K1親子旅行 @ 香港浸會園

3Y4M12D (2016.3.12)
我由細到大讀書都好期待&鍾意既一件事就係學校旅行, 我覺得每一個小朋友都會好期待可以同爸爸媽媽一齊去學校旅行(包括我自己), 所以他日我地都會盡所能同龍BB 一齊參與學校旅行/活動, 除非真係有十十十分緊要事去吾到啦, 咁就另計!

今次學校親子旅行地方係"香港浸會園", 地址在香港新界粉嶺坪輋路88號!
　　　　

一大清早8:30am到學校集合, 等齊所有人再早會祈禱跟住就上旅遊巴出發去"香港浸會園", 其實我都係第一次去依個地方! 一去到首先比大家自由活動, 園入面有好多不同類型設施比小朋友玩, 幾乎大部份設施龍BB 都從未玩過, 設施都有D難度具有挑戰性! 不過龍BB 一向活躍喜愛挑戰, 所以佢全部都好投入落力去玩!
依個設施就係坐住車軚"Fing"過去前面, 睇落幾簡單, 但係有D小朋友被"Fing"個下真係驚到喊左出黎架! 不過膽大龍BB無有怕一於照玩, 你睇佢排緊隊個樣幾得戚！
                     

好彩比人"Fing"完個樣重笑識, 龍BB"Fing"出去個下重講"So funny"即係証明佢鍾意玩啦, 其實我覺得龍BB 個樣重Funny囉, 去片！
                 

接住去玩繩, 其實我都吾知依個設施叫咩好! Daddy 要旁住先行到！

      

之後有美女同班同學仔相伴玩另一條繩, 即時可以自己行到終點喇 Haaaa.....

玩完一輪繩就走去公園玩, 吾明點解只係玩條鐵都可以玩咁耐囉, 重要擺個鬼馬樣出黎, 咁樣重點敢"吹"你走呀！
　

龍BB 有幸單獨同2個全班最高既女同學仔影相, 佢2個足足高龍BB 大半個頭, 成日比人以為係K3姐姐, 其實淨係坐係到都已經覺得佢2個好高, 龍BB 個樣即時謝晒XD
　　　   

到食Lunch 龍BB 又有同班同學同枱食飯, 其實龍BB 同學大部分係大B, 好多女仔都好斯文好乖, 講野又叻叻, 讚!
                

食飽到玩集體遊戲喇, 集合左K1, K2學生一齊玩, 吾講吾知, 原來好多K2哥哥姐姐都識龍BB, 間中會有K2哥哥姐姐經過見到龍BB 之後會嗌佢全名Say Hi, 令我好懷疑究竟龍BB 係學校做過D乜攪到咁多哥哥姐姐都會識叫佢全朵!
入返正題, 平時返學佢地都有唱依隻歌"攬攬你", 我其實好想放條影片出黎, 但係因為影到晒後面好多家長所以吾係咁好, 不過最令我估吾到係龍BB 可以全程跟足拍子跳得晒隻歌無甩動作, 好正呀, 見到佢地真係好好好開心, 睇到每個家長都笑晒口, 連我都覺得好開心好感動!
                            <<眾裡尋他(龍BB)>>
          

唱完歌玩黏紅豆, 老師叫2粒紅豆, 佢地就要自己搵Partner 湊夠2個, 老師再叫4粒紅豆, 佢地又自動解體搵Partner 湊夠4個, 如此類推......相信好多大人兒時都玩過, 見佢地真係玩得好開心好合拍好禮讓!
         
 睇下龍BB 笑得幾燦爛!
                   

玩到大概點幾2點就回程返九龍塘解散, 一早放完電既龍BB 返屋企途中已經訓到隻豬咁喇!

復活節2016 @ Day 1睇戲, Day 2馬場同樂日, Day 3長洲

一連4日紅日復活節話咁快又過左喇, 不過龍BB 假期放到4月5日先返學, 重有成個星期比佢慢慢嘆真係開心!

3Y4M25D (2016.3.25) Day 1
復活節第一擊睇戲"優獸大都會", 依套其實係我想睇多D, 睇廣告已經覺得幾攪笑, 加上黃子華配音更加吸引我入場! 之前已經睇左"功夫熊貓" 覺得OK, 後段都有感動位, 其實我發覺自己易喊左好多, 最近睇親戲都喊, 太感性了~


3Y4M26D (2016.3.26) Day 2
復活節第二擊馬場同樂日, 上年我都有去, 不過個人覺得今年好玩D!一早要上網買定票不過都幾快Full $60 入場包玩幾個攤位遊戲! 當日中午入到場先每人比條頸繩&幾張$10票, 開頭都念住袋起條繩, 但原來玩完攤位拎到襟章可以將佢扣起條繩度, 我幾鍾意依個構思!

龍BB 一開始就玩依個不倒翁, 其實我已經吾記得左依個攤位個名了, 龍BB 玩得好開心, 不過我地見太陽晒到正頭頂, 所以比佢玩一陣就轉入室內場玩其他攤位儲襟章!
重有......要讚下工作人員幾nice, 主動幫我地影合照重識幫我地攞埋個馬場景, 有問有答, 讚好!
   

依張真係比龍BB 笑C, 佢玩完攤位扣起晒不同樣既靚靚襟章, 叫佢企定定比我影相, 點之依個Post王連續擺左4個Chok Post出黎, 真係估佢吾到, 點解會咁攪笑架, 邊度學返黎, 笑到我暈!


雖然同吾到真馬影相, 唯有影住3D立體馬補數! 排攤位期間龍BB 見到小丑哥哥拋波, 一向好鍾意球類既龍BB 走上前同小丑哥哥互動, 小丑哥哥拋個波比龍BB接住, 龍BB 即刻龍門上身撲波, 極為興奮, 我想同佢影相都影吾切!


龍BB 打羽毛球好落力, 雖然打左十幾個先中兩個, 但佢肯勇於挑戰嘗試既精神都已經Win左!
 

同媽咪合作分類食物好合拍!


2老表Friend到暈, 一見面無時停!


 同Daddy合作都好合拍架, 不過相比起同媽咪就.....當然媽咪細心D啦!heeee
總結今年大人細路都係玩得好開心, 儲左好多襟章好有紀念, 下年有機會要再去玩呀!

3Y4M27D (2016.3.27) Day 3
復活節第三擊長洲, 實不相瞞我咁大個女真係未入過長洲, 念返點解自己未入過呢, 其實讀書時代應該好熱門架, 但係真係未入過喎, 可能個時長洲經常有人燒x 所以個時有d驚所以無入掛, 依個係唯一我念到既原因, 哈哈! 最攪笑係連龍BB Daddy都未入過, 哈哈我地真係好大鄉里!

當日好好彩一朝去到中環有11:00am加開船, 吾洗等好耐順利坐船入左長洲, 大約12:00pm入到去都未見多人!
平時聽長洲小食就聽得多, 今次入黎一定要試下, 首先經過大大粒魚蛋, 本來好想食辣味, 但係為左比龍BB 食所以買左吾辣, 吾辣都好味好彈牙值得一食!
之後再沿路行下食下小食, 龍BB 途經見到一間門口掛住個小雲樣拎住"便便"圖, 龍BB 即刻大聲叫'小雲"呀, 其實點解龍BB 會識"小雲"係因為學校有教佢地唱IQ博士首歌, 而家龍BB 係識唱晒最hit個幾段架喇! 見佢咁興奮就買個奶黃味"便便"試下, 味道一般無驚喜!
之後再同一間買彩虹刨冰, 無特別不值一試!
行左一陣食Lunch 後再出發去"張保仔洞" 沿海有少少海風真係幾寫意, 可惜行到上山腳已經見排長龍, 聽聞要一個鐘先入到去, 所以我地當散步打回頭慢慢行返去碼頭方向再食下出名既長洲糯米慈, 不過有幾間, 吾知邊間好, 隨便買一間算了!
另外重有街邊婆婆親手做既茶果, 我好鍾意食茶果, 雖然吾知婆婆做得好吾好食, 但見一朝佢企左好耐賣茶果, 所以我大手同佢買入一半茶果當做好心等婆婆可以快D收檔吾洗企咁耐啦!

 

下午4:15pm有特快船返中環, 等左吾洗十分鐘就有船順利返到中環! 咁又開心過左長洲一日遊!

 
 
 

3歲人仔努力學中文字

3Y4M29D (2016.3.29)
龍BB 幼稚園每個月都有個主題教學, 例如:奇妙的車輛, 就會教有關車輛既字(校車,汽車,的士,巴士......) 其實有D字都幾深好多筆劃, 每次主題都會派2頁紙比佢地返屋企溫習, 老師間中會上堂問返佢地架!

回顧返龍BB 剛剛3歲時上堂學習中文字成果都吾錯, 有板有眼, 都算認字認得幾好, 連老師上次做評估時都大讚龍BB 讀啱晒, 叻仔! 其實以前成日覺得英文好緊要, 但經好多過來人媽媽分析和意見, 原來要學好中文都吾係一件容易事, 因為上到小一課本會出現大量幼稚園未必學到既中文字, 所以一開始會覺得認中文係好吃力, 所以而家間中比定D中文字佢地認下都差不多了!

3Y1M12D (2015.12.12)
上年12月叫剛剛3歲1 個月既龍BB讀中文字, 無圖案認都讀到咁多字已經好叻仔, 比個讚你!