餅乾零食

9M23D
前幾日龍BB契媽係759買左盒BB餅乾比佢食,龍BB係超鍾意食! 其實之前有念過買亨氐餅比龍BB食,但係聽聞試過有MA MA貪佢夠硬比BB食以為無咁易咬得斷,點之真係有BB咬得斷卡住喉嚨,聽完依單野之後我就吾打算買依款餅喇!

講返759 BB餅先,佢係比6個月以上既BB食,我自己食過都幾香易咬碎,吾怕卡住龍BB喉嚨! 餅乾一包有兩塊獨立包裝,龍BB自從食完一啖就愛上左係咁追住食,不過每次我都只係揻少少逐啖比佢,因為如果一塊比佢,佢實大大啖咬落去!