中秋佳節 2013

10M20D
今年係第一年同龍BB過中秋, 我地19號中秋節當日去左龍BB嫲嫲屋企做節, 龍BB吾知點解個日勁眼訓, 明明已經朝早同中午每餐之後都有訓大概兩個鐘(同平時差吾多), 但係佢出到街都重係好吾夠訓咁, 眼袋都出埋黎, 不過無計中秋節咁開心既日子又點可以吾同龍BB出黎熱鬧下!

一早買定個"鬆弛熊"燈籠比龍BB, 但係隻野實在太嘈, 所以決定封左佢, 點之原來依隻款既燈籠開左燈都好似無開燈咁, 所以最後連電池都吾入就咁比龍BB拎出街應下節算了! 原來龍BB都幾鐘意隻"鬆弛熊", 一比左佢就攪實吾放好攪笑!

去到嫲嫲屋企已經好快又訓著, 到食完飯差吾多9點幾龍BB已經睡魔急call喊爆要訓, 所以我地都回府喇! 知識屋企附近攪左個大型花燈, 決定點都要過去比龍BB同燈籠花燈影張相應下節, 去到個陣龍BB一見到D花燈即刻醒晒, 於是那那臨幫佢同"嫦娥"影返張相先!

10M19D~ 龍BB同我祝各位中秋節快樂, 人月倆團圓!