好緊張呀, 下星期一就係龍BB 正式返PN 既大日子, 因為龍BB 係11月1日出世既細B, 所以要等到11月先可以正式返PN! 主任同我講雖然頭兩日話係可以入去陪龍BB 上堂, 但都要有定心理準備就係無得全程陪實龍BB, 因為佢全班同學仔早已入晒學, 只係得龍BB一個做插班生, 驚到時其他同學仔見到龍BB 有媽咪陪D同學仔會扭計! 其實我都明白既, 不過有邊個媽咪吾想全程陪住小朋友身邊, 我唯有到時見步行步, 希望龍BB 吾好扭計喊晒啦!
頭兩日可以有家長陪同, 第一日會由我陪, 第二日由老公陪, 目的係想一人輪一日睇下返學既情況! 其實有時念起龍BB 第一日返學我都有D驚, 上星期同佢買左冬季校服, 但係龍BB 係勁抗拒, 叫佢試衫好似打仗咁, 又喊又訓地都吾肯著, 睇怕開頭返學都要早D起身用半個鐘黎同佢換校服先得!
由於龍BB 11月先返學, 所以我拖下拖下9月尾先開始準備龍BB 返學既野!
1) 返學鞋~ 龍BB 隻大腳8, 人仔細細已經要著27號鞋! 我有朋友介紹依隻牌子OK, 咁我就一次過買晒波鞋同皮鞋! (其實係我懶得周圍去睇其他XD)
2) Mcqueen 水壺~ 姨媽送, 同表哥一人一個! 龍BB 超like, 一見到即刻自己掛上身!
3) 防水姓名貼紙~ 淘寶, 中文+英文名, 收到相當滿意, 色水都幾靚!
4) 姓名貼布~ 淘寶, 都係同款, 只用中文名, 一樣靚!
5) 姓名印章~ 淘寶, 貪個引淘返黎玩下, 有好多公仔字體任揀!
tarebaby係著便服返學, 而且好多野都係雜費包左, 所以岩晒我呢個懶媽媽, 不過我都準備左姓名貼, 我上Y Bid買的, 太遲買, 趕唔到淘~
回覆刪除著便服返學好方便，又省吾少！龍BB一見到套校服就調頭走，都吾知點算……
刪除唔知蕎b入唔入到n班，睇到我有啲唔捨得。
回覆刪除報定多幾間穩陣D......
刪除初頭我都以為我會吾捨得, 點之佢返左學之後又無喎^^
姓名印章正呀，識淘寶真好~~~
回覆刪除你都快D學(魔鬼Heee), 遲d可以幫巨龍,孖B整返個~
刪除學校咁好既, 可以俾你11月插班讀, 番學好呀, 可以同多d小朋友玩, 加油:)
回覆刪除學校OK呀, 12月都有插班讀~
刪除龍BB加油呀！
回覆刪除起初同一仔穿校服，佢都会掙扎，但穿穿下就好合作了。
請問可分享姓名印章在那一間買嗎？
http://item.taobao.com/item.htm?spm=a1z09.2.9.232.YjSOp4&id=14355726007&_u=91k9m5u3c6be
刪除Thx！
刪除點呀呢三日返成點呀?
回覆刪除我會寫Blog分享^^
刪除我地冇買水樽畀肚B，因為學校食野時有水杯，不過見到你話龍B咁開心即刻掛上身，又好想買個畀肚B喎 ^^"
回覆刪除睇FB見龍B都咁適應學校生活，龍媽可以放心晒啦
其實係比佢出街用架^^
刪除