錦田士多啤梨園

2Y4M21D
本來2月約左龍BB 公公婆婆, 舅父, 表哥, 表姐一齊去錦田士多啤梨園, 之後一改再改終於趕在3月尾摘士多啤梨(旺季約每年12月初至4月)!

我地大概2點幾先到達錦田士多啤梨園, 好彩當日天氣吾算太熱, 所以吾洗滴住汗玩! 入到去第一時間坐兔仔車(就快復活節, 所以選兔仔車應節)! 明明叫龍BB 做V手勢, 點之得個1字手勢!


坐完兔仔車就開始步入士多啤梨園, 沿路見到3隻巨型吹氣公仔緊係要影返張相啦!
今次龍BB 乖喇, 叫佢V 重識打孖兩隻手一齊V, 其實龍BB 當時係Yeah 緊!


再行入D 已經見到一片士多啤梨園, 佢有分3種價錢$120, 100, 80/磅, 我選韓國 $100/磅!
可能已經係旺季尾聲, 所以一眼望過去都吾算多人!


大粒又紅既士多啤梨已經得返好少!


龍BB: 等我睇下邊度有大粒士多啤梨先!


龍BB: Daddy,個邊好似多D呀! (疑惑中)


龍BB: E~~ Daddy, 你睇下原來下面都有大粒士多啤梨呀! (驚訝中)


Daddy: 我地一齊合作, 我拎住士多啤梨, 你幫手剪落黎! (真實對白)


Daddy: OK, 得左, 放落個籃度!
龍BB: Thank You Daddy! (真實對白)


收成喇, 總算摘到D 又大又紅既士多啤梨!


龍BB 摘完士多啤梨重未夠喉, 比佢去草地放下電, 吾知你地認吾認到佢個背影呢!
玩到大概5點幾就出返元朗, 舅父帶我地去食好野!