龍 B 媽之記事簿: 4月 2015

2015年4月29日星期三

復活節台北之旅 2015 @ Day 3

2Y5M5D (2015.4.5)
踏入台北行程第三日都算係終極一日, 因為係幾日行程最熱最辛苦既一日!

一早8點幾就要出發去松山火車站坐火車到瑞芳火車站再轉小火車直上十分, 菁桐! 依日時間會比較趕, 因為要就返小火車時間, 每站要等一個鐘先會再有小火車經過, 所以每站都要掌握時間!

我地買左一日遊無限次上落小火車既車票!

第一站 ''十分''! 小火車外表充滿陽光色彩, 同當日蔚藍天空白雲好襯!

當日天氣勁熱, 小火車又迫滿人真係恨不得快D落車買杯冰凍解喝既飲品! 一落車已經要幫龍BB 除左件面衫, 因為實左熱溶左! 之後再買支芒果雪條比龍BB 消署, 佢重當左支雪條係Lollipop, 勁講要食 Lollipop!

之後再行去十分吊橋影相, 本來行程有預埋去十分瀑布, 但係當日真係太熱頂吾順就轉左落下一站 "菁桐"!

坐小火車好快就到左 "菁桐"

已經見到好多人放天燈, 之後我地就搵左其中一間店放天燈!

寫低願望再一齊放天燈, 協助我地個職員好醒目幫我地影相再拍放天燈 Movie!

放完天燈再行下街買下特色手信, 玩左大半日已經熱到溶左既我地就迫返小火車返酒店休息沖涼, 夜晚先再出去食晚飯, 食完飯就返酒店玩啤牌!

復活節台北之旅2015 @ Day 1

復活節台北之旅2015 @ Day 2

復活節台北之旅 2015 @ Day 2

2Y5M4D (2015.4.4) Day 2
到左第二日行程, 由於第一日實左太攰關係, 所以我地依日就預左訓耐d先出門口!

第一站101, 全台灣最高大廈當然要同佢影張大特寫啦!

重有吾少得食當地出名既鼎泰豐, 101內間鼎泰豐真係不得不讚, 服務態度超好, 地方又大又乾淨, 見到每枱都會噴消毒液抺枱, 個個職員手腳又快, 重要我地留意到一點, 個度D侍應全部都係靚仔靚女, 有幾個重係外藉人士, 而我地張大合照就咁啱影埋其中一個靚女外藉侍應, 你睇佢笑得幾燦爛!

食飽之後行多陣101就出發去淡水, 去到淡水沿住老街一直行都係離不開食...同埋...都係食!

大合照後面個大草地有好多人玩泡泡, 影相, 散步, 望海! 再沿路一直行到入面就要買船票入魚人碼頭, 剛好去到即刻有船!

船程好快大概十五分鐘就到左魚人碼頭, 一落船先同 "浪漫情人橋" 影返張相!

一直向橋方向行入去都有不同食店, 其中一間較出名"阿給"

龍BB 一直好似一粒強力電芯大把電未停過, 難為我已經又熱又攰!

見到餐廳隻大Bear Bear 又捱又坐, 開始有攰意了!

我地就入左依間唯一有冷氣既餐廳坐底休息下飲咖啡嘆下冷氣聽下人唱live 等睇黃昏日落!

開始黃昏日落了, 個蛋黃真係好靚!

"浪漫情人橋" 一入夜就會有吾同顏色, 我只影左其中三種色!

睇完日落再坐船出返去淡水, 再坐捷運去 "士林夜市"!
"士林夜市" 真係多人到爆炸, 我地一家三口醫完肚就先回酒店休息, 表哥表姐們佢地繼續掃食!
龍BB係夜市入面見到依隻棉花糖鴨仔不停指住 'Duck', 見佢咁想要就買左比佢, 檔主係親手即場整, 隻鴨仔真係好可愛, 特別係個嘴, 真係好想嘴落去haaa!
返酒店途中好多人都話鴨仔可愛, 又問边度買又撩下龍BB玩咁, 台灣人真係幾nice.

龍BB 未到酒店已經訓到隻豬咁～

復活節台北之旅 2015 @ Day 1

2015年4月23日星期四

2Y5M23D (2015.4.23)
復活節假期大人小朋友齊齊放假, 決定拉大隊去台北自遊行, 對上去台灣已經係13年前! (人物: 我地一家三口, 龍BB 姨媽, 2個表姐, 表哥, 舅父), 一行８人!

今次台北之旅可算對我係一個挑戰, 以往我去旅行一定會跟團, 因為我好怕要plan 行程, 去旅行跟團有車接送有導遊plan 晒行程可以輕輕鬆鬆嘆世界! 而家去旅行要為左要方便湊住龍BB 吾洗跟團咁趕, 所以決定自己plan 行程簡單Ｄ由台北開始, 出發Go Go Go ~~

由於第一次帶龍BB 去旅行, 我都有D 驚會帶漏野, 所以幾乎乜野都帶齊, 基本上全部都係龍BB 既野, 個大喼已經爆晒, 好彩今次旅行係著夏天衫佔好少位! 龍BB 出發之前病左2星期, 好彩臨出發前兩日剛剛好返晒咁我都放心D!

2Y5M3D (2015.4.3) Day 1
正係復活節假期台灣機Full 到７彩, 我地坐個架機係３號朝早6:20am加班機, ２號要零晨到機場Check in 都真係幾眼訓!
龍BB 由出門口一直訓到去機場, 零晨3點到機場一見到表哥即刻精神晒, 一見面比個 Hi Five 先!