龍BB 眨下眼已經返左一個月PN 班, 根據學校既時間表, 由於龍BB 係11月先插班, 所以佢要由每日返一個鐘再慢慢睇情況加時間, 預計12月先會正式返3個鐘!
今次真係不得不讚下龍BB 叻仔, 頭一星期返一個鐘完全無喊過, 老師都讚佢乖仔, 所以可以由第二個星期開始加到3個鐘上堂時間! 不過自從龍BB 返完第一日3個鐘之後, 佢D 情緒開始有好大起伏, 吾知係咪時間長左, 又可能比老師上堂訓話過, 所以半夜訓訓下彈起大喊!
到之後連續幾日返學龍BB 行到門口都吾肯放手入學校門口, 一見到門口D老師企晒係度好似覺得人地會食左佢咁, 驚爆!
見佢咁驚入門口, 我就日日都同龍BB 講, "老師同媽咪讚你上堂好乖好叻呀, 肯自己坐定定聽老師話, 老師話如果可以日日自己行入學校課室咁就重叻叻喇" 依段說話我幾乎日日送佢返學都講, 直到幾日後, 龍BB 真係肯自己行入學校, 重識得主動伸手出黎比老師消毒探熱, 跟住同我輝手Bye Bye, 原來我日日咁讚佢真係好有用! 所以而家每晚都會讚一讚佢, 又同佢講返學好開心, 又可以唱歌仔, 同同學仔玩遊戲, 又可以聽老師教導......有時讚一讚龍BB, 見佢個樣真係會沾沾自喜, 好滿足咁!
收到學校影龍BB 上堂時既3張相, 我覺得學校依份心意令我好Warm, 睇到真係好感觸, 覺得龍BB 真係大個仔喇!
有幾本上堂用既課本, 其實有d 我都覺得幾深 haaa
重有11月上堂做既勞作, 油顏色!
見龍BB 亂油一通, 等我係屋企比佢油多D先!
每次收到個英文字/圖畫, 我都會問龍BB 係咩, 佢真係又全部識讀喎, 叻叻!
之前聽人講返左學會易病, 龍BB 真係中晒招, 返學到而家已經睇左成仟蚊醫生喇! 要念辦法增強佢抵抗力先得!
龍B好叻仔呀，經媽咪輔導之後就克服到，仲會揮手bye bye添！
回覆刪除返學真係成日病，肚B都長期流鼻水，不過12月頭學校打完流感針又好似好啲
有時真係要講多D讚多D等佢無咁驚！
刪除學校安排12月打流感針又幾好喎，而家肚B讀邊間？
屋企樓下嘅學卷邨校咋，雖然內容淺，不過我覺得適合肚B，都應該上K1架
刪除最緊要適合肚B同返得開心, 直升可以煩少樣搵學校 ^^
刪除小朋友都鍾意爸爸媽媽稱讚嘅，龍BB之後都好叻啦
回覆刪除讚得佢多連我自己都開心埋!
刪除佢而家返學真係叻左, 最起碼肯自己行入學校門口同我Bye Bye
你加埋先睇左成千蚊... 我係每次都過千, 開學四個月, 應該睇加兩萬有多... 唉
回覆刪除嘩, 咁你都幾破費喎, 有無問過老師學校d消毒安排, 咁病法吾係辦法呀!
刪除學校d消毒有衛生局指導的，touch wood瞕瞕唔係大病，都係傷風感冒戈d，私家診所收費300左右一次，覆診三次都成千，兩萬之中其中有一萬係某次住院既
刪除