水果當中龍BB係最鍾意蘋果, 每次一見到蘋果就會指住大叫, 就算我拎個橙或者香蕉比龍BB, 佢都會搖頭吾要, 係都要指住個蘋果大叫! 不過當個蘋果一到佢手就不得了喇, 龍BB會將個蘋果咬到一忽忽, 又或者當波咁碌落地下玩, 最後個蘋果當然吾要得, 就係咁一個又一個蘋果比龍BB摧毀!
見龍BB咁鍾意蘋果, 決定上淘寶睇下有無得淘先, 以我所知MK/深水佬有D地方係賣$10一個假水果, 不過我見偉大既淘寶賣RMB 4~8一個, 講真計埋運費都同香港差吾多! 但係再揾耐D比我發現一間只售RMB 2.7一個, 重要有加重迫真D, 因為有好多無注明加重係會好膠輕身, 所以大家要小心!
最後我買左以下水果返黎, 買咁多款係因為平時有D水果會好少買黎食, 所以可以順便教埋龍BB認識水果, 聽聞有D幼稚園會考水果架!
不過大家千祈吾好期望咁高, 今次只係想分享下但吾建議大家買, 如果只係買黎擺就ok, 但係買比囝囡玩就一定要經家長陪同(講到好似嚴重左D)!
快D講下點解先, 我一收到依堆假水果第一時間用滴露浸洗消毒先, 因為驚會易脫色! 點之浸完已經有一個奇異果吾要得, 佢脱左好多毛毛, 其餘無脱色ok! 之後拎比老公睇呃到佢以為係真水果, 笑死我……入正提先, 開頭龍BB見到堆水果好開心逐個拎上手玩, 點之一吾為意原來龍BB當左係真水果黎咬, 重要咬到幾個牙齒印見到入面D實心發泡膠, 即刻阻止佢再咬, 所以之後一定要家長陪同先敢比佢玩!
就咁睇真係好似真水果!
我有個朋友教路, 話多啲同小朋友去超市, 佢哋會學得勁快喎
回覆刪除係呀，我一去超市就會話比龍BB知依樣係乜個樣係乜，攪到老公成日怕左同我地行超市……哈！
刪除我諗住用書教，但会買切切生果，因面試可能要考！
回覆刪除本來都想買切切生果，但最後都無買到！
刪除唔知香港有無得買 Melissa and Doug 嘅玩具，佢哋出咗set 假水果，我都有一套，係唔會甩色，安全得多。當然我個人就覺得好似上面 Oiyee Au Yeung 媽話齋，去超級市場睇真嘅就化算啲！
回覆刪除http://www.amazon.com/Melissa-Doug-4082-Playtime-Fruits/dp/B001613Q8A/ref=sr_1_sc_1?ie=UTF8&qid=1384475084&sr=8-1-spell&keywords=malissa+and+doug+fruits
其實我都志在比佢拎上手認識下D水果同顏色，人仔2.7都預左吾玩得耐！
刪除龍BB會唔會忍唔住食左:P
回覆刪除咬過有少少牙印但又未咬得爛，所以會陪住龍BB玩！
刪除做得好逼真呀，瞕瞕一定會塞入口呢，如果比佢咬左一舊出黎，仲會食埋添。
回覆刪除所以我打算買書教佢咋。
係呀，所以我都吾建議大家淘，如果吾係就一定要家長陪同！
刪除我係行超市教，畀燒腩仔摸吓就擺低走人，嘻嘻...
回覆刪除另外我都買咗D切嘅水果，不過係木來，同真嘅有好大唔同，我都怕佢認唔到
平時龍BB一拎水果上手就吾願放手，所以比個假既佢慢慢舞！
刪除又整得幾真喎！嘻嘻我好懶咋，都係教平時屋企有啲生果，或者去超市認下咋:P
回覆刪除因為屋企D生果比龍BB玩到爛晒吾要得，所以比D假既可以滿足下佢haaa
刪除淘寶真係好偉大..咩都有!
回覆刪除造福人群haaaaa
刪除