龍 B 媽之記事簿: 7月 2015

2015年7月20日星期一

Blogger BB Gathering @ 九龍寨城公園

2Y8M5D (2015.7.5)
依日好開心同南瓜仔, 南瓜妹, 燒腩仔, 肚B, 一仔約左去九龍寨城公園玩, 龍BB 真係玩得好開心, 如無記錯對上見面好似都相隔左成年幾, 希望以後大家都繼續 Keep 住多 d 出來玩!

龍BB 一去公園已經比肚B 手上既Bubbles 吸引住, 佢好細心咁望住肚B 點玩, 其實係想等肚B 借佢玩, 肚B 亦好乖, 玩左一陣就借比龍BB玩!

龍BB 研究左一陣就吹到Bubbles 出黎喇, 另外要特別鳴謝一仔媽同肚B 媽既法寶令佢地玩得好開心!

龍BB 玩完手槍Bubbles 就輪到玩吹氣Bubbles, 吹得好落力, 哈哈!

之後燒腩仔同肚B 加入一齊吹Bubbles!

龍BB吹完一輪Bubbles 之後就走去Sir 滑梯！

好鍾意龍BB 依個表情, 睇佢個樣幾開心!

好鍾意依張相, 比我影到龍BB 好Gentleman 既一面, 肚Ｂ玩完Sir 滑梯, 龍BB 走去扶起肚B!

之後就要Daddy 抱起佢摛欄！

龍BB 同肚B 好似小情侶拖住手玩Sir 滑梯！

難得捉得齊小朋友們企定定, 即刻影張大合照先, 我地要一路唱ＡＢＣ引佢地望鏡頭, 佢地都好合作重一齊唱ABC!

南瓜仔加入齊人, 佢地重好投入咁唱緊ABC!

影完大合照佢地各自拎氣球玩, 好開心！

依張龍BB 好似射緊籃球！

吾知燒腩仔講左Ｄ咩, 引到龍ＢＢ笑得幾開心!

倆個笑到勁開心, 佢地真係好攪笑！

重笑到訓左係度繼續笑, 哈哈！

笑完繼續玩過！

玩多一陣之後大家去商場食飯, 依日真係玩得好開心, 好期待下一個約會!

2015年7月18日星期六

2Y8M18D (2015.7.18)
之前同南瓜仔媽傾過大家都想暑假 Join 游泳班學游水, 可惜我地住既屋苑好似要 3 or 4歲以上先可以Join, 而龍BB 同南瓜仔都未夠 3歲所以吾Join 得! 咁啱有日我同另一媽媽講開, 佢就介紹我一間有私人教練可以直接到我地會所教游水, 而且重可以3歲以下一對二, 心血來潮即刻問南瓜仔媽有無興趣一齊學!

而家已經學左第3堂, 頭 2堂龍BB 都OK, 不過今日龍BB 就好貪玩, 一落水就想自己去游水多過學游水, 而家已經大膽到吾要人扶吾用浮板要自己游, 而南瓜仔就好乖肯聽教練指示, 倆位小朋友繼續加油呀!

整裝待發準備去會所學游水!

叫龍BB 企定影相, 吾明點解會擺出個咁既Post!

龍BB 同南瓜仔著上佢地都好鍾意既Mcqueen 游衣, 再加埋對Mcqueen 鞋, 襯到絕!

2015年7月12日星期日

7.1 攝影 by NT

2Y8M12D (2015.7.12)
上次NT大C攝影團本來可後補位頂上, 但係因為已約人所以錯失左機會! 之後知道NT大C 7月1日會再攪攝影團我就即刻報名想跟C大學下野喇!

2Y8M (2015.7.1)
依日中午屋企有事所以遲左到, 其實本來老公叫我推左依個活動因為時間真係太趕, 但係上次錯失左學影相機會加上又應承左所以吾想缺席, 之後再通知NT 我會遲D, 當去到草地已經見到媽媽們, NT大C 好好人亦個別同我再講解一次影相技巧, 果然係大C級, 聽完NT 講解之後我再影返出黎既相自己都尚算滿意, 不過始終有美中不足, 我而家真係好想買過支鏡頭!

題目: 陽光下的男孩

依張係聽NT大C 講解之前影, 真係爭D

三位"軒軒"小朋友

龍BB 超鍾意踢足球, 一見到個足球就踢吾停

同柑B 個Look 好似, 兩個拖住手仔好得意

佢地對樹上螞蟻相當好奇, 動作一致, 一齊指住D螞蟻好似好有研究咁, 哈哈

妹妹豬好可愛, 幫龍BB 搽防晒

龍BB 不停走去撩人踢足球

龍BB: 妹妹豬, 我請你飲 (入面係水)
妹妹豬: 呀......
小檬: 我地Cheers 呀

龍BB 好小心咁餵妹妹豬飲, 我估妹妹豬係飲到D, 因為見佢飲完有Lam lam 嘴好Q

之後再有小朋友加入一齊Cheers

可惜最後因為去左洗手間所以Miss 左影大合照, 不過好彩之前都有影返張小朋友們合照相

多謝NT大C 送左2張作品比我, 真係好靓~~

2015年7月3日星期五

端午節游龍舟水 + 第一次去沙灘同陽光玩遊戲

2Y7M20D (2015.6.20)
依日端午節假期再加上熱辣辣既天氣當然要去浸下水啦, 約埋龍BB 表哥姨媽一齊出發大約4點幾去到, 到左首先要落一條長命梯先到沙灘, 龍BB 好乖全程自己行落樓梯, 但係Daddy 見好多人所以比佢自己行到一大半就抱起佢!

我自己都好多年無去過沙灘, 一見到現場真係不禁我都嘩左一聲, 好多人幾乎連開帳篷都無位!