回顧返龍BB 13~14個月成長, 依個月龍BB 又有好多驚喜比我! 首先講下佢D 曳野先! 係屋企勁活躍既龍BB 成日鍾意擒高擒底, 間中擒上梳化都算啦, 佢而家重要擒完梳化再擒枱, 重要高難度咁企係張枱度UN, 當我想捉返佢落黎個陣佢重要覺得好好玩, 同我好似麻鷹捉雞腳咁行黎行去避開我, 一D都吾驚會咁高跌落黎!
龍BB 成日想跟大人入廚房厠所, 一吾比佢入又會lur地大叫, 我一見佢lur地我通常會吾理佢由得佢自己喊, 不過有時佢見無人理佢又會扮無野咁去搵返我! 有時見龍BB 曳我會鬧佢, 但係佢又好似當我同佢玩咁都無咩用, 開始會有D擔心佢係咪吾驚Daddy Mummy既呢??
講完龍BB 曳野, 其實佢都有乖既一面! 我覺得龍BB 好懂事, 有時佢表哥(5歲)搶龍BB D玩具時, 表哥一比大人鬧就會大喊, 龍BB 反而會好冷靜咁拎張紙巾去幫表哥抺眼淚, 又會將手上玩具Share返比表哥玩, 我覺得依樣龍BB 真係好值得讚! 吾知第時如果有個細佬/細妹, 龍BB 係咪會係一個好哥哥呢!
自從龍BB 識自已去扔垃圾後, 試過有次見佢拎住張用過既紙巾走去扔落拉圾筒之後好開心咁拍手, 原來個張紙巾係我抺完野吾記得扔, 龍BB 好自動波咁幫我扔埋, 哈哈!
龍BB 觀察力好強記性好好, 佢飲完個水杯會自己放返上枱, 重會推入D個杯驚佢會跌(依個係我既習慣, 比龍BB 模仿左)! 有時我念住幫佢推入D個杯, 點之龍BB 會吾制, 佢要自己完成晒成套動作先得, 跟住又會自己拎返個杯再放多次上枱!
食
已經出左16隻牙仔(上8隻下8隻,連大牙都出埋)!
龍BB 一日4餐, 2奶2飯, 奶飲8安一餐(早, 訓前), 飯食到一碗, 每餐之間又要食下水果, 麵包!
而家已經食過: 西蘭花, 南瓜, 菜心, 生菜, 小棠菜, 番茄, 薯仔, 紅蘿蔔, 粟米, 冬瓜, 手掌瓜, 紅菜頭, 青豆, 青瓜, 雞蛋, 豆腐, 干搖柱(超鍾意食,識食好野), 三文魚, 豬肉, 鯇魚, 雞肉, 麵包(大愛), 通粉, 烏冬, 乳酪, 牛油, 紅黃青椒!
香蕉, 蘋果, 雪梨, 啤梨, 士多啤梨, 提子, 西瓜, 橙, 木瓜, 奇異果, 雪梨, 車厘子, 藍苺(吾鍾意食, 會吐返出黎)!
時間係 8:30~13:00~17:30~21:30
訓
已經同龍BB 訓大人床! 有時亦吾洗奶咀都會自己訓, 吾知幾先同佢介奶咀好呢?!
便便
已經轉左加大碼片片, 一日一至兩次, 好暢順!
發展
識講好多字, 例如: BABA, MAMA, 婆, 公, 街街, MO(會打開隻手表示物件無左), 波波, 花花, Add婆(apple), dog, 貓, Bird, 吾呀, Um(問大人食野個陣勁講), 哥(表哥), ! 英文字母都會跟到我講到幾個發音!
問佢眼, 耳, 口, 鼻, 頭, 手, 腳全部識指!
同佢講沖涼, 會即刻拖住我去厠所門口!
一講wash hand, 佢會左右手互摸扮洗手, 見親我搽hand cream, 又會做同一個動作表示要搽埋一份!
有時會跟我唱abc/twinkle little star歌, 似模似樣, 有晒韻律! 唱twinkle little star重會雙手扮星星閃!
行動好自如, 會走黎走去玩捉迷藏, 識自己扶住側邊上樓梯!
1Y1M15D~ 好專心咁睇人地射籃球!
1Y1M22D~ 又含情脈脈!
1Y1M24D~ 第一次玩SIR滑梯勁興奮, 自己擒上擒落!
1Y1M24D~ 見天氣好, 出車晒下太陽!(龍BB 扮晒識自己踩 XD)!
1Y1M25D~ 我地送比龍BB 既聖誕禮物 (事緣龍BB 有日去個EE屋企度起勢撩隻dog dog玩, 見佢咁鍾意dog dog, 所以買隻識互動既玩具dog比龍BB, 龍BB 好鍾意隻dog dog, 當佢真既一樣, 重會鍚鍚dog dog tim~
1Y1M28D~ 龍BB 勁驚尿片韆鞦, 反而依個就吾驚!
龍BB: 咁高既, 會吾會跌架!
一見到SIR滑梯, 即刻走去自己SIR, 勁大膽!
問佢眼, 耳, 口, 鼻, 頭, 手, 腳全部識指! => 龍BB 好叻叻呀!
回覆刪除TAREBABY 都係鍾意講DOG, 而唔係狗~
可能我一開始就教佢讀DOG, 所以入左腦!
刪除不過有時公公會教佢講狗狗, 龍BB 就會間中跟讀"9"(有D似粗口既音)......XD
龍BB好叻呀，夠膽自己上落樓梯，仲識得好多嘢啦﹗
回覆刪除佢真係好大膽, 不過可能用頑皮黎形容佢會似D ^^
刪除好叻呀 龍bb .欣賞你識自動波掉站圾
回覆刪除隻狗狗ok 喎。係邊買架?
DOG DOG 係"奇趣天地"買, 聽聲/摸吾同部位有吾同動作, 好個引架!
刪除龍BB識好多野咁叻仔, 我諗返左N班之後會更醒目~
回覆刪除玩SIR滑梯個樣真係好high呀, 吾知你有冇呢? 次次接佢地SIR落黎O個下都被靜電電到 @@"
龍BB 係頑皮B, 有D擔心佢返N班會係吾理人自己走去玩個種~.~"
刪除依個SIR滑梯無喎, 不過試過第二度有個SIR滑梯有靜電, 我電到"達達"聲, 但係龍BB 都好似無咩特別照SIR......
龍bb勁勁, 識咁多野! 仲識幫表哥抹眼淚!
回覆刪除龍BB 一路幫表哥抺眼淚一路會講一堆BB話, 好似真係叫佢吾好喊咁!
刪除真係乖豬仔啊, 咁你快啲生返個細佬妹俾龍BB照顧下, 一齊玩...:P
回覆刪除我驚到時比兩個玩返轉頭haaaa
刪除不過我地有共識會有細佬妹陪下龍BB ^^
龍bb都識幾多野啵...最值得讚係會幫表哥抹眼淚, 仲會share番d玩具俾表哥玩, good good~
回覆刪除龍BB 依點我都好like, 有時我扮喊龍BB 個樣都會好似好擔心咁架haaa
刪除龍BB好叻呀好快識好多野。。（應該同小檬哥哥差不多。。嘻嘻）
回覆刪除媽媽應該會舒服好多，繼續加油呀
龍BB: 我要以小檬哥哥為榜樣做個又乖又叻既小朋友 ^^
刪除龍BB好叻又乖，最叻係識同表哥抹眼淚，又肯share 玩具，相信龍BB一定係個好貼心的好哥哥！
回覆刪除龍BB發展得好好呀~仲可以每日有poo poo..
回覆刪除戎奶咀呢樣野我都好想呀..yin b依家22個月啦都仲未戎甩呀><""
龍BB"有時亦吾洗奶咀都會自己訓"，那當然現在盡快戒甩它啦!上網占睇話會影響牙床。
刪除Yin B媽，你有用什麼方法戒呀?
上星期四開始同一仔戒，喊得好淒涼，之前瞓瞓下會甩奶咀，現在成晚含住唔放呀!都怪我幫佢戒之前無再上網搵定資料。.....現在兩頭唔到岸，都唔知點算好?
龍B玩鞦韆驚驚個樣好搞笑好可愛呀 XD
回覆刪除響邊度有依款鞦韆呀？成張龍椅咁好正呢~