前幾日星期六 1Y9D 去左健康院攞成績表&打針, 去到磅重 23.18 lbs(比11個月時輕左, 但姑娘話體重好好, 如果再重就會偏重), 身高78cm(無高過 =.=")!
姑娘問左一大輪問題! 識吾識行? 識吾識自己拎杯飲水? 識講單字未? 識吾識自己拎野食......? 全部龍BB 都過關, 之後重即場叫龍BB 示範 Clap & Kiss 比姑娘睇, 氹到姑娘係咁讚龍BB 叻叻!
不過有幾點姑娘叫我 Train 下龍BB! 1)教龍BB 踢波波, 可以訓練佢平衡力, 2)介奶樽, 3)用匙巾食野! 其實我心中有D 疑問, 而家先啱啱一歲會吾會快左少少呢, 第1點可以同龍BB 玩時教下, 但第2,3點真係要念念點做, 因為實攪到勁 lea hea......! 吾知 mama 們點教自已個 BB 以上2,3點, 可否分享下!
之後輪到打13價 & MMR 針, 打完兩支針痛到龍BB 大喊, 好彩一比佢食包包即收聲, 依個囝有得食就得, 真係易氹, 哈哈! 另外要相隔一個月後再出私家打埋水豆針!
食
已經出左10隻牙仔(上6隻下4隻)!
一日4餐, 2奶2飯, 奶可以飲返6安一餐(早, 訓前), 飯食到一碗, 開頭幾日係爛飯, 之後就整同大人飯差吾多再淋D! 最近我覺得龍BB 瘦左好多, 真係好掛住龍BB 之前塊面珠 dum 呀!
而家已經食過: 西蘭花, 南瓜, 菜心, 生菜, 小棠菜, 番茄, 薯仔, 紅蘿蔔, 粟米, 冬瓜, 手掌瓜, 紅菜頭, 青豆, 青瓜, 雞蛋, 豆腐, 干搖柱(超鍾意食,識食好野), 三文魚, 豬肉, 鯇魚, 雞肉, 麵包(大愛), ABC通粉, 烏冬, 乳酪, 牛油!
香蕉, 蘋果, 雪梨, 啤梨, 士多啤梨, 提子, 西瓜, 橙, 木瓜, 奇異果, 雪梨, 車厘子, 藍苺(吾鍾意食, 會吐返出黎)!
時間係 8:30~13:00~17:30~20:00
訓
例牌晚晚半夜醒一兩次, 要放佢訓大人先可以一覺訓天光!
間中會發開口夢大叫兩聲再訓返!
龍BB 好鍾意訓到周圍碌, 有兩次訓訓下佢碌左去床尾重比我踩左兩腳, 龍BB 叫左兩聲照訓, 陰公豬 heeeee
便便
一日一次, 改左食飯飯後 D 便便明顯硬左, 通常都係朝早/ 晚餐後!
發展
踏入一歲依個月既發展明顯進步左好多!
識自己行完全吾洗人扶, 有時行得快好似走緊咁!
一見有人出門口就識主動同人講 Bye & 搖手, 好鍾意同人 Hi, Hi 5 反而少左, 又成日撩街度 D 人玩, 企係佢附近既通常都會比龍BB 撩 or 比人撩玩!
識豬咀頭向下扮可憐, 好攪笑!
自己開心/讚佢叻叻時會好開心拍手手!
識入彩虹圈 & 形狀, 比書佢會自已揭黎揭去睇!
超鍾意波波, 一見到會指住大叫波...波...
識講Bye, 波, 爸, 媽, 街街, 吾呀(擰埋頭表示吾要)!
識聽指令, 例如廚房門口個閘開左, 叫龍BB 過去 Close the door, 佢會行過去關埋個閘跟住好開心咁拍手! 佢將玩具箱 D 玩具拎出黎玩完, 我叫龍BB Clean up, 佢識將玩具全部放返晒入箱! (見龍BB 咁聽話真係好低鍚, 令我依個 mama 有 D 安慰^^)
11M11D~ 肥豬樣!
11M19D~ 等食攪攪陣!
11M24D~ 洗吾洗咁 Chok 呀!
11M29D & 30D~ 好鍾意龍BB 認真睇書時個樣!
都係咁可愛。佢長左大左係會瘦d。我都會吾捨得架
回覆刪除真係好吾捨得初初個肥嘟嘟BB樣！！
刪除識咁多嘢好叻仔喎, 同埋龍b 仲好肥仔丫, 唔洗担心
回覆刪除我有時好沮喪, 覺得自己唔識教仔咁, 唔知點入手教佢嘢
其實有時龍BB都吾理我，不過可能我成日講變到佢慢慢就會跟住做！
刪除龍bb識好多野wor, 叻仔~~~ 佢真係好大隻!!!!
回覆刪除佢吾算大隻了，反而覺得佢縮左水heee
刪除龍bb好叻仔,咁快已經識行,妹豬到依家都重未自己行到
回覆刪除由於妹豬自細已經唔鍾意用奶樽,所以我哋一早已經開始用杯比佢飲奶,我諗你可以試吓每日搵一餐比佢用杯飲,比佢慢慢習慣
妹豬依家至開始學用匙更食野,我首先自己示範吓比佢睇,之後放啲食物响隻匙更度,等佢自己慢慢試吓自己放入口
妹豬個杯有無用偏咀先架？
刪除等我都試下教龍BB先，thx ^^
龍BB發展真係好好呀!! 叻叻!!! 好多豬脾都未識做!
回覆刪除豬脾都好叻，肯定好快學識架！
刪除Yin B都係同我地大人瞓先一覺瞓天光..
回覆刪除10個BB10個都係瞓到舞龍咁..成床轉黎轉去..
Yin B成日係由床頭瞓到去床尾..= =''
龍BB重成日用個頭撞落我塊面度，幾乎撞到我鼻都歪埋！！
刪除龍BB識clean up玩具，好乖呀！
回覆刪除一仔只会拎晒d玩具出來！
一仔唔喜欢用飲管杯/鸭咀杯欲飲奶，喜欢用奶樽，但后來發現他唔抗拒用杯飮部份奶，所以用了1-2星期教他自己拎住透明膠水杯飲水先...現在仍大部份奶用奶樽，少部份奶用杯。
你可以比龍BB自己拎下匙羹舀及餵自己食，睇下佢有無興趣先？有的，先继续比佢试。但食之前，最好用即棄檯布舖好地下、椅，龍BB亦要穿件容易清潔的大件口水肩。
刪除等我都試下教龍BB用杯飲水先，不過已經有心理準備佢一定會倒出黎！
刪除我之前想買大件口水肩比龍BB，但佢係超級抗拒，要念念辦法先！
龍BB好叻~~~識聽指令~~~~好犀利啊！
回覆刪除最幣扭計都好叻~.~
刪除龍BB好叻仔呀﹗燒腩仔仲未識入形狀呀﹗
回覆刪除雖然佢哋只得一歲人仔，但只要你肯教佢好快學識，踢波燒腩仔已經係姨媽屋企跟姨丈學識咗，返屋企識得將個波踢來踢去，真係踢完之後行得好咗㗎﹗
我就買咗個飲管杯畀燒腩仔飲奶，但佢通常飲兩安左右就顧住咬筒唔飲，跟住我就換返奶樽畀佢飲埋去，其實都係要畀佢慢慢習慣就得㗎啦﹗
至於用匙巾我就係佢十一個月開始train，食飯時畀枝匙巾佢拎住先，然後捉住佢手筆來食，燒腩仔由初初唔肯畀我掂佢手上枝匙巾，到後期會伸手來筆我手上拎住嘅飯，咁我就開始畀個碗佢放一兩匙飯落去畀佢試筆，當然都目前為止都無成功自己筆到過，但至少等佢有呢個意識同興趣，慢慢就會做得到
入形狀好睇龍BB 心情先得!
刪除踢波未識, 反而鍾意去踩個波=.="
最近個杯條飲管比龍BB 咬爛埋, 比佢激親!
匙巾開始比龍BB 自己拎, 但係佢會咬住玩......
龍B已經10隻牙仔，肚B得佢一半咋XD
回覆刪除戒奶樽同用匙食野 <<< 肚B都仲未做到，試過用杯飲但肚B飲得冇咁好呢 ~_~
好彩龍B瞓大人床可以瞓得好啲，不過係大人辛苦啲（要畀BB拳打腳踢XD）
龍BB 出既拳同腳踢都好有勁力......>.<
刪除