1Y9M28D
依件事吾係發生係我同龍BB 身上, 但係都令我反思左一輪~~
話說有日我坐小巴尾坐, 中途有個MAMA同個我估大約未夠3歲既囝囝上車, 佢地當時都係坐係尾坐! 正當小巴行緊既時候, 依位MAMA就走去"o都"發達通, 跟住個小朋友就念住跟住行去之際, 坐係斜前面有個EE 就伸出佢隻手打算擋住個小朋友行出去......跟住以下對話就係重點!!
EE: (用手擋住吾比佢行) 小朋友, 你吾好行出黎呀, 架車行緊架!
MAMA 同時"o都"完發達通返回位坐定!
小朋友: (舉起隻手用手指指住個EE, 重要用兇怒眼神望住EE) 哼......我嬲你!
EE: (好認真再有點憤怒既聲線) 我都係驚你跌出去姐......
MAMA同小朋友互望, 大家都無出聲! (完)
見到依件事之後我就念, 點解個小朋友會咁樣回答個EE, 係咪因為平時屋企都係用咁既模式應對!? 我又念, 如果個刻發生係我身上又應該點好呢!? 不過我多數都會即時解釋比龍BB 聽咁做吾啱, 但係其實佢又會吾會理我呢!
講真, 自問自己未必係100分媽咪, 但係我都會盡量將最正面既野教比龍BB!
不過, 有時佢地學野真係好快, 會無時無刻突然嚇你一驚! 有日我叫龍BB 比佢手上既野我, 佢竟然係"哼" 左一聲重要擰轉面吾理我, 個刻我真係知衰喇, 記得之前我話龍BB 吾聽話, 我又係"哼"左一聲扮嬲吾彩佢, 原來龍BB 已經將佢放左入腦, 我真係完全無念過龍BB 會學足晒! 之後我即刻又要同龍BB 解釋一輪(希望佢明啦)!
所以我同老公夾好, 無論玩又好認真都好, 都吾可以係龍BB 面前做錯野/講錯野!
而家做左家長真係要每樣事都要做好榜樣, 亦希望自己真係可以教導出一個善良,正面既龍BB ~~~
我覺得超難架，好似而家anki都開始識野左，我成日咩都話佢唔岩都話到我都覺自己好煩，我好驚蕎b唔愛我，但佢做嘅真係唔岩呀麻
回覆刪除睇書講過, 佢做錯唔岩係要話, 不過一定要解釋原因, 吾好等佢地一味只係知道父母話唔岩而吾知自己做錯咩!
刪除其實好明顯個家長唔解釋畀小朋友知唔啱，又或者唔同個EE道歉都係有問題，宜家真係乜嘢家長都有，就算我哋點做好自己都好，遲D佢哋返學識咗D新同學仔，或者就咁睇電視，都好難避免佢哋學到D唔好嘅嘢，做父母只可以從旁誘導佢同灌輸佢，畀返D正面價值觀佢，真係一門好高深嘅學問來，大家一齊加油呀﹗
回覆刪除有時真係好驚自己用錯方法去教導佢地, 不過一定知道教導佢地係好需要十倍耐性同力量, 共勉之!
刪除除左身教，父母嘓教導都好緊要，好似個小朋友咁話個EE，但媽咪都唔出聲，唔怪得縱到個仔咁呀！
回覆刪除EE落車後, 個媽咪重要同小朋友講"下次再係咁, 我吾幫你架喇"......聽完我真係覺得奇怪, 原來咁樣先叫幫左個囝, 真係似縱多過幫!
刪除個家長完全無意識去解釋俾小朋友知, 咁樣小朋友只會覺得係個ee擋住佢, 係ee唔岩囉, 乜咁都得架, 如果係我我一定會即刻解釋番俾佢聽, 等佢知道架車開緊時, 佢唔應該咁樣行出去, ee都只係擔心會有意外所以先阻止佢囉.
回覆刪除Agree with U
刪除佢地學野好快. 有時啲野我地唔覺意做左佢地就跟左架喇...
回覆刪除不過要下下提住自己呢樣唔好果樣唔好又有啲難度喎.
惟有focus落啲大野度, 細既隻眼開隻眼閉 (對自己)就算喇
無架, 同老公有共識知道咩可以係佢面前講得咩係吾講得, 咁就吾洗下下提住囉!
刪除小朋友學野真係好快,,,,尤其是衰野~~
回覆刪除所以要趁佢地未學壞, 盡快教導返佢地係好緊要~~
刪除果個mama連多謝ee都無講，佢自己都咁無礼貌，更何況个囝囝呢，有样学样呀！
回覆刪除可能個mama都覺得無問題 =.=
刪除小朋友真係有樣學樣, 大人一定要留意自己的言行
回覆刪除Agree with U
刪除tarebaby 而家成日學我講野, 所以我都唔敢亂用D 字眼... 小朋友學野真係好快, 同埋佢地冇"做得岩" " 做得唔岩" 既概念, 咁惟有我地自己注意下自己既行為說話啦~
回覆刪除大家都努力~
我都聽朋友講過, 佢地可以好似錄影帶咁講返大人講過野架, 真係利害!!
刪除如果我係個媽媽, 我一定會話個小朋友咁做唔o岩, 教育佢ee 係好意叫佢唔好行出黎...
回覆刪除大人有時講野, 小朋友真係好易學左, 有時我都好唔小心話老公"痴線"...所以真係要小心講野~
哈哈, 我都試過話老公"痴線"比龍BB 學左, 即刻又要解釋比佢聽, 好彩之後無再出現過依兩個字喇~~
刪除個mama 其實應該解釋番比個小朋友知啦，唔該都冇聲，個 ee 都係怕小朋友趺親姐...
回覆刪除嗯，對啊，小朋友學野好快，真係日常生活要小心d，嘻 ^^"
日常生活真係好多野要留意 (滴汗中")
刪除