X'mas 2013

2013.12.31 (1Y1M31D)
聖誕節過左幾日, 係時候要 update下喇! 今年係同龍BB 第二年過聖誕, 上年因為龍BB 得個幾月人仔所以無出去慶祝, 而今年龍BB 已經識行識走, 可以帶佢出去玩喇!


2013.11.17 (1Y17D)
同龍BB 去左TST行街街, 因為我地係海港城附近, 所以就去埋海港城必影既入口度影相! 龍BB 係第一次見聖誕樹, 佢對聖誕樹上面D閃令令既掛飾好好奇, 一見到就指住大叫波波! 不過當日未到聖誕節都已經人山人海, 所以就快影快閃人!



2013.12.03 (1Y1M3D)
同龍BB 返完 Playgroup 順便經過apm影張相, 點之龍BB 掛住望佢後面D 背景, 叫極都吾肯望下鏡頭影相, 當佢肯難得回望個陣就做左依個表情, 比佢激親!

 


2013.12.15 (1Y1M15D)
之前去過屋企附近個商場已經見到有好多好靚既 Monchhichi, 但係個次因為趕時間所以無影到相, 依日見有野要過去買咁就可以順便同龍BB 補影返喇!



2013.12.17 (1Y1M17D)
去過幾個地方影相, 又點可以少得屋企樓下個商場呢! 當日係去完街返黎見個場無咩人, 即刻可以影返張全景相, 本來想放佢落地影, 但係如果一放佢落地就肯定好難捉得佢定定影相, 所以都係係咁意影完就走喇!



2013.12.21 (1Y1M21D)
做節當日同契媽去左TST 皇家太平洋酒店食Lunch buffet, 今次係龍BB 第一次食 buffet, 之前真係擔心過平日坐吾定既龍BB 又點會肯乖乖坐2個半鐘, 好彩當日佢去程時已經訓到成隻豬咁, 直到去到酒店食左差吾多個幾鐘佢先訓醒, 當時我地已經食飽飽喇, 之後等龍BB 醒左契媽就餵佢食野, 再玩左陣就去反斗城玩喇! 玩左大半日龍BB 又放晒電, 回程時又係訓到成隻豬咁, 之後就下一站返公公婆婆度做節!

龍BB 見到杯雪糕即刻lum lum 脷, 餵食豬!


之後龍BB 見到碗預備比佢既粥, 佢係都要自己用匙巾食, 見龍BB 咁興奮唯有為滿足下佢啦!


 

雪糕杯都玩一餐!


為左食餅餅出洋相, 睇佢個口幾大, 之後契媽問佢比比, 佢重要收埋枱底陰陰嘴笑!



2013.12.25 (1Y1M25D)
聖誕節當晚去左朋友屋企開 Party, 平時龍BB 9:30pm要飲奶訓覺, 點之佢個晚吾知係咪玩得High 過頭, 10:00pm 都吾肯飲奶, 另外個姐姐同妹妹都訓左覺, 佢重勁好精力咁行黎行去搵玩具玩, 小朋友真係玩起上黎係有無窮既精力! 直到11:00pm 走個陣比個奶咀佢即刻訓左!

姐姐好鍾意龍BB, 成日走去同佢搭博頭!

13個月 01 Dec 2013

 1Y1M13D
又停打 Blog 半個月喇, 最近真係好忙, 忙到連水豆針都吾記得要去打, 我真係大檬! 另外又要快D Update 返龍BB 13個月成長, 如果吾係又會好快吾記得!

自從過左1歲既龍BB 真係越大越精, 加上佢又可以自己行得好快, 又越黎越好動, 攪到我有時真係頭都大埋, 捉都捉佢吾住! 而家大人講咩佢都識聽明白, 又成日學大人講野, 依依呀呀好攪笑! 一方面覺得龍BB 頑皮左好多,另一方面又會覺得好玩左好多! 龍BB 學習能力都算幾快, 攪到成日會有好多令你意想不到既驚喜同會製造好多笑料! 見到龍BB 每日既轉變, 每日既驚喜, 令到我依個媽媽真係心都甜埋!

 食
已經出左10隻牙仔(上6隻下4隻), 下面左右兩邊大牙亦有白點出緊牙仔! 講真, 我覺得龍BB 出牙真係出得好快, 不過我重未買牙刷幫佢刷牙, 吾知大家有無用緊360度牙刷呢, 我想試下!
大食既龍BB 一日4餐, 2奶2飯, 奶飲7安一餐(早, 訓前), 有時要飲8安先夠, 飯食到一大碗, 每餐之間又要食下水果, 麵包! 見親大人食野時佢又要食埋一份, 真係好餵食呀! 由於龍BB 好鍾意食野, 而家又肥返少少喇, 之前塊面珠 dum 又出返黎喇!
而家已經食過: 西蘭花, 南瓜, 菜心, 生菜, 小棠菜, 番茄, 薯仔, 紅蘿蔔, 粟米, 冬瓜, 手掌瓜, 紅菜頭, 青豆, 青瓜, 雞蛋, 豆腐, 干搖柱(超鍾意食,識食好野), 三文魚, 豬肉, 鯇魚, 雞肉, 麵包(大愛), ABC通粉, 烏冬, 乳酪, 牛油!
香蕉, 蘋果, 雪梨, 啤梨, 士多啤梨, 提子, 西瓜, 橙, 木瓜, 奇異果, 雪梨, 車厘子, 藍苺(吾鍾意食, 會吐返出黎)!
時間係 8:30~13:00~17:30~21:30

訓
朝早11:00會訓到13:00先起身食飯! 玩到15:30又要訓到17:30再起身食飯, 日日如是真係好識享受!
己經同龍BB 訓大人床喇! 不過超吾鍾意蓋被既龍BB 成日會踢走晒我地D 被, 攪到成日要半夜起身同佢蓋被, 不過好快又比佢踢走!

便便
一日一至兩次, 好暢順!

發展
食講好多字, 例如: BABA, MAMA, 婆, 公, 街街, MO(會打開隻手表示物件無左), 波波, 花,     Add婆(apple)! 英文字母都會跟到我講到幾個發音!
屋企有養魚, 問龍BB Fish 係邊, 佢會走過去指住!
比D 拉圾(例如紙巾盒)叫佢扔入拉圾筒, 龍BB 會好開心咁拎住紙巾盒行入廚房扔落拉圾筒, 我地一拍手讚佢叻, 佢又會好開心咁自己拍手行返出黎! 哈哈!
教龍BB 水果名, 佢已經知道邊個係Banana, Apple, Orange!

1Y5D~ 我真係好鍾意龍BB 含情脈脈既樣!   


1Y11D~ 龍BB 依張有D 似女仔呀!
 

 1Y17D~ 龍BB 好鍾意自己梳頭!


1Y17D~ 龍BB 見到個米奇波波吊飾起勢大叫波波, 忍吾住手要摸下佢!

 1Y24D~ 一路睇迪士尼一路比反應, 睇得好投入!


1Y24D~ 龍BB 比個靚EE 抱住同隔離個 2歲姐姐影相!

東華三院獅子會幼稚園 PN Interview

1Y1M7D
上星期六龍BB 第二次PN Interview"東華三院獅子會幼稚園"!


當日約左12:45pm, 大概12:25pm 已經去到, 入到去先登記完就入左一間課室同其他小朋友一齊玩玩具, 玩左一陣就要全部小朋友由一位家長陪同入另一間課室, 課室入面已預先有兩排座位, 前一排就比小朋友坐, 後面個排就比家長坐, 可惜龍BB 吾肯自己坐, 要我抱住先肯坐定定! 兩位老師先同大家唱歌 Warm Up 下, 但龍BB 係完全無反應囉! 之後又叫小朋友坐去上堂既座位度玩枱上面D 玩具, 兩位老師就走去同家長傾下計觀察下小朋友, 龍BB 係第一個比老師問問題, 點之問問下龍BB 就開始坐吾定自己周圍走, 又走去隔離枱襯熱鬧, 重要全場6, 7 個小朋友得龍BB 一個走全場, 我就跟住佢行黎行去捉都捉吾住佢, 其他小朋友就乖乖咁坐定定! 之後老師可能吾想我咁監介就同我講, 依度得龍BB 一個識行所以佢周圍走係正常而吾係代表佢曳, 聽完依番話好似真係無咁監介喎......(自我安慰中)


玩完一輪老師就送左一包熊仔餅比每位小朋友, 當然包熊仔餅比我同老公消滅左啦, 因為有朱古力龍BB未食得住(奸笑)!


其實今次依間學校既地點老公吾係咁Like, 因為坐完MTR 都重要行一大段路先到, 所以老公話就算有offer 都吾會考慮!

頑固的痰

1Y22D
早排天氣轉涼攪到龍BB 傷風咳左成個月, 睇極醫生都吾好, 吾知做咩佢又成日痰上頸, 特別係朝早同半夜都咳到D痰吾上吾落好辛苦! 睇過2個醫生, 食左接近一個月西藥都清吾到D 痰, 攪到我好擔心! 最後左問右問從其他媽媽口中知道有以下幾個方法清痰! 講真, 有D 方法我真係未聽過, 自從做左媽媽之後真係學識左好多有關BB 既野 ^^

1) 拍痰: 要先拍左右兩邊肋骨, 再拍中間向下掃! (我初初自己吾敢拍, 怕用錯力)
2) 抽痰: 通常某D 兒科診所先會幫BB 抽痰! (聽聞會勁辛苦, 吾敢試)
3) 燉洋蔥水: 洋蔥片放落碗燉成水比BB 飲! (有陣洋蔥味, 不過吾算難飲)
4) 果皮煲水: 將果皮浸軟, 再括走面層衣煲水比BB 飲! (勁苦, 飲兩啖吾飲)
5) 喉棗散/未: 化痰止咳功效 (喉棗未一支貴好多, 但功效亦大好多)
6) 燉川貝雪梨/蘋果水: 將雪梨/蘋果去核連埋川貝落兩碗水一齊燉 (蘋果會較甜, 兩者功效都好好)

以上除左 2) 因為要去診所先做到而我又無去到, 其餘方法全部試晒, 不過又吾係全部 work!
最後用左以下方法一星期終於清晒所有頑固既痰, 太好了!

每日早晚食喉棗散, 隔日燉川貝雪梨/蘋果水(飲左3日), 間中再同龍BB 拍下痰, 結果真係清晒足足煩左一個月既痰, 真係好有用, 希望今次經驗可以幫到各位媽媽啦!

水果教材

1Y14D
水果當中龍BB係最鍾意蘋果, 每次一見到蘋果就會指住大叫, 就算我拎個橙或者香蕉比龍BB, 佢都會搖頭吾要, 係都要指住個蘋果大叫! 不過當個蘋果一到佢手就不得了喇, 龍BB會將個蘋果咬到一忽忽, 又或者當波咁碌落地下玩, 最後個蘋果當然吾要得, 就係咁一個又一個蘋果比龍BB摧毀!

見龍BB咁鍾意蘋果, 決定上淘寶睇下有無得淘先, 以我所知MK/深水佬有D地方係賣$10一個假水果, 不過我見偉大既淘寶賣RMB 4~8一個, 講真計埋運費都同香港差吾多! 但係再揾耐D比我發現一間只售RMB 2.7一個, 重要有加重迫真D, 因為有好多無注明加重係會好膠輕身, 所以大家要小心!

最後我買左以下水果返黎, 買咁多款係因為平時有D水果會好少買黎食, 所以可以順便教埋龍BB認識水果, 聽聞有D幼稚園會考水果架!

不過大家千祈吾好期望咁高, 今次只係想分享下但吾建議大家買, 如果只係買黎擺就ok, 但係買比囝囡玩就一定要經家長陪同(講到好似嚴重左D)!

快D講下點解先, 我一收到依堆假水果第一時間用滴露浸洗消毒先, 因為驚會易脫色! 點之浸完已經有一個奇異果吾要得, 佢脱左好多毛毛, 其餘無脱色ok! 之後拎比老公睇呃到佢以為係真水果, 笑死我……入正提先, 開頭龍BB見到堆水果好開心逐個拎上手玩, 點之一吾為意原來龍BB當左係真水果黎咬, 重要咬到幾個牙齒印見到入面D實心發泡膠, 即刻阻止佢再咬, 所以之後一定要家長陪同先敢比佢玩!

就咁睇真係好似真水果!

       

        



    

12個月 01 Nov 2013 + 一歲健康院成績表

1Y12D
前幾日星期六 1Y9D 去左健康院攞成績表&打針, 去到磅重 23.18 lbs(比11個月時輕左, 但姑娘話體重好好, 如果再重就會偏重), 身高78cm(無高過 =.=")!
姑娘問左一大輪問題! 識吾識行? 識吾識自己拎杯飲水? 識講單字未? 識吾識自己拎野食......? 全部龍BB 都過關, 之後重即場叫龍BB 示範 Clap & Kiss 比姑娘睇, 氹到姑娘係咁讚龍BB 叻叻!
不過有幾點姑娘叫我 Train 下龍BB! 1)教龍BB 踢波波, 可以訓練佢平衡力, 2)介奶樽, 3)用匙巾食野! 其實我心中有D 疑問, 而家先啱啱一歲會吾會快左少少呢, 第1點可以同龍BB 玩時教下, 但第2,3點真係要念念點做, 因為實攪到勁 lea hea......! 吾知 mama 們點教自已個 BB 以上2,3點, 可否分享下!  
之後輪到打13價 & MMR 針, 打完兩支針痛到龍BB 大喊, 好彩一比佢食包包即收聲, 依個囝有得食就得, 真係易氹, 哈哈! 另外要相隔一個月後再出私家打埋水豆針!

食
已經出左10隻牙仔(上6隻下4隻)!
一日4餐, 2奶2飯, 奶可以飲返6安一餐(早, 訓前), 飯食到一碗, 開頭幾日係爛飯, 之後就整同大人飯差吾多再淋D! 最近我覺得龍BB 瘦左好多, 真係好掛住龍BB 之前塊面珠 dum 呀!
而家已經食過: 西蘭花, 南瓜, 菜心, 生菜, 小棠菜, 番茄, 薯仔, 紅蘿蔔, 粟米, 冬瓜, 手掌瓜, 紅菜頭, 青豆, 青瓜, 雞蛋, 豆腐, 干搖柱(超鍾意食,識食好野), 三文魚, 豬肉, 鯇魚, 雞肉, 麵包(大愛), ABC通粉, 烏冬, 乳酪, 牛油!
香蕉, 蘋果, 雪梨, 啤梨, 士多啤梨, 提子, 西瓜, 橙, 木瓜, 奇異果, 雪梨, 車厘子, 藍苺(吾鍾意食, 會吐返出黎)!
時間係 8:30~13:00~17:30~20:00

訓
例牌晚晚半夜醒一兩次, 要放佢訓大人先可以一覺訓天光!
間中會發開口夢大叫兩聲再訓返!
龍BB 好鍾意訓到周圍碌, 有兩次訓訓下佢碌左去床尾重比我踩左兩腳, 龍BB 叫左兩聲照訓, 陰公豬 heeeee

便便
一日一次, 改左食飯飯後 D 便便明顯硬左, 通常都係朝早/ 晚餐後!

發展
踏入一歲依個月既發展明顯進步左好多!
識自己行完全吾洗人扶, 有時行得快好似走緊咁! 
一見有人出門口就識主動同人講 Bye & 搖手, 好鍾意同人 Hi, Hi 5 反而少左, 又成日撩街度 D 人玩, 企係佢附近既通常都會比龍BB 撩 or 比人撩玩!
識豬咀頭向下扮可憐, 好攪笑!
自己開心/讚佢叻叻時會好開心拍手手!
識入彩虹圈 & 形狀, 比書佢會自已揭黎揭去睇!
超鍾意波波, 一見到會指住大叫波...波...
識講Bye, 波, 爸, 媽, 街街, 吾呀(擰埋頭表示吾要)!
識聽指令, 例如廚房門口個閘開左, 叫龍BB 過去 Close the door, 佢會行過去關埋個閘跟住好開心咁拍手! 佢將玩具箱 D 玩具拎出黎玩完, 我叫龍BB Clean up, 佢識將玩具全部放返晒入箱! (見龍BB 咁聽話真係好低鍚, 令我依個 mama 有 D 安慰^^)

11M11D~ 肥豬樣!


11M19D~ 等食攪攪陣!
 

 11M24D~ 洗吾洗咁 Chok 呀!

 

 11M29D & 30D~ 好鍾意龍BB 認真睇書時個樣!