1Y22D
早排天氣轉涼攪到龍BB 傷風咳左成個月, 睇極醫生都吾好, 吾知做咩佢又成日痰上頸, 特別係朝早同半夜都咳到D痰吾上吾落好辛苦! 睇過2個醫生, 食左接近一個月西藥都清吾到D 痰, 攪到我好擔心! 最後左問右問從其他媽媽口中知道有以下幾個方法清痰! 講真, 有D 方法我真係未聽過, 自從做左媽媽之後真係學識左好多有關BB 既野 ^^
1) 拍痰: 要先拍左右兩邊肋骨, 再拍中間向下掃! (我初初自己吾敢拍, 怕用錯力)
2) 抽痰: 通常某D 兒科診所先會幫BB 抽痰! (聽聞會勁辛苦, 吾敢試)
3) 燉洋蔥水: 洋蔥片放落碗燉成水比BB 飲! (有陣洋蔥味, 不過吾算難飲)
4) 果皮煲水: 將果皮浸軟, 再括走面層衣煲水比BB 飲! (勁苦, 飲兩啖吾飲)
5) 喉棗散/未: 化痰止咳功效 (喉棗未一支貴好多, 但功效亦大好多)
6) 燉川貝雪梨/蘋果水: 將雪梨/蘋果去核連埋川貝落兩碗水一齊燉 (蘋果會較甜, 兩者功效都好好)
以上除左 2) 因為要去診所先做到而我又無去到, 其餘方法全部試晒, 不過又吾係全部 work!
最後用左以下方法一星期終於清晒所有頑固既痰, 太好了!
每日早晚食喉棗散, 隔日燉川貝雪梨/蘋果水(飲左3日), 間中再同龍BB 拍下痰, 結果真係清晒足足煩左一個月既痰, 真係好有用, 希望今次經驗可以幫到各位媽媽啦!
小檬之前果個星期都有少少痰，我都係等佢自己攪掂，下次試下你啲方法先。。多謝分享！！
回覆刪除thanks for sharing呀!小朋友病, mama真係想盡方法幫佢呀~
回覆刪除辛苦MAMA了~~~~~~~~~~
回覆刪除之前燒腩仔有痰我都只係拍痰同飲多D水，試過落果皮煲粥仔但陣味佢唔多like，不過好彩佢夠力咳返D痰出來，所以都唔係搞咗好耐就好返
回覆刪除小朋友病真係又心痛又煩，希望龍bb 健健康康，唔好再病
回覆刪除辛苦了媽媽, 希望龍BB快d好返, 變返健康活潑~
回覆刪除成個月，真係擔心c，好彩最后好番晒！
回覆刪除bb病真係辛苦過自己病,好彩龍bb已經好番晒
回覆刪除之前肚B都係咁，問醫生佢話病好自然冇結果我地都係等肚B自己好番。龍B試過work真係要記得旁下身先得！
回覆刪除