龍 B 媽之記事簿

2014年5月4日星期日

第一次去 Salon

1Y6M4D (2014.5.4)
除左龍BB 出世頭幾個月係公公幫佢挮光頭外, 之後龍BB 個髮型一直係由我依個媽媽操刀, 但係直到龍BB 越黎越大個開始難控制, 加上又驚自己手勢吾好剪左個薯仔頭咁就吾好啦, 所以決定襯前排熱熱地帶佢去Salon 剪頭髮!

1Y5M21D (2014.4.21)
入到Salon 話幫BB 剪頭髮, 師傅一見到老公即刻問"係咪要剪到同Daddy 一樣呢", 我即時話吾好掛, 咁老積! 但係當時老公又覺得父子頭幾得意所以就舉腳讚成! 跟住老公就負責抱住龍BB, 不出我所料, 第一次去Salon 既龍BB 真係驚到暈, 要我地三個合力又氹又分散佢注意先可以用一個鐘時間完成! 最後出黎個髮型都勁襯龍BB, 又爽又型, 可以出去追女仔喇!

師傅一拎起較剪, 龍BB 已經驚定先, 攬實Daddy吾放!

重要全程怒啤師傅!

擺出一副勁不滿個樣!
龍BB: 叔叔, 吾好攪我個型仔頭呀!

剪完即刻帶龍BB 返屋企沖涼, 之後再帶佢落會所玩返陣!
(前睇)

(側睇)

(後睇)......都咁型仔, 靚仔晒!!

龍BB: 等我學下自己吹型D個髮型先!

由(全職媽媽)變(在職媽媽)

1Y6M3D (2014.5.3)
各位Blog 友好耐無見喇, 好掛住Blog Blog BB'S 呀! 黎緊我都要努力再Update 返個Blog, 希望可以盡快補返之前想寫既野!

其實失蹤左一排無得寫Blog 係因為屋企要Join 寬頻上網, 等左差吾多一個月xx寬頻竟然用拖字決都重未可以安排幫我裝, 攪到嬲嬲地要搵過另一間公司裝寬頻, 而家依間效率好快, 登記完兩日就幫我裝好, 早知一早搵佢就吾洗咁嬲啦!

講返正題, 相信有好多媽媽都會為左照顧BB 由(在職媽媽)變為(全職媽媽), 相反我就由(全職媽媽)變為(在職媽媽)! 其實由龍BB 一出世親手照顧佢到1歲每一個畫面都真係好深刻, 可以每日陪住龍BB, 照顧佢, 睇住佢成長真係好開心, 依一年做(全職媽媽)真係絕對值得!

老實講, 我自己真係無念過會做左(全職媽媽), 因為我成日覺得我係一個吾可以吾工作既人, 正所謂手停口停! 但係當生左龍BB 之後真係好想試下自己湊, 其實睇住龍BB 由一個初生BB 到學始識同人互動, 學習吸收各樣事物, 做媽媽可以第一個睇到龍BB 好多既第一次真係好感動, 所以湊下湊下就越黎越黎吾捨得, 湊龍BB 既日子又過得好快, 咁就1年喇 ! 而家每日朝早就將龍BB 交比公公婆婆湊, 到放工就接佢返黎沖涼, 同佢玩下, 到9點半就陪佢訓覺, 每日既時間真係過得好快! 其實初初幾日真係好吾慣, 有打算請個姐姐照顧, 但係公公婆婆又開金口想湊孫, 加上老公又吾係咁放心請姐姐, 所以都打消依個念頭, 不過好快我地又習慣左咁既模式喇!

講真, 出返黎做野之前自己有幾點都爭扎左一排, 相反老公就好想我繼續自己湊, 不過到最後我都係選擇做一個(在職媽媽), 為左龍BB, 我要繼續努力向我目標進發, 繼續加油!

以下有幾點都爭扎左一排
1) 吾想老公負擔咁重, 始終一個人要養起三個人真係吾係一件容易事(講左心聲比老公聽好多次, 但佢依然都係個句, 叫我吾洗擔心, 想我自己繼續湊龍BB)

2) 覺得龍BB 好痴身, 一行開就喊晒咁搵媽媽, 真係24小時都痴實左 (吾想龍BB 太痴媽咪, 怕佢痴慣左再大DD無左媽咪係身邊都會喊晒, 另一方面都想佢痴下Daddy)

3) 有時湊得悶悶/嬲嬲地好想抖下氣, 做(全職媽媽)真係將所有時間比晒龍BB, 就算想用少少時間出街做下自己野都無

4) 始終自己搵自己洗真係會痛快D, 吾洗下下同老公就住就住......哈哈

2014年3月1日星期六

15個月 01 Feb 2014 + 16個月 01 Mar 2014

1Y4M (2014.3.1)
我同龍BB 終於潛完水返黎喇, 潛左水咁耐大家有無掛住龍BB 呢? 其實點解咁無寫Blog 連龍BB 第15個月成長都Miss 埋, 事緣最近發生左D 事, 攪到我又無時間又無心機寫Blog, 不過而家件事已經告一段落, 又可以重回Blog 巢! 講真, 咁耐無寫Blog 真係好似欠左D 野咁, 話晒依個Blog 有晒龍BB 既成長經歷, 又有大家倍住龍BB 成長, 真係多左一份親切感, 所以我一定要補返之前Miss 左既Blog! 今次依篇Blog 會一次過寫晒龍BB 15 & 16個月成長, 另外又要努力追返大家個 Blog 先得(好似放完大假要返公司清mail 咁)

回顧返龍BB 14~16個月真係大個仔左好多, 佢已經會聽好多指令, 有時重會覺得同龍BB 好有交流, 例如問佢好吾好/要吾要, 佢會擰頭吾要又或者會用吾同方式去表達佢自己想要既野! 去完街叫佢自己除鞋放去鞋櫃, 佢又會好聽話去做! 而家真係吾可以再叫龍BB做BB 喇, 佢已經係一個小朋友喇!

雖然覺得龍BB 絕對係一個醒目乖巧B, 不過有時佢發脾氣個下真係幾難攪, 試過有一排超鍾意lur 地, 一吾鍾意就lur, 不過 so far 咁耐佢都未試過係街lur, 只要佢係屋企一lur 我會第一時間走開由佢, 可能龍BB 見依個方法吾得所以都好耐無再lur 地喇!

食
已經出左16隻牙仔(上8隻下8隻,連大牙都出埋), 開始同佢用牙刷, 但係佢竟然驚支牙刷放入口, 真奇怪, 平時亂咁放野入口又吾驚, 反而我幫佢放支牙刷入去佢會驚!
龍BB 一日4餐, 2奶2飯, 奶飲8安一餐(早, 訓前), 飯食到一碗, 每餐之間又要食下水果, 麵包! 不過吾知係咪食大人野多左, 佢開始吾鍾意食自己既飯, 有時寧願吾食一餐, 等到大人食野時佢就會飛撲埋黎食埋一份!
而家已經食過: 西蘭花, 南瓜, 菜心, 生菜, 小棠菜, 番茄, 薯仔, 紅蘿蔔, 粟米, 冬瓜, 手掌瓜, 紅菜頭, 青豆, 青瓜, 雞蛋, 豆腐, 干搖柱(超鍾意食,識食好野), 三文魚, 豬肉, 鯇魚, 雞肉, 麵包(大愛), 通粉, 烏冬, 乳酪, 牛油, 紅黃青椒, 大人野好多都有試過, 除左牛同海鮮一定吾會比之外其餘好多都試過!
香蕉, 蘋果, 雪梨, 啤梨, 士多啤梨, 提子, 西瓜, 橙, 木瓜, 奇異果, 雪梨, 車厘子, 藍苺(吾鍾意食, 會吐返出黎)!
時間係 8:30~13:00~17:30~21:30 (試過有半個月可以由18:00 訓到第二朝, 到21:30 都會照比佢訓住飲奶, 飲完之後又9秒9訓返)

訓
已經吾會半夜起身喇, 通常都會一覺訓到大天光! 不過由於龍BB 係同我地訓, 佢有個習慣一定要我先陪住佢訓先肯訓, 就算Daddy 陪都吾得!

便便
已經轉左加大碼片片, 一日一至兩次, 好暢順!

發展
又學識講好多字, 例如: 好清楚叫媽咪(之前係叫媽媽), 哎呀, Bubble, Duck......新年期間最多講就係"馬", 因為去到邊都見到馬年既飾物, 一見到就會講'馬馬', 不過有時睇電視見到美素廣告個隻'牛'都會以為係'馬'!
見好多Blog Blog BB 已經識happy face, 所以我都教左龍BB 做happy face 喇, 開頭佢會指係兩邊耳仔, 經糾正後已經會指返面珠, 平時一同佢講happy face 重會即刻側埋個頭擺出一副好可愛既樣出黎, 但係好有性格既佢一見人拎手機同佢影相, 佢會即刻吾做走開, 攪到我勁難同佢影張happy face!
成日跑黎跑去, 一放佢落商場可以一支箭跑左去, 吾肯拖住大人手, 點算好呢?
好鍾意跳舞, 一聽音樂就un下un, 有時重會擺晒姿勢咁, 其實望住佢跳都覺得幾攪笑, 有時重會幾有型, 如果我係女仔可能都會比佢電親, 哈哈!
龍BB好鍾意kiss 媽咪, kiss完我就會kiss 埋Daddy, so sweet!
其實睇住龍BB 一日比一日長大, 會覺得佢個性格係屬於開朗活潑, 心地善良, 間中又怕怕醜醜個D 類型, 希望龍BB 一直Keep 住健康成長, 吾好學壞!

1Y2M4D~ Happy Boy, 好多牙仔!