2Y7M16D
最近心情吾多好, 我記得上年寫過一篇Blog 係關於"如何教導子女", 隨著龍BB 越大我就越有依個疑問, 究竟點先可以教好龍BB?
其實龍BB 吾算係一個好曳既小朋友, 但係佢绝對係一個好活躍貪玩既小朋友, 就係因為佢太貪玩, 見到有小朋友一齊玩就會投入到有D進入忘我竟界, 玩到連呀媽都吾認得, 叫幾次佢未必會理我, 可能要用重語氣叫幾十次先理我, 當我一訓話龍BB時, 佢一係好好好吾開心喊, 一係就嬲左我甚至會推開我, 好言教導又吾多理, 佢每次都要激嬲我先肯乖乖聽教, 好彩既係佢之後重識知錯say sorry!
有媽媽同我講男仔通常係咁會活躍D, 講真我都想見佢開心, 但要適可而止! 有時都好怕話得佢多會有反效果, 加上龍BB 好有性格, 佢吾鍾意我訓話, 但做錯又點可以吾話呢? 我見過有D媽咪望住自己個囝發脾氣推其他小朋友, 但個媽咪竟然完全不理, 比我一定會阻止!
龍BB 越來越有佢個性格, 究竟點樣先可以平衡到, 如果有睇開我Blog 既媽媽真係好想大家分享下如何教導子女!
Btw, 我開始有封Blog 念頭, 但係又覺得由陀B到而家個Blog 都係為龍BB 而設, 記錄左好多龍BB 既成長真係有D吾捨得, 希望我繼續仍有動力去延長此Blog......
其實個個小朋友都有自己性格，有時隔開等大家冷靜下，我有時見Anki情緒唔穩定我都同佢隔開，佢喊多兩喊就唔喊，冷靜返。
回覆刪除"如何教導子女" 呢個真係一個長久又深奧的問題, 冇正確的答案! 小朋友個個唔同, 有D受軟, 有D受硬... 有D 軟硬都唔愛受... 唯有係經一事長一智吧! 小朋友同大人都一齊從錯誤中學習, 一齊成長
回覆刪除講真大人細路都唔鍾意比人話，而且而家好多學說都教同小朋友說話要正面。。。
回覆刪除好似"唔好跑"講成"不如行慢啲"講真真係唔知有幾多個做到，見到佢曳嘅時候仲要諗吓點講，真係要好冷靜先得。亦要睇個細路授邊套。。唔可以一概而論。
我仔好勝心好強，唔鍾意比人話曳，所以有時我見到其他小朋友曳，會叫佢睇（我唔會避，因為如果佢自己見到我唔知仲弊！）解釋吓咁曳有咩唔好，會有咩後果，等佢知道，佢就會話自己唔會咁，要做乖果啲。
試吓咁得唔得？
教小朋友係條好漫長嘅路，大家一路教一路學！加油呀
封blog呢。。。其實唔使咁到咁實嘅，有野咪寫，有心事就講吓，唔想寫咪唞吓囉！！
教育佢地真係好高深架，慢慢教啦！
回覆刪除其實吾好話男仔，女仔有野玩都可以好忘我，我兩個女係屋企都成日搶野玩，都會打人忟頭髮，細個個就一定吾聽架啦，大個個都吾怕我，係怕我老公多D。 有時高壓政策吾得，就懷柔一下，如果真係好嬲就吾好理佢住，吾好放棄呀！
封blog咁嚴重？ 得閒打下都OK啦，我地支持你架！
其實有邊個人鐘意畀人話，但做錯事邊有得唔話，你想佢好自然忍唔到口，只可能係話嘅方式轉變吓，真係個個小朋友唔同，要媽媽自己去慢慢摸索，好似燒腩仔咁受軟唔受硬，我都唔能夠逼得佢太緊，但有D位你知唔可以心軟，無奈地都要執得緊D等佢明，咁話完佢乖返咪大力讚佢多D，拉吓又放吓咁啦，唔使畀自己太大壓力，預講一次唔會聽，咁咪講多幾次囉，你有心教好佢佢總會明嘅。
回覆刪除還不錯的文章值得推薦.贊！xyz
回覆刪除