31 個月 01 Jun 2015

2Y7M (2015.6.1)
最近我用左幾個新名黎形容龍BB "小魔怪, 破壞王, 曳曳豬", 因為龍BB 真係有無窮無盡既精力, 鍾意周圍走周圍玩, 古靈精怪無時停, 有時激到我真係生蝦咁跳~~

食
龍BB 而家重35 lbs, 高94cm, 同上個月一樣無重無高 =.=, 最慘係成日吾食野, 有時成碗飯只食幾啖就話好飽吾肯再食, 攪到個人越來越瘦, 重比公公話佢似隻馬騮仔!
好彩龍BB 重好鍾意飲奶補給下, 早晚各一支7安奶, 午睡一支５安奶, 我會一直Keep 住比佢飲奶!

發展
睇完肚B媽篇Blog 講有關講野進度, 其實我都有d擔心龍BB 依方面, 因為一直我都覺得佢講野係比較遲, 係最近依2,3個月先叫做有返D對答, 講多左簡短句子, 但係好多時句子文法和語音上都吾正確, 我已經好努力去教導返龍BB 正確讀法, 但係有時錯完又錯真係攪到我幾勞氣, 老公叫會我吾好咁高要求, 話龍BB 重細只得2歲7個月, 其實講真有邊個媽媽吾緊張自己個囝架!!! 有時我會念係咪吾應該比龍BB 讀PN 國際班, 因為除左普通話堂其餘都係用英語教書, 某程度上龍BB 英語可能重好過中文, 佢經常見到學過既野會用英語講出來, 但係我而家要轉返佢個Channel 要佢自己學講返個樣野既中文出黎, 真係吾知係對佢好定累左佢......

盡量維持每晚同龍BB 睇一本中文故事書, 而家已經認到 "頭, 心, 眼, 耳, 口, 鼻, 手, 腳, 牙" 依幾個中文字!

龍BB 算係一個好學&對自己有要求既男仔, 佢好鍾意拎Copy book 學寫英文字&練直線, 一見寫得吾靚就不停擦過再寫, 成日講 "吾好出界", 可能寫個 A 要寫十幾次先滿意!

睇完大人做會主動自己學做, 例如會自己換校服除衫著褲, 自己學識扣鈕解鈕, 自己刷牙洗手!

龍BB 越來越老積同大脾氣, 一有不滿就會推開我跟住自己撓手扮嬲, 我見過佢D 管家女同學會咁做, 所以我覺得佢係學校學返來, 因為屋企從來無人會嬲到撓手! 見佢會同男同學玩到互相推撞(佢地玩到好開心笑晒口架), 但同女仔玩又好斯文喎, 攪到我成日要不停同龍BB 訓話, 我真係驚自己會變成一個惡媽話得佢多變反效果!

訓
 12:00pm放學食個Lunch, 2:00pm~2:30pm點就好準時要訓至少3個鐘! 夜晚大10:00pm~10:30pm 上床! 每晚佢都會自己唱下歌仔, 講下野先肯訓, 我會趁依個靜靜地既時間同佢傾下計, 傾返當日發生/所做既事情!

Poo Poo/Vee Vee
介片Vee Vee 好成功, 佢而家收放自如出街都無用片片, 有時佢話要Vee Vee 都可以忍到一段時間直到搵到洗手間為止!

Poo Poo 同夜片未介, 不過試過幾次訓覺吾記得同佢著片片都無濕過, 朝早起身重識叫我去Vee Vee!


龍BB 跑呀跑呀, 自由奔放~~




 約埋一班朋友仔浦去食Buffet~~
 

食完去公園再放電~~
 

同表哥Friend 過打Band~~