龍 B 媽之記事簿: 10月 2013

2013年10月25日星期五

"淘" 書

11M25D
之前一直都會淘D 可以玩既玩具教才比龍BB, 今次就決定淘D 書返黎, 上網見有MA MA介紹所以就一口氣淘左一堆書返黎!

收到D 書之後真係開心到我暈左, 見到D 圖畫色彩比我想像中靚, 而且品質真係好好, D 書有大有細有硬有軟睇見都開心, 今次係試淘情況下已經好忍手, 但係收到依D 書之後我已經愛上左, 下次決定再淘...淘...淘多D 書返黎每日一本講故事比龍BB 聽, 可以多D親子教學! 另外我重睇中左個3 層書架想專放龍BB D 書, 但係我突然淘咁大件野返黎一定會比老公話, 所以都係忍住手先, 不過相信好快個書架又會成為我淘物之一, 哈哈!

龍BB 最鍾意米奇發聲書, 我自己都好鍾意! RMB 32
http://item.taobao.com/item.htm?id=22383144394

立體書, 由大頁至細頁! RMB 45/本
http://trade.taobao.com/trade/detail/tradeSnap.htm?spm=a1z09.2.9.103.AzzV5y&tradeID=440147221012746

立體書, 揭開本書時D 動物會跟住移動! RMB 48/本
http://trade.taobao.com/trade/detail/tradeSnap.htm?spm=a1z09.2.9.82.AzzV5y&tradeID=440205401252746

有吾同英文配圖畫, 圖畫揭開後係英文! RMB 35
http://item.taobao.com/item.htm?id=27325768872

布書, 有D 地方可移動可觸摸, 比我想像中大本!
屋企床玲都係依幾隻動物, 龍BB 好鍾意佢地! RMB 29.5/本
http://item.taobao.com/item.htm?id=16166571853

ABC 書, 內容圖畫好真實! RMB 20
http://item.taobao.com/item.htm?id=17067132271

觸摸書, 每頁都有吾同質地可觸摸!
熊貓個身係用左毛毛質地架! RMB 16
http://trade.taobao.com/trade/detail/tradeSnap.htm?spm=a1z09.2.9.161.AzzV5y&tradeID=440074296652746

一見到即淘, 因為返Playgroup 見龍BB 玩得好投入!
有相為証! RMB 48
http://item.taobao.com/item.htm?id=35131189816

本來都擔心始終係淘寶野, 但見賣家又講到真係出口日本咁, 有MAMA買完又介紹話好, 攪到我心思思都想淘一盒返黎玩下, 其實就算係堅野聲稱無毒無臭, 我都會陪住龍BB 玩吾比佢放入口, 因為始終都係顏料, 睇住會放心D! 佢賣點係專為BB 而設無毒無臭, 就算畫到件衫都容易清洗, 加上佢硬身吾易折斷, 所以好受MA MA歡迎! 見過美國網連運費大概HKD $17X一盒, 淘寶RMB 79.5!
http://item.taobao.com/item.htm?id=13939599982

所有加埋重6.63 KG, 用集運後運費都只係RMB 38, 好抵呀!

為左方便各位MA MA, 我將所有Link Posted 晒出黎, 中左淘毒既MA MA 快D 去淘啦^^

2013年10月24日星期四

美素佳兒入會禮物 (3)

11M24D
兩星期之前收到美素佳兒個Msg 只要用1 字回覆就可以有3 號奶粉Samples, 今日收到3包喇! 另外重有一張1歲卡都幾靚, 等生日會用黎裝飾下都好! 其實睇真D 原來屋企而家已經推推埋埋幾十包美素佳兒3 號仔Samples 喇, 又可以幫補下!

雀巢入會禮物 (3)

11M24D
之前收到雀巢電話會送一罐能恩3號800g 奶粉, 上星期已經收到喇!

印象中雀巢係第一次送奶粉, 今次都幾豐富!

2013年10月22日星期二

比華利國際幼兒/幼稚園 PN Interview

11M22D
上星期六係龍BB 第一次PN Interview"比華利國際幼兒/幼稚園", 其實龍BB 一歲都未夠可以IN d 咩呢? 講真我都只係當攞下經驗, 因為龍BB 又係細B, 好多幼稚園又講明收大B, 所以我都只係抱住嘗試既心態幫龍BB 報PN!

上網睇過知道依間幼稚園係會將所有PN 大B細B & K1 放晒同一日IN! 當日約左11:45am, 大概11:30am 已經去到, 入到去先登記完就入左一間課室填少少資料跟住就等叫名, 其實當時真係勁多人, 可以用迫爆走廊課室黎形容, 等到差吾多12:10am 先到龍BB!

由一位家長陪同入另一間房, 房入面有四張枱, 每張枱有幾樣玩具同一位老師, 首先老師叫龍BB 自己玩下玩具, 跟住就觀察下佢表現又問龍BB 係邊個湊之後就完, 成個過程都吾洗十分鐘完成......

其實我真係覺得今次似幼稚園Open Day 多過Interview! 有種感覺佢會收大B, IN 細B 都只係循例做下樣, 跟本咩都無做過! 不過老師就有讚過龍BB 坐得定, 聽到音樂有反應, 好笑容 & 衣著著得靚(無念過會讚依樣喎)! IN 完之後老師話可以周圍參觀下間幼稚園&玩遊戲(更加覺得係Open Day 囉)

11M19D~ 著套飲衫醒神晒, 出發時幾得戚 !

笑到見牙吾見眼!

好多蝙蝠呀!

去玩車車!

玩得好激動喎!

個車場都幾大!

玩完車車自己走去拎波波玩!

參觀課室ing!

課室都算大!

Sir 滑梯!

Sir 滑梯好似短左D!

見到隻Lion又忍吾住摸下佢!

摸完!

即閃!

之後見到人行樓梯又要走過去行埋一份!

幾經辛苦行到上層喇, 又係一條長走廊, 散場已經無咩人lu!

入到另一間課室第一時間行去睇書書!

扮識睇, 哈哈!

玩完一輪要走lu, 龍BB 個樣話比我知佢重想玩!

家長同小朋友既兔仔名牌, 巧可愛喔!

真係念都無念過 Interview 完重有禮物送!

巧閃令令既 X'mas Card!

教學: 一星期有兩日普通話班, 有外藉老師上堂, 口陴方面亦吾錯!

環境: 幼稚園都幾大分左做兩層, 因為佢已經開辦左好耐, 所以地方吾算新, 不過D 設備環境可接受吾算舊!

2013年10月14日星期一

疊彩虹圈

11M14D
其實好早已經識入晒D 彩虹圈既龍BB 真係好有性格, 成日叫佢入比媽咪睇, 跟住我想剩機錄底佢, 但係當龍BB 一見我舉手機就會好吾合作, 佢本來入得好地地就會左右手都拎住個彩虹圈搖晒手擰晒頭咁, 結果次次都係影得一半!

今日又再比龍BB 玩入彩虹圈, 頭兩次又係吾比影, 跟住我同老公好灰咁講"次次都吾比影, 好無引", 吾知係咪龍BB 聽到我投訴, 佢第三次竟然好合作咁一氣過由大至細入晒彩虹圈, 重要比我勁快手咁影到, 如果今次錯過又吾知等到幾時佢心情靚先肯比我影喇!

識自己行喇

11M14D
龍BB 由10個幾月大既時候已經識拖住大人行好耐, 有時重可以放手自己行兩三步, 不過想再行多步都吾得, 好快又Pat Pat 落地, 見佢都好似好有意欲想自己行, 所以我都會成日比佢自己放膽試下行多D , 之後一直就可以自己越行越耐喇!

上星期同龍BB 返Playgroup, 其實我都幾鍾意個度既地下, 因為有地毯所以我都由得龍BB 自己行, 就算跌都吾會好痛呀麻, 我成日覺得BB 跌多幾次就識自己行架喇, 由佢啦!

11M5D~ 睇下龍BB 行得幾定, 當佢想跌個陣重識自己攤開雙手平衡, 叻仔^^

2013年10月13日星期日

偏身烏冬

11M13D
其實依篇想寫好耐喇, 記得燒腩媽介紹過759 既偏身烏冬, 我見龍BB 之前成日食粥有D 悶, 所以就轉下口味煮烏冬比龍BB 食!

其實本身依隻烏冬吾係For B 食, 但係我自己試過幾滑同幾好口感, 煮完將D 烏冬剪碎比龍BB食, 佢一試過之後又愛上左喇, 而家每到紅日假期都會煮比龍BB 食, 快靚正!

10M14D~ 食到含情脈脈咁!

BB 乳酪

11M13D
之前聽過好多mama 已經有比BB 食乳酪, 有次經過City Super 就買左幾盒其他mama 介紹既乳酪比龍BB 試, 當時City Super 做緊特價, $10 一盒做特價$7 一盒, 我買左4盒桃味!

未食過乳酪既龍BB 一試就愛上左, 龍BB 重要完全吾驚酸9秒9追住食晒成盒, 其實我自己都試過幾好味! 等下次再試下其他味先!

11M6D~ Yummy Yummy

2013年10月7日星期一

11個月 01 Oct 2013

11M7D
回顧10~11個月重 23.6 lbs, 78cm身長 !

食
已經出左8隻牙仔(上4隻下4隻)!
一日5餐, 3奶2粥, 不過依個月開始吾知做咩突然食量大減, 以前每餐可以飲到6~7安, 但係而家得4~5安, 有時重誇到得3安, 想迫龍BB 飲都吾得, 佢會用手捱開+擰頭! 反而固體食物同大人食野時佢就勁鍾意, 所以有時我地食飯時都會將D食物切碎比佢一齊食, 由於龍BB開始食固體多過奶, 所以我決定龍BB 由踏入11個月開始會減餐, 變成2奶2固/ 3奶1固, 間中再比D粉麵包水果佢食! 不過最近龍BB 瘦左, 希望佢繼續食返多D野啦!
而家已經食過: 西蘭花, 南瓜, 菜心, 小棠菜, 番茄, 薯仔, 紅蘿蔔, 粟米, 冬瓜, 手掌瓜, 紅菜頭, 青豆, 青瓜, 蛋黃, 豆腐, 干搖柱(超鍾意食,識食好野), 三文魚, 豬肉, 鯇魚, 雞肉, 麵包(大愛), ABC通粉, 烏冬!
香蕉, 蘋果, 雪梨, 啤梨, 士多啤梨, 提子, 西瓜, 橙, 木瓜, 奇異果, 雪梨, 車厘子!
時間係 8:00~12:30~15:30~19:00~22:00

訓
改善左吾洗下下都要抱好耐先肯訓著, 而家因為龍BB 好重既關係, 所以我每次抱佢訓都要用hip seat先得, 龍BB 半夜仍然都會訓訓下醒2至3次, 其實都已經習慣晒喇, 不過試過幾次同我地訓又可以一覺訓到大天光喎, 但係我又吾想龍BB習慣訓大人床而吾訓自己床, 點做好呢!

便便
一日一次, 有時隔日, 通常都係朝早/ 晚餐後!
超鍾意用飲管飲水, 可能一日飲水重多過飲奶!

發展
已經識同人bye bye, Hello, Hi 5, 又成日同人放電含情脈脈咁望住人笑!
模仿力好強, 大人食野佢個嘴又跟住扮食野, 又會學人整kiss 啜啜聲, pok pok聲, 溚溚聲 !
勁鍾意用手指指野, 特別係一出街就周圍指同叫, 勁興奮!
識拖住大人行路喇, 有時可以吾洗扶自己行十幾步, 真係大躍進, 叻叻!
識得由大至細入晒D彩虹圈喇！

9M20D~ 充滿自信既表情!