叔係屋企有佢既自由做乜, 佢都無入食煙……下刪一佰字, 解釋完一大輪, 龍BB最後講左句: '媽咪, 我吾驚叔叔, 我會保護你', 依個龍BB成日都話要保護我, 知道你man喇!

例子三)
有時曳比我罰會喊幾句, 我一講男子漢係吾可以咁易喊架, 佢即刻收聲自己拎纸巾抹眼淚!(幾work喎)

從生活中見到龍BB 真係長大左好多懂事左好多, 大個仔要做個男子漢喇, 希望日後再大D會做個真真正正既男子漢(其實係我心中已經係), 越講真係越吾捨得大得咁快~

龍BB手多多, 後面幅牆已經傷痕累累!
滿有自信的V......

13 則留言:

  1. 龍B真係好man呀,媽咪實冧到暈啦!同埋佢宜家講野都好叻呀,仲識關心人 ^^

    回覆刪除
    回覆
    1. 佢自從接近3歲講野真係進步左, 最like佢有同理心, 有時真係比佢冧爆!<---戀囝狂又發作la :D

      刪除
  2. 越講真係越吾捨得大得咁快<-- 對啊,我都愈來愈有同感,既想佢地快高長大,又懷念BB時的佢地....人真矛盾~~~:)

    回覆刪除
    回覆
    1. 係呀,我有時掛住BB時既佢會叫返佢做BB架,跟住龍BB就會話:我吾係BB,我係男子漢!
      比佢笑C… ^^

      刪除
  3. 媽媽實好冧啦!懂得安慰女仔嘅男仔好吸引,第時冧女仔一定好叻

    回覆刪除
    回覆
    1. 冧爆左,都吾明Daddy明明吾識安慰女仔,但係吾知點解龍BB反而識, Daddy而家吾吸引我la(剩機話下佢先)heeeeee

      刪除
  4. 回覆
    1. 佢行動上都好識冧我, 一見激嬲我會即刻攬住我狂嘴, 企圖想塞住我把口:)

      刪除
  5. 龍BB係個暖男呀﹗第時實好多女仔鐘意﹗

    回覆刪除
    回覆
    1. 佢有時真係幾warm架!如果多女仔鍾意都幾好呀:D

      刪除
  6. 齋睇文字已經feel到佢有幾man,ee睇到都覺得勁冧,我諗做媽媽嘅直頭冧爆

    回覆刪除