8月見龍BB 返完 ("Jolly kingdom" Playgroup) 課程, 接住就幫佢報讀PN 個間幼兒/稚園既 PG, 始終龍BB 而家重未夠2歲, 所以想先比佢輕輕鬆鬆咁玩埋依幾個月, 到龍BB 滿2歲(11月)就會返依間幼兒/稚園, 而家報佢既PG 就係想比龍BB 預先適應下入面既環境, 打算會一直返依間幼兒/稚園PG 直到11月入學, 每星期一堂每堂一個鐘$200!
1Y9M10D
第一日返新環境PG, 要面對新既老師 & 新既同學仔, 我開頭都有D擔心龍BB 會吾適應, 點之上完第一堂先知原來我念多左!
早到左10mins 入到課室要自己坐定定玩玩具Warm up下先, 兩位老師(英文 & 國語) 就分別走去同龍BB 玩, 其實一個講講下英文突然又走個講國語既黎, 龍BB 會吾會覺得R 頭呢? 連我都要即時轉Channel 去應付老師們!
當等齊人 (其實計埋龍BB 都只係得5個小朋友), 英文老師先點名舉手, 然後再帶領佢地唱歌仔, 又問佢地頭眼耳口鼻係邊度, 龍BB 完全無膽怯, 全程載歌載舞勁happy, 又做晒老師既指令, 連老師都讚龍BB 叻叻, 相反旁邊有個妹妹又大叫又走黎走去都完全無影響龍BB, 其實連我自己都覺得有D 意外, 估吾到龍BB 可以咁快完全融入晒環境!
之後老師就比佢地油顏色做勞作, 油完重要小朋友自己拎出去貼上畫版, 個感覺真係好似返緊學咁! 5個小朋友貼晒勞作上畫版之後我發現左D野, 其餘4個小朋友既勞作係勁明顯由佢地家長油出黎, 唯獨是係得我比龍BB 完全自己一手包辦油依塊鏡, 其實點解吾比佢地自己親手發揮去做依份勞作而會係由家長幫佢地做呢? 咁樣做正確嗎? 對小朋友好嗎? 依點我真係念吾明, 定係我太過由得龍BB 自由發揮呢??
油完顏色就要佢地排隊跟老師去洗手間洗手, 龍BB 係第一個走去老師度排隊, 老師二話不說就拖左佢走, 可憐既我睇住龍BB 拖住老師就咁走左去完全無叫過媽咪, 我一路跟住後面睇就覺得龍BB 好獨立, 好似真係睇住佢返學係時候要放手咁! 如果到時真正返學龍BB 有咁既表現我就放心晒喇!
洗完手就再排隊一個手疊住一個扮火車咁入課室, 點之排龍BB 後面個哥哥就當玩一路行一路推住龍BB, 攪到龍BB 行吾到, 當時我見到人地個爸爸竟然係吾出聲由佢個囝推人囉, 而我亦無即時勸阻, 因為我見到龍BB 好冷靜, 完全無喊無大叫, 反而重識企埋一邊遠望我! 我相信返學一定會遇到類似咁既情況, 而家就當比龍BB 一個試驗啦!
入到課室各自坐返原位食茶點, 有水 & 粟米湯, 龍BB 自己食食下又餵下我, 真係好Sweet, 食完就要自己收拾好餐具!
之後就再去另一邊上堂, 今次就由國語老師帶領佢地講故事, 另一邊個場要落幾級樓梯, 眼見其他返開既家長都那那臨走落去, 而我重係慢吞吞咁幫龍BB 著蔑, 幫龍BB 著完到我自己著, 我叫龍BB 企係度等我, 之後另一個工作人員就讚龍BB 好乖真係肯企定定等埋我! 之後大家聽完故仔就唱歌玩遊戲, 玩完就去洗手講Bye Bye lu!
由於上堂係用返學模式, 所以我都無係幼兒/稚園影相, 吾想比老師話 heeeee
幼兒/稚園比左個姓名掛牌龍BB, 都幾靚架, 值得留念!
感想: 今次返幼兒/稚園既 PG 真係同平時返個d 好吾同, 而家就用返學既模式上堂, 個感覺真係好好, 一個鐘好似做左好多野咁, 希望一直用住依個模式比龍BB 返PG 真係可以令佢到11月入學時吾會覺得陌生同快D適應校院生活啦!
呢個返學模式嘅PG都唔錯喎，龍BB之後正式返學應該好快適應到學校生活
回覆刪除我都覺得幾好，等龍BB知道原來返學大致都係咁，希望灌輸比佢知校院生活係開心既！
回覆刪除龍B好叻好定呀，佢可以返住PG咁等正式上N班，到時返學一定順順利利！
回覆刪除肚B停左PG咁耐，我都有啲擔心佢返學會通場走呢
暫時算定，希望返PN時都可以keep住就好了！
刪除肚B個間幾時開學？