之前無寫Blog 一排已經吾係好記得21~22~23個月既進度, 而家唯有由23~25個月開始再寫返, 真係越來越無記性呀!!
食
23~25 個月大既龍BB 重32 lbs, 高90cm, 發覺龍BB 幾乎一個月會高1cm, 至於重量都keep 得OK, 早晚各一支7安奶(大愛), 不過佢而家越食就越少野, 正餐幾乎食無半碗飯, 有時重要人餵幾啖先肯食, 另一方面龍BB 重未好識拎匙巾, 佢會用右手(間中用左手, 不過我會要佢用返右手)拎匙巾左手又幫手將匙巾D食物放入口中, 攪到食親飯都左右手勁污漕!
發展
講野進度, 暫時只能用依個字去形容 "唉......" , 佢依幾個月都無咩大改進, 重係來來去去都講個D字, 未有一句完全既句子對話! 雖然健康院有叫過我地返去Check, 不過我當時又真係高估左龍BB 念住佢返學後會好D, 不過而家只係啱啱返左一個幾月學, 我吾想比咁大壓力龍BB 同自己, 順其自然吧! 另一方面覺得龍BB 係較接受英文多過中文, 好多人都話英文易講D, 但係佢平時真係鍾意講英文單字多過中文!
訓
中午一定要訓覺, 12:00pm放學食個Lunch, 2:00pm~2:30pm點就好準時要訓至少3個鐘! 夜晚大約10:00pm~10:30pm 先肯訓! 到而家重要我陪住先訓, 如果我比佢發現走開左, 佢會喊住叫"媽咪, 係到, 係到" 意思係叫我係到陪佢吾好走開, 佢一叫, 我就要飛撲返過去陪佢, 等到佢訓著先可以做返自己野!
Poo Poo/VV
去完先同我講 Poo Poo, 不過佢一 Poo 就好明顯, 龍BB 會走去一個無人既地方, 吾比人望到佢Poo Poo, 一比佢發現會推開我, 所以有時行行下商場會怪怪的, 又要扮睇佢吾到Poo Poo, 但係又要暗中睇實佢驚吾見左人......
VV...我太懶, 重未開始訓練佢介片
1Y11M5D~ 自己親力親為完成去街街指定動作!
1Y11M25D~ 去斗斗城 ROck AnD RolL~~
32磅，勁呀，南瓜仔得23磅左右。
回覆刪除其實龍BB 吾算肥，可能骨重！
刪除32磅？真係堅重手喎﹗
回覆刪除非必要都吾會抱，因為真係好重下，不過可能抱慣左個重量，所以都適應左！
刪除有時見其他媽媽可以著高踭鞋一手抱個囝一手拎幾袋，覺得佢地好利害~
Really? 我覺得龍bb望落好強壯
刪除自己著鞋襪，叻仔！
回覆刪除佢通常都著到對襪歪晒，要幫佢移返好先再比佢著鞋！
刪除某程度上，講英文係易d架，例如bird bird發音一定易過雀仔；但又非必然，例如「遮」發音又易過umbrella
回覆刪除不過我都係堅持教瞕瞕講好中文(母語）先
而家會同佢遂粒中文字咁講多D野, 佢開始會跟住學講了!
刪除龍bb好高大呀, 32磅真係抱一陣就攰屎…
回覆刪除真係會好攰架, 抱一陣我會同龍BB講媽咪隻手好攰無力叫佢自己行, 咁佢就會乖乖自己落地行返
刪除32 lb, 好勁呀！你話佢唔食野但都有32 lb wor...
回覆刪除可能同佢Daddy一樣骨粗/重~
刪除嘩龍B原來已經咁高同咁重架啦好勁呀！
回覆刪除講野進度方面，龍B暫時返左唔係好耐啫，你實會每個月見到佢嘅進步架 ^^
佢同同月個d比較真係高dd~
刪除講野已經吾想刻意強求, 順其自然, 當暫時比我耳仔清靜下, 因為聽人講小朋友一識講野就會好鍾意問問問....haaa
大個仔喇, poo poo要privacy!
回覆刪除田鼠b而家要返屋企先肯poo呀....
龍BB 都係架, 我同佢講放學返屋企先poo poo, 佢真係日日都可以一放學返到屋企先poo架, 始終屋企係最舒服既~~
刪除