端午節游龍舟水 + 第一次去沙灘同陽光玩遊戲

2Y7M20D (2015.6.20)
依日端午節假期再加上熱辣辣既天氣當然要去浸下水啦, 約埋龍BB 表哥姨媽一齊出發大約4點幾去到, 到左首先要落一條長命梯先到沙灘, 龍BB 好乖全程自己行落樓梯, 但係Daddy 見好多人所以比佢自己行到一大半就抱起佢!

我自己都好多年無去過沙灘, 一見到現場真係不禁我都嘩左一聲, 好多人幾乎連開帳篷都無位!
 

本來以為第一次去沙灘玩既龍BB 會初初驚沙吾敢落地, 點之佢重大膽過我, 有得玩真係大過天, 比D 畢沙用具叫龍BB 玩, 佢已經好投入咁玩沙!


       

玩左一陣好快就比龍BB 落水, 又係一D 都吾驚, 相反表哥驚到要捉實姨丈隻腳!
龍BB 玩得超開心, 又不停潑水畢水!
 

玩完水再上岸玩沙, 兩老表同心合力砌城堡, 不過最後失敗左, 哈哈!

 

 

玩到大約6點開始走人, 龍BB 又要自己行返上去條長命梯, 行完真係喘晒氣!
之後龍BB 同我講好鍾意去游水好好玩, 個幾日重成日提住去完沙灘玩~~