6M24D
依兩日有D吾開心,我發覺自己越來越寵龍BB,由龍BB出世以來,我一直同老公都有個共識,就係吾可以寵壞佢,但隨住龍BB越大,我就開始覺得有D不自覺咁寵壞佢!
吾知係咪而家D奶粉真係咁勁,龍BB真係越大越精(其實吾止佢,身邊好多FD既BB都係咁精),佢好似已經知道大人講咩做咩咁,就係因為咁,佢而家已經識"蝦"我依個媽咪!佢經常扭抱,BB車坐一陣又要抱,訓覺又要抱,屋企都要抱,由扮喊(叫幾聲試探)無人理到大喊(有眼淚)直到要我抱佢為止,我又衰心軟,見佢可憐樣又會抱佢鍚返佢,但當佢冷靜後一放低又喊,點呀,好貼身膏藥喎!
雖然有時比佢激到嬲嬲地,但始終都敵吾過佢D眼淚!有時我會同自己講決絕D,吾好寵壞佢,但發覺原來已經中晒計!
琴晚發生一段小插曲令我喊左幾滴眼淚!事緣龍BB又"蝦"我,一訓醒就大喊係都要我抱,抱完冷靜後打算放低佢換片又喊,同佢講完吾準扭計後又喊(我知佢識聽,因為平時抱佢訓扭計,一放低佢同佢講吾準扭計先抱,佢真係會吾再扭計乖乖比我抱返訓)如是者重覆左幾次又抱又氹都要扭計,我跟住就好恨心放低佢由佢喊,但佢真係喊到吾肯收聲,最後我心軟抱返起佢,抱佢個陣覺得好心痛自己又喊埋一份,跟住又念一大堆無聊野,幻想呀囝大左未必會同媽咪住吾捨得,將來佢娶老婆又吾捨得(我依個媽媽真係無鬼用
),另外心痛係自己可以咁恨心睇住佢喊咁耐,心痛係覺得自己開始寵壞佢,當佢越大越扭計時吾通我又係衰心軟,我真係吾想寵壞龍BB吾聽教呀!
吾知各位媽媽會吾會有咁既念法,我真係有感而發,不過寫完篇Blog心情又好似舒緩d......
2013年5月24日 星期五
"愛" 變成 "寵"
訂閱：
張貼留言 (Atom)
我同你一模一樣,不知不覺間縱到佢好似貼身膏藥見佢喊收唔到聲,真係好肉赤架,所以我唯有安慰自己,只要唔太過份就由得佢嗲吓
回覆刪除[龍BB回覆05/24/2013 17:32:02]見佢喊到臉紅耳熱真係吾忍心吾理佢！
我覺得抱抱唔代表係寵壞呀，龍B想媽咪嘅愛啫，我放工都一定會抱下阿囡，佢宜家夜晚我都仲會抱住瞓覺架！
回覆刪除不過有時BB喪喊真係會幾忟，呻完就算唔好再唸啲唔開心野啦，乖乖
[龍BB回覆05/24/2013 17:24:51]佢無時無刻都要抱都幾頭痛！不過呻下係好d既~~
其實寵唔代表一定會壞架嘛. 而且龍b仲咁細, 佢而家都係想人抱有多啲attention同安全感啫, 喺佢小小既世界裏面, 你差唔多係佢既全部喇...
回覆刪除真係到佢大啲扭玩具扭靚袋靚衫時就真係要狠心啲教喇...
[田鼠b回覆05/27/2013 14:51:46]證明佢最愛你
[龍BB回覆05/24/2013 23:15:15]吾係個個抱佢就吾喊，睇佢心情，不過多數指定要媽咪！
[田鼠b回覆05/24/2013 17:45:18]出到街喊係一件好頭痛既事. 啲書話當bb識得表達自己多啲既時候, 就會喊少啲. 係唔係一抱佢就唔喊先?
[龍BB回覆05/24/2013 17:17:48]暫時我覺得自己對住佢係有種咩都比佢咩都要就晒佢既感覺，特別係佢一喊發忟憎要抱個陣我真係投降，最驚抱慣晒到時佢大d會喊到訓街個d!
其實佢咁細個抱多啲都唔緊要嘅，再講不如佢未扭你就已經抱住佢，等佢知道唔係要扭先有得抱。
回覆刪除你比到安全感佢，佢知你錫佢係件好事，唔使唔開心架。
我都好驚果啲喺街到扭計嘅BB，等再大啲先諗點教啦，而家都應該寵佢多啲架！
[Mrs. Chu回覆05/26/2013 17:16:18]我都聽過，等bb知道乖先有人抱抱！
你講反斗城個case真係會幾尷尬，我唸住以後帶肚B去反斗幫淨係探玩具，唔會畀佢扭就得到。
[龍BB回覆05/24/2013 23:31:27]你個方法都work喎，好似之前聽過外國d專家都係咁講！
今晚正好見到個例子~~反斗城入面有個小朋友扭計喊晒大叫要買玩具,佢呀媽強行係地下拖住佢走,沿路所有人都望住,個刻我都呆左!
我果時都好似你咁怕抱惯了，但其实bb依個時候需要安全感先成日扭抱，抱下ok嫁，不然，你可以同佢玩下分散他的注意力！一仔现在識行，好少扭抱了，反而我地成日藉住玩要抱下佢抽下水！
回覆刪除[龍BB回覆05/24/2013 23:21:13]到時可能龍BB大d識行識走就吾理我狂奔，個陣我想抱都可能要練氣追佢！
今日我餵南瓜仔食粥仔，佢喊到大大粒眼水，仲流埋鼻涕，我見到都好心痛，食粥姐，唔駛喊成咁。
回覆刪除最後我都堅持餵埋佢食，最後45分鐘食完碗粥。
做阿媽當然唔想見到自己小朋友喊成咁，不過龍bb 仲咁細，未識講野，佢喊多數想你抱下佢，有安全感，再大啲識行識走你想抱都難，對嗎?
[龍BB回覆05/25/2013 08:45:35]我一直都咁念，而家佢要抱就抱多d，到大d就未必可以抱得咁輕鬆！
可能就係一直乖又抱扭又抱喊又抱，無時無刻都抱，攪到而家好似習慣晒，一吾抱就扭計發脾氣，我真係吾想佢咁樣，下下吾抱就發脾四咁吾得了！
bb仲細,唔怕..當佢懂事時,就要留意啦...
回覆刪除[龍BB回覆05/25/2013 08:48:43]我覺得佢好似已經識睇人‘眉頭眼額‘，成日‘蝦‘我心軟！
我個仔10日大已經扭抱了-__-!
回覆刪除[龍BB回覆05/26/2013 19:05:26]10日大扭抱到ok,起碼都吾算太重！
係吾係差不多時間o既bb都係錦呢?我一一呢排都係錦, 多左扭計要抱, 以前會自己坐車仔宜家見你架車一吾行就叫, 好似尋晚去食飯全程都吾肯坐車仔, 抱上黎又典黎典去, 我地兩公婆唯有快快趣趣食完走
回覆刪除[龍BB回覆05/29/2013 09:24:38]所以而家出街會帶定Hipseat,預佢吾坐車抱都冇咁辛苦！
龍哈仔又系咁蝦我！麻麻和他在廳坐緊！他自已玩得好地地！一見到我都扮喊，要我抱，當我抱他就唔喊，仲笑添！不過除了要抱外，其它都ok獨立！例如他會自已拿奶樽食奶奶等，所以我都會抱他！不過抱2、3下就放低！其實BB要抱好正常，你都唔洗太擔心！
回覆刪除[龍BB回覆05/29/2013 09:37:22]不過當知道佢一見到自己會識扭媽咪其實都心！
我都想佢再獨立d,起碼吾好下下要媽咪！
其實每個bb都係咁...佢地會專蝦身邊最錫佢既人.
回覆刪除我小B都好蝦婆婆架, 雖然婆婆間中都會鬧下佢, 但最寵佢既人咪又係婆婆~
[龍BB回覆06/03/2013 15:07:56]原來小B婆婆同我角色一樣！
佢而家仲細, 仲需要安全感, 我覺得唔怕抱, 我成日都唸, 佢要你抱既時間其實好短, 佢地大得太快, 當你想抱既時間, 佢可能已經唔需要你, 有自己既世界. 所以我好珍惜抱AR B既時間
回覆刪除BB仲細，佢需要安全感姐，未必係蝦你嘅，唔好擔心太多，好好珍惜眼前陪住BB長大嘅日子啦﹗
回覆刪除因為龍BB最記得係你 知道你係最錫佢既媽媽 所以會扭你抱
回覆刪除唔洗諗到咁長遠架 第日大左 你想攬佢抱佢都難!
而家先得半歲人仔 再大D識得玩既時候自然會少扭抱架喇~
其實你諗我我有晚都喊。諗第時bb 大個要嫁人咁佢就只比老公錫。諗下佢可能有日係我懷抱中走。加油呀。因為我現在個囡都要我抱住訓。手軟緊
回覆刪除bb真 係 好 識野 架 ! 我 早 幾 日 都 勁 心 痛 ...出 街 前 bb妹 扭 眼 瞓抱 又 唔 係 坐 又 唔 係 企 又 唔 係 之 後 放 佢 0係床 大 大 聲扮 發 惡 同 佢 講 ,"你扭 計 就 自 己 留 0係 屋 企 媽 咪 唔 帶 你 出 去 喇!" 嘩 ! 之 後 狂 喊 標 晒 眼 淚 叫 媽 媽 媽 媽 要 我 抱 抱 ....0個 刻 真 係 心 痛 c!! ...之 後 抱 番 佢 ee oror有 野 講 添 ! 可 能 佢 係 想 表 達 d野 ...我 應 該 要 有 耐 心 ~
回覆刪除bb0甘 細 真 係 要 有 好 多 安 全 感 , 抱 又 唔 一 定 寵 ...唔 好 過 份 就 得 ~~到 大 個 0的識 聽 &講 道 理先教都 唔 遲 ~